¹ Pãarta chi phoborpienau Ẽwandam pʉ Aai den. Oob por tharmiet, iekhaar khõimiet pʉch khĩir gaai thʉnʉm khʉʉn meekhitheem gaai mua. ² Magan pãarta chi phobor pomaamau chi Ẽwandam pʉ Aai ithee warpta siewai, maigmua chi Ẽwandamau jʉr aujim maig ich sieg ithee, dewam khʉʉn phobor eem khãyãu mag jẽb gaai. ³ Oob paroob neminaam ãkhãragam khomiet. ⁴ Mʉ khʉʉn nemchaainta pãrãu khojú aai nʉm: chi phak, chi obeja, maigmua chi chib; ⁵ Chi sũrr, chi gasela, chi korso maigmua chi chib ʉʉi pabʉ eem; chi ibise maigmua chi antílope , maigmua chi obeja pabʉ eem. ⁶ Thumwe nemchaain jĩgpir wai sitheem khʉʉn khojú aai nʉm, makhʉʉn mʉkhʉʉnau, chi jĩgpir wai nʉm khʉʉn maigmua ma khʉʉn numi jãdacha torrkha nʉm, maigmua nemchaain khekhe aajem khʉʉn. ⁷ Magwiekhaija, pãrãu oob khomiet mag nemchaain ee khekhe aajem khʉʉn magba mʉn ar jĩgpir numi waisitheem eem khʉʉn: chi kameyo, chi konejo, maigmua chi damán; khan jãgwie agá ma khʉʉn khekhe aajem khʉʉn aawai mamʉ ma khʉʉn jĩgpir numi khaba sieejem khʉʉnau, ma khʉʉn pãar ithee wajapha khaba sitheem. ⁸ Chi khũs pãar ithee wajapha khaba sieejem jĩgpir waisiep pari ma khekhe aba aajem; ma pãar ithee wajapha khaba sim, oob khũs mod khomiet, maigmua thõwerba sim aig pʉrmiet. ⁹ Thumwe neminaam do eem khʉʉn khojú aai nʉm: thumwe chi ichtam paraam khʉʉn maigmua chi eujir paraam khʉʉn; ¹⁰ Mamʉ chi ichtam chukhu sim magmaa chi eujirja chukhum khʉʉn oob khomiet; pãar ithee ma khʉʉn khaiba sitheem. ¹¹ Thumwe nemchaain wajaphamta khobá. ¹² Mamʉ mʉ khʉʉn nemchaainta pod pua khojú khaba sim: chi nemjãu, chi ãkhõs, chi baaurjãu, ¹³ chi ãkhõs pur maigmua chi ãkhõs phʉich, paroobam nemchaain sĩirjõg khoojem khʉʉn. ¹⁴ Pua paroobam kuerrbojom pod khojú khaba sim, ¹⁵ maigmua chi abestrús anʉm, chi alkon edaram, chi gabiyot, maigmua paroobam nemchaain alkonjom khʉʉn, ¹⁶ chi bukbuk chi dai, bukbuk chi dap, chi bukbuk chi bau, ¹⁷ chi khũrr, chi ãkhõs bau nemmi khomie, chi kuerp do khierragam. ¹⁸ Pua kokolot pomaam khojú khaba sim, paroobam kokolotja agjo, chi wesõrr (karrpinter),maigmua chi emchich. ¹⁹ Thumwe ichparaam khʉʉn, chi khapanag pua ma khʉʉn nemchaain pod igbam, ma khʉʉn pod khojú khaba sitheem. ²⁰ Pua khojú aai sim ar ũrrjem khʉʉn mamʉ wajapham khʉʉn. ²¹ Pãrãu pod bʉʉrjã khojú khaba nʉm ar ichkhĩrãu thõojem khʉʉn; pua ar phʉch diu õor ooba aajemʉg deeba pʉch phobor aig simʉg, ich diu khojú aai simʉn; magba mʉn pua perpʉijú ar õor ooba aajem mʉg. Magwia pʉʉta chi phoborau Ẽwandam pʉ Aai ithee warpta sim. Pua pod chibdam ich ãd jũdcho ee joojú khaba sim ²² Pua chadcha phagaan maag agá jĩirwia khojú paarpatarr den, ma pabʉ ee muata ober sim anʉm ãyõ beethʉnʉm pierr. ²³ Pʉ chi Ẽwandam pʉ Aai nata khojú aai sim, ich diu maig jʉrautarr aig Ẽwandamag jeeujem di joo, chi neminaam chi dau jũrr phag nʉm, pʉ bino chi iiur den maigmua pʉ nemkhau den, maigmua chi warrpem nemchaain khapan thʉnʉm eem khʉʉn maigmua obeja khapan thʉnʉm eem khʉʉn; magta pãrãu Ẽwandam pʉ Aayag jewaag khaumajú. ²⁴ Chi khʉdau pʉ ithee durag simʉn maigmua ni bʉʉrjã pua warba aajem, khan jãgwia agá Ẽwandamau jʉrautarr aig pʉ ithee chi jeeujem di warpta si, magan, jãagwai chi Ẽwandamau pʉ bendisieg agá. ²⁵ Pua neminaam deetarr phatkhonag theerba pʉijú, chi phatkhon pʉch jua gaai jʉ̃siubá maigmua peta Ẽwandam pʉ Aayau jʉrautarr aar. ²⁶ Maita pua chi phatkhonau neminaam pʉch diu khõ sim peraumajũ: phak, magbamʉn obeja, bino,magba mʉn neminaam achagam, o paroobam neminaam pʉch diu khõ sim perawaag, maigta pʉ Ẽwandam pʉ Aai khĩirphee khojú, maigmua pʉ onee ajú, pʉ maigmua pʉ di agjo. ²⁷ Chi Lebita pʉ duugjem aig ierr sim, oob pua isegam, magan ich jẽbja chukhunaa jua kharrja chukhu sim pʉ dʉi ²⁸ Ãyõ thãrjũp onʉm ee, pua thumwe chi phagtarr aubeejú nemjĩirtarr den mag ãyõou, maigmua pua ãkhajú ierr pʉch duugjem ee; ²⁹ maigmua chi Lebita, jẽbja chukhu juakharrja chukhu sim pʉ dʉi, maigmua chi õor warpham, maigmua chi wauchnaan, chi khoopaan ʉʉin ma khʉʉnta pʉ duugjem ee nʉm khʉʉn, beewia maigmua khojuarrau maig onee thʉnaajú. Magta waubá chi Ẽwandam pʉ Aai ithee pʉch juau phidag wautarr bendisiem khĩir.