¹ Chamʉ khʉʉnta chi estatuto maigmua chi decreto pua wajapha waisiegau mʉg jẽb gaai, chi Ẽwandam, chi aai pomaam pʉ aai den, pʉrʉg deenʉm waisiepimkhĩir, ãspathʉnʉm pʉ mʉg jẽb gaai nʉrrapimkhĩir ajim. ² pua chadcha opʉijukhai ma khʉʉn phobor ar pua pʉch gar phũrrba autarr khʉʉn amach Ẽwandamag jeeumajierram, durrsĩ ʉgthaam gaai, durrsĩ khʉtaam gaai, maigmua pabʉ phãaur thʉnʉm ee gar agjo. ³ Maigmua pua am mes ãrkhaija pʉijú maigmua am dibʉ mokdenja thorreu pʉijú, am Ẽwandam Asera juau wautarr phaapʉyaagau; pua makhʉʉn Ẽwandam wautarr khʉʉn ãrkha pʉijú maigmua magʉm chi thʉ̃rja pua chuppa pʉyaagau. ⁴ Pãrãu jeeuba nʉm chi Ẽwandam pʉ Aayag. ⁵ Mag am narr aig Ẽwandam pʉ ayau jʉraujú ich khodam eem khʉʉn amach thʉ̃r jʉrwainaag, mag aita ich joobaagau, maigmua mamta pʉ maajeeju. ⁶ Maigta chi ofrenda phaam aubeejú, chi thõotarr, chi neminaam dee nʉm, maigmua chi ofrenda juau dee nʉm, chi ofrenda bar nʉm den, pʉ ofrenda pʉch thãrau dee sim maigmua warrpem phak chaaidam maigmua pʉch obeja chaain eem. ⁷ Ẽwandam pʉ Aai dakhĩir maigta pʉ opod khojú maigmua onee abá pʉch juau magʉm wautarr aawai, pʉ maigmua pʉ di, magta Ẽwandam pʉ Aayau bendisieejim. ⁸ Pua marag thumwe neminaam deejú marau ĩs mʉg waunʉm aig, ĩs thumaam khʉʉnauta waunʉm chadam iek amach dau oonʉm aawai. ⁹ Chagtha pʉ pʉch jua ʉ̃ijú aar barba sim, jua kharr Ẽwandam pʉ Aayau pʉrʉg dee sim. ¹⁰ Mamʉ pãar Jordan ee diichwai maigmua mag jẽb gaai joobaawai chi Ẽwandam pʉ Aayau mag wau sim pãrãuta deenʉm aawai khap ajú aainʉm maigmua ich diu jua ʉ̃ijũ ed deewai thumwe iekhõr wainarr khʉʉn dʉi pãach bigaau thʉnʉm khʉʉn dʉi, maig pãar khõinaa jooba naajuarrau. ¹¹ Magan magta ajim Ẽwandam pʉ Aai sieraig jʉr aujú ajim paach thʉ̃r wainaag ithee, maigta thumwe mua pãrag deepʉitarr aubeejuarrau: chi ofrenda phaatarr, chi neminaam thõotarr, chi deenʉm, maigmua chi ofrenda jua deetarr khʉʉn, thumwe chi ofrenda pãrãu jʉraujú magta barnʉmjo awia pãrãu deenʉm bartarrjo chi Ẽwandamag. ¹² Pãar onee ajuarrau Ẽwandam pʉ Aai na: Pʉ pʉch iewaan, pʉch kharannaan, pʉch chognaan chi emkhooin, pʉch chognaan chi ʉʉin, maigmua chi Lebita duugjem aig sim, pãar eem jãpaita juakharr jẽb den chukhu sieejú ¹³ Pãach diupai pãach khĩirjũg oonʉʉ abat pãrag chi ofrenda phaam deeba aawai mam oowiekhaija; ¹⁴ Mamʉ maita Ẽwandamau jʉrawaagau pãar khodam eem ãb magta parãu deejú chi ofrenda phaam, maigmua maita pãrãu deejú thumwe mua deepʉitarr. ¹⁵ Magan magau, pãrãu thõojú aainʉm magwia khojú aainʉm chi nemchaain ierr pʉch sim di aig, jãgata khõsinʉ, maachig Ẽwandam pʉ Aayau bendision dee sim neminaan ichdiu thumwe deetarrjũrr; chi õor khaiba khĩirjũg nʉm khʉʉn maigmua chi õor wajapha nʉm khʉʉn, agdaujoo makhʉʉn