¹ Mpawo Jehova wakati kuli Mozesi, ''koya kuli Falo ukamwambile kuti; Jehova Leza wama Hibbulu, wakamba eechi: ''Muleke bantu bangu beende kuchitila kuti bakandikombe.'' ² Pesi na mwakaka kuti beende, na kamuchibabikide musule, ³ Mpawo luboko lwa Jehova luyoyeta chiyoosyo kuzivubwa zyanu zili mumunda - mabbiza, madonki, inkamela, ang'ombe ambelele. ⁴ Pesi Jehova uyoyita musiyano akati kazivuubwa zyama Izilayeli akuzivuubwa zyaku Ijipiti, kuchitila kuti takwe munyama wama Izilayeli utakafwe pe. ⁵ Jehova takachincha chindi, wakati, nijunza ninsikachite chintu echi munyika eyi.'' ⁶ Jehova wakachita echi izuba litobela. Zyonse ng'ombe zyamu Ijipiti zyakafwa, pesi takwe nikuba umwi munyama wama Izilayeli wakafwa, takwe nikuba umwi munyama. ⁷ Falo nakalangisisya, alimwi, amubone, takwe nikuba umwi munyama wama Izilayeli wakafwa. Pesi moyowakwe wakali achiguni, aboobo takalekela bantu kuti beende. ⁸ Mpawo Jehova wakati kuli Mozesi akuli Aaloni, ''Amubweze amuzuzye maanza anu amulota kuzwa ku Kkilini. Iwebo, Mozesi, welede kusowa mulota k ujulu mumuuya Falo kalangilizizye. ⁹ Luyoba lusuko lunante atala enyika yoonse ya Ijipiti. Buyochita busina azilonda kuti zikajaye bantu abanyama mukati kenyika yoonse ya Ijipiti. ¹⁰ Aboobo Mozesi a Aaloni bakabweza bakabweza mulota kuzwa ku Kkilini akwimikila kunembo lya Falo. Mpawo Mozesi wakasowa mulota mumuya. Mulota wakabachitya matumpwiza azilonda kuti zijaye bantu abanyama. ¹¹ Alimwi basimabibo nibakali kukonzya kutobelezya Mozesi nkambo kamatumpwiza akala busina bwakali alimbabo akuli boonse bamwi ma Ijipita. ¹² Jehova wayumya moyo wa Falo, aboobo Fallo takaswilizya Mozesi a Aaloni. Ezi zyakali mbuli mbakambide kuli Mozesi kuti Falo uyochita. ¹³ Mpawo Jehova wakati kuli Mozsi, ''ubuke chakufwambana kuseni, uyimikile kunembo lya Falo, akwamba kuti kulinguwe, 'Jehova, Leza wama Hibbulu wamba eechi; Leka bantu bangu biinke kuchitila kuti bakandikombe. ¹⁴ Mbuli echi chiindi ndiyotumizya zikankamaninsya mulinduwe lwako omwini, kubalanda akubantu bako. Ndiyochita echi kuchitila kuti mukabone kuti takwe umwi ulimbuli ndime munyika yoonse. ¹⁵ Pesi lino ndilelede kusika aluboko lwangu akukusoka abantu bako amalwazi alimwi muyolonzegwa kuzwa kunyika. ¹⁶ Pesi zyakali mukambo aka ndakamuzumizyankuti mupone: Kuchitila kuti izina lyangu likambawukwe kwindila munyika yoonse. ¹⁷ Uchili kulinyampuka lwako omwini akati kabantu banguakutabalekela kuti beende. ¹⁸ Swilizya junza atala achindi echi, ndiyoyeta ichivulamabwe chikali, eezyo zitanaboneka mu Ijipiti kuzwa izuba nizyakasanguna kusikila lino. ¹⁹ Mpawo lino, tuma muntu akayandule zivubwa zyanu azyonse nzemulazyo zivubwa zyenu azyonse nzemulazyo mumunda kubusena bulikabotu. Woonse muntu amunyama ezyo zilimumuunda alimwi tazyetedwe kumunzi - chivulamabwe chiyosika kulimbabo - alimwi bayofwa.'' ²⁰ Mpawo aba balanda ba Falo basyoma muli Jehova ijwi lyakasika chakufwambana kuti beete bazike baabo azivuubwa mumanda. ²¹ Pesi abo bakatabweza ijwi lya Jehova chakubosya bakasiya bazike baabo mumyuunda yabo. ²² Mpawo Jehova wakati kuli Mozesi, ''Nyampula ijanza lyako kujulu kuchitila kuti kube chivulamabwe munyika ya Ijipiti, kubantu akubanyama, azyonse amisamu yamumyunda ya Ijipiti. ²³ Mozesi wakasika amusako wakwe kujulu alimwi Jehova wakatuma muzuzumina, chivulamabwe atulabi aansi. Alubo wakawisya chivulamabwe munyika ya Ijipiti. ²⁴ Aboobo kwakaba chivulamabwe atulabi zivwelengene. kazichisa loko, mbulikuti teyakaliwo munyika yoonse ya Ijipiti kuzwa niyakaba chisi. ²⁵ Kwinda minyaka yoonse ya Ijipiti, chivulamabwe chakajaya zyoonse zyakali mumyunda, boonse bantu abanyama chakajaya woonse munsamu mumyunda akutyolola minsamu yoonse. ²⁶ Kupela domunyika ya Gosheni, ma Izilayeli nkubakali kukkala, techakaliwo pe chivulamabwe. ²⁷ Mpawo Falo wakatuma bantu akwambila Mozesi a Aaloni wakati kulimbabo, ''Ndabisya ichindi echi Jehova uliluleme, alimwi imebo abantu bangu tulibasizibi. ²⁸ Atukombe kuli Jehova, nkambo ndiyomuleka kuti mweende, alimwi tamukoyokkala aawa limbi pe.'' ²⁹ Mozesi wakati kulinguwe, ''lino ndazwa mumunzi, ndiyowanzania maanza angu kuli Jehova tulabi tuyomana, alimwi takukabi limbi chivulamabwe. Munzila njiyeyi muyoziba kuti ijulu ndilya Jehova. ³⁰ Pesi mbuli ndinywe akubalanda bako, ndilizi kuti tamunalemeka Jehova Leza chanchobeni.'' ³¹ Lino butonje a bbali zyakanyonyonwa, bbali yakali yalampa kusika mumatwi, atonje yakali yaba abuluba. ³² Pesi i wiiti a sipeliti tezyakanyonyonwa pe nkambo zyakali zilyo zinonoka. ³³ Eelyo Mozesi nakasiya Falo a munzi, wakayanzania maanza akwe kuli Jehova, tulabi achivulamabwe zyakamana, alimwi imvula takwepe niyakasika aansi limbi. ³⁴ Eelyo Falo nakabona kuti imvula, chivulamabwe atulabi zyamana, wakbisya lubo akuyumisya moyo wakwe, wakabisya lubo akuyumisya moyo wakwe, antomwe abalanda bakwe. ³⁵ Imoyo wa Falo wakayuma, aboobo takaleka bantu ba Izilayeli kuti beende, mbuli Jehova mbaakambide kumanza a Mozesi.