¹ Na umwi wayeta chipayizyo kachili chipayizyo chabulyidilano cha munyama kuzwa kutanga, nikuba n'enze na mpwizi, uleelede kupa munyama utakwe kampenda kunembo lya Jehova. ² Uyoobika luboko lwakwe aatala amutwe wa chipayizyo chakwe alimwi akachijaye kumulyango watente lyakuswaanana. Mpawo bana balombe ba Aloni bapayizi bayosansila gazi kumabazu a chipayililo. ³ Mwaalumi uyopa chipayizyo chachipayizyo chabulyidilano amulilo kuli Jehova. Mafuta aajala na aanamatide kuzizo zyamukati, ⁴ alimwi a nsa zyobile amafuta aazyo aabambene achibuno, a chipanzi cha chini, aantomwe a nsa - uyoogwisya zyoonse eezi. ⁵ Bana balombe ba Aloni bayootenta aatala achipayililo aamwi achipayizyo chakutentwa, chili aankuni zili amulilo. Eezi ziyoopa bweema bununkilila kuli Jehova; chiyooba chipayizyo chichitidwe kuli nguwe amulilo. ⁶ Na chamwaalumi chipayizyo chachipayizyo chabulyidilano kuli Jehova kachili chizwa ku lungundu; indyalumi na mpwizi, weelede kweeta chipayizyo chitakwe kampenda. ⁷ Na kapa mbelele kuchipayizyo chakwe, mpawo weelede kupa kunembo lya Jehova. ⁸ Uyoobika luboko aatala aamutwe wachipayizyo chakwe akwiijaya kunembo lyatente lyakuswaanana. Mpawo bana balombe ba Aloni bakasansiile gazi kumabazu aachipayililo. ⁹ Mwaalumi uyoopa chipayizyo chazipayizyo zyabulyidilano kachili chipayizyo chichitidwe amulilo kuli Jehova. Mafuta, muchila uneneede udyunkwidwe aafwifwi amusana, amafuta aajala zizo zyamukati a woonse mafuta ali aafwifwi azizo zyamukati, ¹⁰ a nsa zibili amafuta aazyo, ali muchibuno, achipanzi chachini, aamwi a nsa - uleelede kugwisya zyoonse. ¹¹ Mpawo mupayizi uyochitenta a chipayililo mbuli chipayizyo chakutentwa chakulya kuli Jehova. ¹² Na chipayizyo cha mwaalumi kayili mpongo, mpawo uyoyipa kunembo lya Jehova. ¹³ Uleelede kubika luboko lwakwe aamutwe wampongo alimwi akijaye kunembo lyatente lyakuswaanana. Mpawo bana balombe ba Aloni bakasansiile gazi lyayo kumabazu achipayililo. ¹⁴ Mwaalumi uyoopa chipayizyo chakwe chichidwe amulilo kuli Jehova. Uyoogwisya mafuta aajalide zizo zyamukati, a woonse mafuta ali aafwifwi azizo zyamukati. ¹⁵ Uyoogwisya alubo insa zibili amafuta alaalinzizyo, ali muchibuno, achipanzi chachini aamwi a nsa. ¹⁶ Mupayizi uyootenta zyoonse achipayililo kachili chipayizyo chakutentwa chakulya, kuti zyeete bweema bununkilila. Woonse mafuta azwa kuli Jehova. ¹⁷ Chiyooba chipona kwalyoonse chamulawukwiindila mumazyalane abantu bako mubusena boonse nkuyooyaka munzi, kuti utakalyi mafuta na gazi.'''