¹ Abib ed oobat, maigmua wajapha wainaat chi paskua chi Ẽwandam pʉ Aai ithee, magwia Abib ed gaai chi Ẽwandam pʉ Aayau Egiptomua pʉ edaarta awaan majim. ² Pãrãu thõobapʉit paskua ed chi Ẽwandam pʉ Aai ithee mag neminaam deeg chi obeja khapan thʉnʉm eem maigta Ẽwandamau ich di jʉraujú jewaag. ³ Oob pan lebaduur dʉi khomiet; khãai siete naajuarrau pan lebaduur chukhu kho nʉm chi pan chukhu dau aphʉʉnaajú; khanjãgwie aji pãar Egipto jẽb gaaimua apuraa beetarr aawai. Mʉgta ed eempierr waubat magta pãrãu pãach khĩirjũg ee khĩir eyaa ajú agjo Egipto jẽb gaaimua obertarr. ⁴ Lebaduur durr khĩir thẽunʉm aarja oobam má khãai siete majú; agjo nemek modjom pod thõojú khaba nʉm kheeurag warrpem ed maata masim agnoram edaupherre. ⁵ Pod thõojú khaba sim paskua ed phobor ee dug nʉm aig chi Ẽwandam pʉ Aayau pʉrʉg dee sim. ⁶ mag jũrr, thõowapʉit Ẽwandam pʉ Aayau jʉrautarr aig ich di jeeujú aig. Maigta ich diu paskua ithee thõojim kheeuraa edau khundʉ baadem aig, mag ed gaaita pãar Egiptomua oberdʉgkha jierram. ⁷ Ʉuwia maigmua khojuarrau chi Ẽwandam pʉ Aayau jʉrautarr aig; Edaupherre pʉ phʉʉrdʉan majú maigmua deeu pʉch khãaijem aig beejú. ⁸ Khãai seis naajú pan kho nʉm lebaduur chukhu; khãai sietem ee biirdʉjuarrau chi Ẽwandam pʉ Aai ithee; mag ed gaai thumaam khʉʉn phidag waubam. ⁹ Pua beermajú seman sietes pãach eem khʉʉnaupai; maigmua chi trigo paarpa baadeewai maigʉmuata beerjuarrauseman siete. ¹⁰ Magta mag seman den phiesta wainaajem chi Ẽwandam pʉ Aai ithee maigmua neminaam pãach juau jãsene irig deejú, mamʉ khĩir eyaa aba jãga chi Ẽwandam pʉ Aayau pʉ bendisieejim. ¹¹ Maigmua pʉ onee ajú chi Ẽwandam pʉ Aai ná; pʉ, pʉ iewaa, pʉ kha, pʉ khog, pʉ chog chi ʉʉi, chi Lebitapieen pʉ phobor aig jooba nʉm khʉʉn, dewam durr chaauram khʉʉn, chi wauchnaan, maigmua chi khoopaan ʉʉin pʉ dakha nʉm khʉʉn, mag aigta chi Ẽwandam pʉ Aayau jʉraujim ich di mag ee jewaag ithee. ¹² Ichiita aubeejú khĩirjũg eemua pãar Egipto naawai am choogjem khʉʉn ajim; pãrãu wajapha oonaawia maigmua chamʉg estatuto waubat. ¹³ Pʉ phiesta ed chawag maagkhabam ma Ẽwandam biirdʉajem ed khãai siete naawieta, thumwe nemjĩrtarr ãba phekha ataawaita mʉg jẽb gaai jĩirkha thʉnarr khʉʉn. ¹⁴ Pʉ onee ajú mag phiesta ee, pʉ, pʉ iewaa, pʉ kha, pʉ chog, pʉ cho chi ʉʉi, chi Lebitapierr, maigmua chi wauchnaan maigmua chi khoopaan ʉʉin pʉ di aig ierr nʉm khʉʉn. ¹⁵ Khãai siete nʉm ee pua oogau chi phiesta chi Ẽwandam pʉ Aai ithee magaita Ẽwandamau jʉrautarr ajim, khanjãgwia chi Ẽwandam pʉ Aayau pʉ bendisiejú thumwe nemjĩirwia kho nʉm maigmua thumwe phidag pʉch juau wautarr khʉʉn, maigmua ichiita pʉ oneeta siegau. ¹⁶ Ãyõ thãrjũp nʉm ee pʉ thʉ̃r oopieegau chi Ẽwandam pʉ Aai dau ná chi naajú aig ich diuta jʉrawaagau: chi phiesta pan lebadura dʉi chukhu sim ee, phiesta seman den ee, maigmua chi phiesta dʉr narr khʉʉn den ee; maigmua oob Ẽwandamag pãach jua pariimam oopimiet; ¹⁷ magan thumaam khʉʉn emkhooinau amach diu deem khõsim aig deejú.magta khap ajú chi Ẽwandam pʉ Aayau bendisienaawia deetarr. ¹⁸ Pua jʉr aujú aai sim juesnaan maigmua ophisialnaan pãach phobor dug nʉm aig naamkhĩir ma Ẽwandam pʉ Aayau pʉrʉg dee sim; amach diu jʉr aumajú amach khodnaan eem, maigmua amach diu ichiita chi phobor oojú iekhõr wai nʉm khapaag. ¹⁹ Pua oob pʉch diupai ãkhãrag ee pʉch mapim; pua oob amag ãkhãrag oopichiram maigmua agjo pʉrawam iek ãkharaam, iek ãkhãragam pʉr auwai maach dau khĩejem anʉm wajapham iek aubá awie maigmua oob meeukha chiram wajapham iekta pʉrathá. ²⁰ Pʉ wajaphata nʉrraagau, ãba iek wajaphamta khĩirjũgbá mʉg jẽb gaai nʉrram khõsi chirʉm khai maigmua Ẽwandam pʉ Aayau jẽb dee sim pʉch ithee. ²¹ Pãrãu oob pãach itheepai waumiet Ẽwandam ʉʉi Asera anʉmjoo, magba mʉn paroobam õor waumiet, Ẽwandam pʉ Aai mes bigaau pʉch ithee waupibá.. ²² Agjo pua pʉch ithee oob wawam õorjoo mokdau wajapham den, magta Ẽwandam pʉ Aayau oomapha aajem anʉm.