¹ Sietes ãyõ naawia, pua deppaar phagkhajú. ² Magta am khõinaa naajú: ãhãbdu jeeutarr khʉʉnau phagmajuarrau amach bigaau jooba nʉm khʉʉnag jeeu aumatarr; ich diu ich bigaau jooba nʉm khʉʉn dau aukhaugwia maigmua ich ẽudeemja ajú ma khanjagwia agá chi deppaar phag nʉʉm Ẽwandamau ich phoborog jaauwai siejimta. ³ Durr chaauram khʉʉn õor pua jeeujú khai; mamʉ mag neminaam paroobam awiekhaija pãan amʉn ma pʉ ẽudeem dʉyiu i juau eemuata pʉapijú. ⁴ Magan, pãar ee dau aphʉʉm khʉʉn chukhu ajú (Ẽwandam ithee akhiin mʉg jẽb gaaita bendisiekhajim ich diu deejú jua kharrjo awia wai sieg), ⁵ Chadcha pua Ẽwandam pʉ Aai iek ʉkha simʉn, m agta makhʉʉn mandamiento mua pʉrʉg deepʉi chirʉm ĩs pʉrʉg. ⁶ Magwia chi Ẽwandam pʉ Aayau pʉ bendisieejú, mag ichdiu jaautarrjo awia; pua deejú phobor khapanaam khʉʉnag, mamʉ pua jeewia deejú aagkhabám; puata phobor khapan thʉnʉm khapchiraagau, mamʉ amach diu pod pʉ chogbam. ⁷ Pãar ee õor dau aphʉʉ si khai, ãbkhaija pʉ naam eem, pʉ puerti thʉnʉm aig mʉg jẽb gaai chi Ẽwandam pʉ Aayau pʉrʉg dee sim, oob pʉ thãar theeg achiram maigmua pʉch juaja pocham pʉch ẽudeem aphʉʉm dakhĩir; ⁸ Mamʉ pua pʉch juajã irig oopijú maigmuan chadau pua irig deejú dʉʉcha ichdiu khõ sim aupimkhĩir. ⁹ Wajapha oonʉʉ abá khĩirjũg ãkhãragam pʉch thãar ee phʉraumaaugau, jaauwai:" siete ãyõ nʉm ee, mag ãyõuta thumaam khʉʉn khõinaa naajuarrau, dakha sim", magta pua amdʉi neminaam wai sim deegau magta pʉch ẽudeem dau aphʉʉ nʉm khʉʉn dau aukhaujú maigmua mag neminaanja deeba; ich diu pʉrʉg jaaujú Ẽwandam pʉ dʉi nʉrramkhĩir, maigmua ma pʉ ithee pekau. ¹⁰ Puan chadau irig deejú aai sim, maigmua pʉ thãar ukhĩirjuu khaba ajú aai sim neminaam pua deewai, khan jãgwia mag gayamua, Chi Ẽwandam pʉ Aayau pʉ bendisiejú thumwe pʉ phidag wau nʉʉm ggai maigmua thumwe pʉch juau wautarr khʉʉn. ¹¹ Chi aphʉʉm ichiita obam mʉg jẽb gaai nʉrrajú; mag gaaimuata, mua pʉrʉg deepʉijú maigmua pʉrʉg jaaujú:" pua chadcha pʉch jua oopibá pʉch ẽudee mʉg, chi igsimʉg, maigmugua mʉg jẽb gaai aphʉʉm khʉʉnag." ¹² Pʉ ẽudeem, woun hebreom, magba mʉn ʉʉi hebreom, pʉrʉg permʉn maigmua pua chogwai nʉrrajú seis ãyõm ithee, magnaawia ãyõ sieten gaai pua idʉraa pʉch aig mua i mapijú. ¹³ Maguata pʉch aigmua am pʉapʉʉiwai, pua am pod jua parii mapibam. ¹⁴ Ichiita pua i khaiperaagau pʉch nemchaain eem deegau, dibeeu gaai bʉrtarr, maigmua chi uba waaujem aig. Jãg chi Ẽwandam pʉ Aayau pʉ bendisieejim, pua irig deejú aai sim. ¹⁵ Pua khĩir eyaa ajú aai sim pʉ mʉg Egipto jẽb gaai choogjemta khawainaajim, maigmua chi Ẽwandam pʉ Aayau perdʉ aujim; mag gayamuata ĩs mua deepʉi chirʉm mag waupim khĩir.

¹⁶ Magta dichjú ich diu pʉrʉg jaau mʉn;" Pʉ aigmua mʉ mabam," khan jãgwia agá pʉ khõsi aajeewai maigmua pʉ dija agjo, maigmua khanjãgwia ich wajau sim mʉ dʉi, ¹⁷ Magan pua waisiegau noweeu maigmua i khach wʉyaag ithee puerti bigaau phʉʉrdʉ sim, maigmua ichta pãar chog khasisijú. maigmua chi ʉʉija agjo pãar chog khasisijú. ¹⁸ Machan phithur khaba sim pʉ aig khõinaa naag ithee, ichdiu pʉ khaigperjim seis ãyõ maigmua ʉ̃ncha pʉrʉg deejim mʉg wounau pua dewam khʉʉnau phagjú atarr. Chi Ẽwandam pʉ Aayau pʉ bendisiejú neminaam wau nʉm jũrr. ¹⁹ Thumwe warrpem chaain chi emkhooin mag khapan thʉnʉm eem maigmua nemchaain bãau nʉm eem ichiita warphaata naagau chi Ẽwandam pʉ Aai dakhĩir. Pʉ phidkhaag khabam warrpem chaai dʉi khapan thʉnʉm eem maigmua warrpem nemchaai khaarja tharaag khabam mag khapan thʉnʉm eem. ²⁰ Pua warrpem chaai khopʉyaagau Ẽwandam pʉ Aai dakhĩir ãyõ beenʉmpierr chi magjú aig Ẽwandamau jʉr awaagau, pʉ maigmua pʉ di. ²¹ Oowai ãkharãa si mʉn, ma mʉgau bʉ ãkhãraa sim magba mʉn dau khĩsu sim, magba mʉn mor gaai akhãrag wai sim khaija, Ẽwandam pʉ Aai pua i thõogkhabam. ²² Pua i khopʉijú pʉch puerteg; chi õor ãkhãraa sierrkhaija pua i khopʉyaagau, jãg pua sũrr khoojemjo awia. ²³ ãba pua chi bagpaita pod khobam; pua ichiita pʉch bag dibeeu gaai dojo awia choopʉyaagau.