¹ Nadabba a Abbihu, bana ba Aaloni, awumwi wakabweza chitentelo chakwe, wabikka mulilo, atununkilizyo. Alimwi bakapayizya Jehova mulilo ngwatakazumizya, ngwatakabalayilila kuti bawu payizye. ² Elyo kwakazwa mulilo mulilo kuli Jehova akuba nyonyoona, alimwi, bakafwa kunembo lya Yahuwe. ³ Mpawo Mozesi wakati kuli Aaloni, ''Ezi nzizyo Yahuwe nzyakali kwambula chindi nakati, 'Njoyubununa busalali bwangu kuli aabo baswena kuli ndime. Njolumbayizigwa akuli bonse bantu.'' Aaloni takwe anchaakamba. ⁴ Mozesi wakayita Misayeli a Elifaza, bana ba Izilayeli wisilenzi wa Aaloni, akubambila kuti, ''Amubole okuno akubweza banabakwanu akubagwisya kunembo lyabusena busalala akubatola anze lyamalabba.'' ⁵ Elyo bakeza afwifwi akubabweza, nkabachizwete zibaki zyabo, babatola anze lyamalabba, mbubonya Mozesi mbwakalayililwa. ⁶ Alimwi Mozesi wakati kuli Aaloni akuli Eliyazeli a Alutamala, bana bakwe, ''Mutanolekeli masusu anu mumitwe yenu katebede, alimwi mutadeluuli zyakusama zyenu kuchitila kuti mutafwi, alimwi kuti Jehova atanyemi ambungano yoonse. Pesi amuzumizye nzubo zyenu, engánda yoonse ya Izilayeli, balile nkambo kabaabo mulilo wa Jehova ngwakabika kuti bapye. ⁷ Tamwelede kuzwa anze lyatente lyambunganino, mulaafwa, nkambo bunanike bwamafuta a Jehova buli alindinhwe.'' Alimwi bakachita mbubonya Mozesi mbwakalayilila. ⁸ Yahuwe wakambula a Aaloni, wakati, ⁹ ''Utanywi wayini nanka kufumbwa chikola, nanka bana bako abo baali ayebo, chiindi nimuya mutente lyambunganino, kuti mutafwi. Echi chiyoba chizuminano chalyoonse mumazyalani anu woonse, ¹⁰ kwanzania zisalala azyabuyo, azisofwede a zitasofwede, ¹¹ kuchitila kuti mukayisye bantu ba Izilayeli zyonse zizuminano zya Yahuwe nzyakalayilila kwinda kuli Mozesi.'' ¹² Mozesi wakambula a Aaloni a Eliyazela a Alumatala, abana bakwe basyede, ''Mubweze zilyo zyakupayizya ezyo zisyala kupayizizya Yahuwe zyakutenta akuzilya kazitakwe bumena kumbali lyachipayililo, nkambo nchintu chisalalisya. ¹³ Mwelede kuchilya mubusena busalala, nkambo nchaabilo chako abana bako chaabilo chachipayizyo nchatentelwa Yahuwe, nkambo eechi nchenchicho nchindakalayililwa kuti nkwambile. ¹⁴ Lukolo lwakangununwa achibelo chakatulilwa Yahuwe, mulelede kuzilya abusena busalala nkazitambulika kuli Leza. Iwebo abana bako balombe abasimbi mulelede kuzilya nzimwapegwa, nkambo nchenchicho nchibamupa mbuli chabilo chako achabilo chabana bako kuzwa muzituuzyo nzibapayizya bantu ba Izilayeli. ¹⁵ Chibelo chakapedekezegwa alukolo lwangununwa, bazyete antomwe azipayizyo zyamafuta zyakutenta akuzivukuzya kunembo lya Yahuwe. Ziyoba zyako abana bako anduwe mbuli chaabilo kwalyonse, mbuli Yahuwe mbakalayilila.'' ¹⁶ Lino Mozesi wakabuzya atala ampongo yakupayizya zibi, alimwi kwakazojanwa kuti yatentwa kale. Mpawo wakanyemena Eliyazala a Alutamala, bana ba Aaloni bakasyede; wakati, ¹⁷ ''nkambonzi temwalya chipayizyo chezibi abusena busalalisya, nkambo nchechintu chisalalisya, alimwi Yahuwe wamupa kuti mutole zibi zyambungano, akumana milandu kunembo lyakwe? ¹⁸ Amubone, bulowa bwacho tebwaletwa mukati mubusena busalala, alimwi mwalelede kuchilya mubusena busalala, alimwi mbundakalayilila.'' ¹⁹ Mpawo Aaloni wakasandula Mozesi, ''Bona, sunu balichitila chipayizyo chezibi akutenta chipayizyo kunembo lya Yahuwe, alimwi echichintu chakachitika kulindime sunu. Na ndalya chipayizyo chazibi sunu, chilamubotezya na Yahuwe?'' ²⁰ Nakamvwa oobo Mozesi wakakkutisika.