¹ Chadcha pãar eem ãb Ẽwandam iek jaaujem ober khĩin magba mʉn ʉgthaa khãitarr khaija, maigmua ich diu ma khʉʉn iek wajau jaausimʉn, ² Maigmua ich diu jaautarr chadcha beemʉn, parãg mag denta iekhatarr maigmua magjim:" Idʉraa mapibá dewam Ẽwandam gar, pua chagtha khauba sim, maigmua idii am jeeupibá". ³ Oob pãrãu ũrmiet jãg Ẽwandam iek jaau sim magbá mʉn ʉgthar khãaitarr iek; Chi Ẽwandam pʉ Aayau pʉ chach oosim chadcha pua Ẽwandam pʉ Aai khõsisí pʉch thãrãu pʉch akharau . ⁴ Pʉ Ẽwandam pʉ Aai eugarta nʉrraagau, i khaugaag ithee, chi mandamiento ʉʉrkha siubat, maigmua i ipierra abat, pua i khõsi ajú mamʉ ich diuta khaphʉ sieejú.. ⁵ Chi Ẽwandam iek jaau sim magbá mʉn ʉgthar khãitarr maata thõopʉijú aaita sim, khãnagwia agá ich diu iekha sim ich khãitarr Ẽwandam pʉ Aai dauná khaiba jaau sim, khayiuta Egipto jẽb gaai mua pʉ jẽu aují, khayiuta pʉ peerdʉ aují õor choojem di aig sierr. Jãg Ẽwandam iek seukha nʉrrʉmua Ẽwandam pʉ Aai khʉdau eemua pʉ dawag oberpʉyaag ekha sim. Magan pãach eepai pãach ãkhãrag jeubat. ⁶ Pua oowai pʉ naam, pʉ ãd iewaa, magba mʉn pʉ iewaa, magba mʉn pʉ kha, magba mʉn pʉ ʉʉikhaja, magba mʉn pʉ khapeer pʉ ithee wajapham, seukha por phʉriu maigmua jaaujim amʉn," Marraut ajim anʉm maigmua dewam Ẽwandamag jeeu tarrau ajim anʉm pãrãu ooba aajemʉg, pua maigmua pʉ jooinauja. ⁷ Ni ãbam Ẽwandam õor den pʉ igaau thʉnʉm khʉʉn, pʉ dakha nʉm khʉʉ magba mʉn pʉ warphaa nʉm khʉʉn, jẽb bigaau nʉm khʉʉn magba mʉn jẽb othoom bigar nʉm khʉʉn". ⁸ Oob i iek ʉkham magwie i iek ũram. Oob pʉch dauja i dau aukhawam. Ichmagja i khĩir naaupijú dau aukhawaaja khabam. ⁹ Magjú khãyau, pua ichiita chadcha thõopʉyaagau; pʉ juauta nacha i thõogau maigmua magtarr khur õor thumaam khʉʉn juau. ¹⁰ Mokou barwai nʉʉ awia i thõopʉijuarrau, khanjãgwia agá ich diu Ẽwandam pʉ Aai aig mua warp warraag ekha sim, khayiuta Egipto jẽb eemua pʉ oberauji, chi di õor choogjem aigmua dawag. ¹¹ Thumwe Israelpienau ũrjuarrau maigmua jãphierr juarrau, maigmua oob tag pãach eepai neminaam akhãrag waumiethʉ. ¹² Pua ʉ̃rsim õorau pʉ phobor jaau nʉm, chi Ẽwandam pʉ Aayau pʉrʉg deejú pʉ joobapim khĩir: ¹³ " Ee chi khapeen khaibagam khʉʉn pãar eemua ober nʉm maigmua chi phobor eem khʉʉn warp warrnʉm amach phobor aig mua maigmua jaaujem: Marrauthʉ maigmua Ẽwandam dewamagta jeeujuarrau pãrãu ooba aajemʉg." ¹⁴ Magan wajapha oonʉʉ ajú, agdʉi, maigmua ũmarpai jeeumajú. Maagwai chadcha abar mʉn khan neminaam ãkhãragta pãach eepai waujierra, magbaadeewaita wawagpajú ajim. ¹⁵ Chadcha jãkhʉʉn phoborpien dʉi thuthuyiuta werbʉjierram, thumwe õor aiggʉm khʉʉn opʉijú ajim , thumwe amach phak dʉi, thuthui khĩier dee simua. ¹⁶ Pua neminaam wajapham khʉʉn thumwe phekha siujú kaaijã jãdach maigmua chi phobor urpʉijú, neminaam wajapham awieja agjo, Chi Ẽwandam pʉ Aai ithee. Chi phobor opʉiwia ichmag sisijú; tag maig phobor iur ewaubarram. ¹⁷ Ni ãbamuaja makhʉʉn neminaam chaaur sitheem khʉʉn opʉijuden pʉrbam magba mʉn jua gaai khaarjú. Magta waujú aai sim, Ẽwandam deeu ewag khĩirjũgam khĩir meeukha matarr aawai, dau aukhautarr oopibá, pʉchpai dau aukhaubá, maigmua chi número bãaupibá, jãg ichdiu pʉ aainaan dakhautarrjo. ¹⁸ Ichdiu magjú khan jãgwia ichdiu chi iek ũrsi Ẽwandam pʉ Aai den, magta thumwe chi mandamiento mua pʉrʉg is dee chirʉm, magta Ẽwandam pʉ Aai dauná wajapha waujú.