khobat, nemchaain gasela maigmua chi sũrr. ¹⁶ Mamʉ pãrãu oob chi bag domiet; pãrãu mʉg jẽb gaai dojo awia choota pʉyaagau. ¹⁷ Pod khojú khaba sim ierr pʉch duugjem ee padau phag nʉm, pʉ bino iiur, pʉ nemkhau,magba mʉn chi warrpem phak thʉnʉm eem o obeja thʉnʉm eem; maigmua pʉ paroobam nemek mod juau thõotarr khoogkhabam, ni pʉchig par deenawiekhaija, ichmagja chi ofrenda par dee nʉm awiekhaija, ni chi ofrenda deetarr awiekhaija ¹⁸ Magjũrr, Ẽwandam pʉ Aai khĩirphee opod khobapʉi mag aig Ẽwandam pʉ Aayau jʉraujú; pʉ, pʉ iewaan, pʉ kharannaan, pʉ chognaan emkhooin, pʉ chognaan chi ʉʉin, maigmua chi Lebita chi duugjem aig sieejem; Ẽwandam pʉ Aai ná thumwe onee ajuarrau maachig thumwe jua eeta deesiewai. ¹⁹ wajapha pãach diupai ũrbat oob Lebitapierr isegmiet mʉ jẽb gaai jooba sim aig. ²⁰ Maagwai chi Ẽwandam pʉ Aayau jẽb khĩir thẽu nʉm nem pom apijú ajim, ich diu pʉrʉg jaautarrjo awia, maigmua pua jaaubá:" Mua khojú nemek mod", Khom khõchag chiraawai, nemek mod pua khjú aai sim, pʉ akharau ig simjoo. ²¹ Chi Ẽwandam pʉ Aayau jʉraujim am narr aig chi thʉ̃r ausiwaag pʉ aigmua chagtha warp sim, magkhai pua pʉch phak jãdach thõopʉijú maigmua pʉ obeja Ẽwandamau pʉrʉg deetarr, mua pʉrʉg jaautarrjo, opod pʉch duugjem aigta ierrta khojú aai sim, pʉ thãrãu jaau simjo awia. ²² Jãg gaselajo awia maigmua chi sũrrja makhʉʉn khoojem khʉʉnau, magta pãrãu am khojú; chi õor wajapham khʉʉnau maigmua khaibagam khʉʉnaujã agdaujoo aggayam khojú aainʉm ²³ Wajapha oobá oob chi bag dom, chi bagauta maach wai dʉnʉm; oob maach monakha wai dʉnʉm nemek mod dʉi khom. ²⁴ Oob khopʉyam; jẽb gaai dojo awia khuyiubapʉi. ²⁵ Pua khopʉibam, wajapha mam khõsi chirimʉm, maigmua pʉch iewaan pʉ dichtarr khur, Ẽwandam dauná neminaam wajapha waauwai. ²⁶ Mamʉ chi neminaan Ẽwandam den aawai pua wai sim maigmua chi ofrenda bartarr gaai mua, maata mam majú Ẽwandamau jʉrautarr aig. ²⁷ Pua deejú chi ofrenda phaam, chi nemek mod maigmua chi bag, chi mes Ẽwandam pʉ Aai den gaai, neminaam thõotarr bag ma choopʉijú Ẽwandam pʉ Aai mes ʉ̃r, maigmua chi nemek mod khojú. ²⁸ Ãkhãsiuwia maigmua ũrba thumwe mʉ khʉʉn iek mua jaautarr, pʉ wajapha mapim khĩir maigmua pʉ iewaanja agjo pʉ ẽudee urum khʉʉn ichmag wenʉrram khĩir, neminaam wajapha waauwai maigmua agcha waauwai Ẽwandam pʉ Aai dauná. ²⁹ Maagwai chi Ẽwandam pʉ Aayau phobor thʉnarr khʉʉn thʉap majim pʉ dakhĩir, maagwai iekhaag ithee dugaag aadeewai, maigmua iekhaag ithee ich, maigmua am jẽb gaai jooba pimkhĩir. ³⁰ Pʉch diupai khĩirjũg oonʉʉ aba, am ẽudee maawai oob pʉch pʉraupim, pʉ ná am otarr khur, wajapha am Ẽwandam jeeuphobaadem aig seukha phobaadejierram, maigmua jeeumamua: " ¿ Jãgata mʉkhʉʉn phoborou amach Ẽwandamag jeeunʉ? muaja agjo ajú".

.