¹ Mubuzuba bwamusanu atatu Mozesi wakiita Aaloni abana bakwe abapati ba Izilayili. ² Wakati kuli Aaloni, ''Bweza mwana ang'ombe kuzwa mutanga chibe chipayizyo chazibi, amugutu utakwe kampenda wakutenta achipayizyo, akuzipeda kuli Jehova. ³ Uyelede kwambila bantu ba Izilayili ikuti, ''Amubweze moongo wampongo chibe chipayizyo chezibi amusune amwana wambelele, zyoonse kazila amunyaka umwi kazitakwe kampenda, zibe chipayizyo chakutenta; ⁴ Alubo mubweze musune amugutu abe chipayizyo chalumuno kufutula kunembo lya Leza, achipayizyo chazilyo zivwelene amafuta, nkambo sunu Jehova ulalibonia kuli nduwe.'' ⁵ Mpawo bakayeta zyoonse Mozesi nzyakabalayilila kutente nkubakali kuswananina, ambungano zyonse zyaba Izilayili bakasika akukomba kunembo lya Jehova ⁶ Mpawo Mozesi wakati, ''Eezi nzizyo Jehova nzyakamulayilila kuti muchite. Eelyo, kuti bulemu bwakwe bukalitondezye kuli ndinywe.'' ⁷ Mozesi wakati kuli Aaloni, ''Swena afwifwi achipayililo alimwi uzope chipayizyo chezibi akutenta chipayizyo, akulivumbila mulandu lwako abantu, akupa chipayizyo chabantu kuti uvumbile milandu yabo, mbuli Jehova mbwakalayilila. ⁸ Aboobo Aaloni wakayinka afwifwi akujaya mwana weng'ombe wachipayizyo chazibi, wakali wakwe. ⁹ Ibana ba Aaloni balombe bakatondezya bulowa kuli nguwe akutompa kanwe kakwe mukati akubika ameja achipayililo. ¹⁰ Nekuba boobo wakatenta mafuta azivumbide insaa, chini achipayililo mbuli chipayizyo chezibi mbuli Jehova mbwakalayilila Mozesi. ¹¹ Inyama echitobo wakazitenta aanze amusasa. ¹² Alimwi wakajaya chipayizyo chakutenta, abana bakwe bapa bulowa, oobo mbwakasansiila woonse mabazu achipayililo. ¹³ Mpawo bakamupa chipayizyo chakutenta, chimpanzi echimpanzi, antomwe amutwe, akuzitenta achipayililo. ¹⁴ Wakasanzya zyamukati amawulu akuzitenta atala echipayizyo chakutenta achipayililo. ¹⁵ Aaloni wakatondezya chipayizyo kubantu - Impongo, mpawo wakazibweza mbuli chipayizyo chazibi zyabo akwijaya; Wakayipayilila kuba chipayilo chezibi mbuli mbakachita kumpongo ntaanzi. ¹⁶ Wakatondezya chipayizyo chakutenta akuumpa kuli Jehova mbwakalayilila. ¹⁷ Wakapedekezya chipayilo chezilyo wakazuzya ijanza lyakwe anzizyo akuzitenta achipayililo aantomwe achipayizyo chakutenta chakuseni. ¹⁸ Wakajaya alubo musune amugutu achipayizyo chachipo chaluumuno, chakali chabantu. Bana ba Aaloni bakamupa ganzi, Eelyo ndyakasansiila mabazu woonse achipayililo. ¹⁹ Nikubaboobo, bakanenga mafuta amupule weng'ombe amugutu, muchila unenede, amafuta abumba insa zyamukati, avumbide chini. ²⁰ Bakabweza zimpanzi zyakanengwa kuzigwisizya akuzibikka akatiti, alimwi Aaloni wakatenta mafuta achipayililo. ²¹ Aaloni wakavukuzya katiti amwendo wachilisyo mbuli chipo chakuvukuzya kunembo lya Jehova, mbuli Mozesi mbwakalayilila. ²² Mpawo Aaloni wakanyampula maboko akwe kubantu akubalongezya, mpawo wakaseluka aansi kuzwa kukupayila chipayizyo chezibi, chipayizyo chakutenta, achipayizyo chalumuno. ²³ Mozesi a Aaloni bakanjila mutente lyakuswanana, mpawo wakabbuda lubo akulongezya bantu, Alimwi bulemu bwakalibonia kubantu boonse. ²⁴ Mulilo wakaseluka kuli Jehova akulombya chipayizyo chakutenta amafuta achipayililo. Bantu boonse nibakabona eezi bakavundama aansi.