¹ Mpawo Jehova wakati kuli Mosesi, ''Yinka kuli Falo ukamwambile kuti, Jehova wamba bobu: Leka bantu bangu bayinke kuti bandikombe. ² Kuti wakaka kubaleka kuti bayinke, ndapenzya nyika yako yoonse abasyachande. ³ Mulonga uyoyambwa abasyachande. Balazwa oko banjile munganda yako, munganda yakulala, abulo bwako. bayoyinka kubantu bako, akuzikko, amuzyaambikwa zyako. ⁴ Basyachande bayokusikila, abantu bako, abazike bako boonse. ⁵ Jehova wakambila Mosesi, "ambila Aroni ,''Tandabika janza lyako akaponda kako atala lyamulonga , atulonga, amalambwa. Kuti muzwe basyachande atala lyadolopo lya Egipita". ⁶ Aroni wakatambika janza lyakwe atala lyamanzi a Egipita, ezyo basyachande bakazwa bazuzya dolopo lyoonse lya Egipita. ⁷ Pele basimabibo bakachita bukozyenie kumabibo abo; bakaleta basyachande atala anyika zya Egipita. ⁸ Mpawo Faro wakita baMosesi a Aroni wati, "Mukombe kuli Jehova kuti agwisye basyachande kuzwa kulindime akubantu bangu. Elyo njobaleke bantu kuti bayinke, kuti bakapayile kuli nguwe". ⁹ Mosesi wakati kuli Faro, ''Ulijene mwenya kundambila ndilili noyanda kuti nkukombele, bazike bako, abantu bako, ikuti basyachande bakagwisigwe kuzwa kulinduwe akumaanda aako bakkale mumulonga luzutu". ¹⁰ Faro wakati, "Junza''. Mosesi wakati, "akube mbuli mbowamba, kuti ukazibe kuti taakwe naba omwe uli mbuli Jehova, Leza wesu. ¹¹ Basyachande bayozwa kulinduwe akumaanda ako, akubazike bako, akubantu bako. Bayokkala mumulonga luzutu". ¹² Mosesi a Aron bakazwa kuli Faro. Nkabela Mosesi wakakwilila kuli Jehova akaambo kabasyachande aabo mbakaletela Faro. ¹³ Jehova wakachita mbuli Mosesi mbwakakumbila: Basyachande bakafwa mumanda, amumabetekelo aabo amumyuunda yabo. ¹⁴ IBantu bakabungika antoomwe muzilwi zilwi, anyika yakanunka. ¹⁵ Pele Faro nakabona kuti kwaba buyoyelo, wakayumya moyo wakwe alubo takwe nakaswilila Mosesi a Aron, mbubonya Jehova mbwakaliwamba kuti ulachita. ¹⁶ Jehova wakati kuli Mosesi, "ambila Aroni, 'tandabika kaponda kako ume lusuko lwako lwansi, kuti lusanduke kuba mansenya muchisi choonse cha Egipita"'. ¹⁷ Bakachita obo. Lino Aron nakatambika janza lyakwe akaponda kakwe akuma lusuko ansi, mansenya akasika kubantu akubanyama. Loonse lusuko lwakali ansi lwakaba mansenya muchisi choonse chaEgepita. ¹⁸ Basimabibo bakasoleka abalo mubuchapi bwabo kuti bachite mansenya, pele tebakachikonzya. Elyo kwakaba mansenya kubantu akubanyama. ¹⁹ Mpawo basimabibo bakambila Faro, "Oyu munwe waLeza". Pele moyo waFaro wakayumisigwa, elyo wakakaka kubaswilila. MbuliJehova mbwakamba Faro mbwakelede kuchita. ²⁰ Jehova wakati kuli Mozesi, "buka chifumo ukayime kunembo lya Faro anoyinka kumulonga. Umwambile kuti, 'Jehova wamba kuti: Leka bamtu bangu kuti bazwe bandikombe . ²¹ Pele kuti tewaleka bantu bangu kuti bayinke njotuma matanga amazi kulinduwe, akubazike bako, akubantu bako, akumaanda anu. Maanda aba Egepita ayozula matanga amazi, aalo ansi mpobayimvwi ayozula mazi. ²² Pele mubuzuba obo ndiyobamba chisi cha Gosheni bwandene, inyika bantu bangu mobakkede, kuti kutabi matanga amazi oko. Echi chiyochitwa kuti mukazibe kuti ndime Jehova mukati kanyika eezi. ²³ Njowandanya bantu bangu abantu bako. Echi nchitondezye changuzu zyangu chiyotola busena junza"". ²⁴ Jehova wakachita obo, matanga mapati amazi akasika munganda ya Faro amumaanda abazike bakwe. Amunyika zyoonse zya Egepita, inyika yanyonyoka nkambo kamatanga amazi. ²⁵ Falo wakayita Mozesi a Aaloni wati, "kamuya, mukapayile Leza wenu munyika yesu." ²⁶ Mozesi wakati, "tachiluleme kulindiswe kuchita oobo nkambo zipayizyo nzituchitila Jehova Leza wesu nzisesemyo kuliba Ijipita, kuti twachita zipayizyo kumeso abo ezyo zisesemya ba Ijipita, tabakoyotutulula mabwe? ²⁷ Pe, ndweendo mazuba otatwe kusika munkanda kuti tuchite kuti tukapayile Jehova Leza wesu, mbuli mbwakatulayilila." ²⁸ Falo wakati , ''ndamuzuminina kuti mwinke mukapayilile Jehova wenu munkanda pele mutayinki kule. Amundikombele" ²⁹ Mozesi wakati, ''lino ndazwa biyo kulinduwe ndiyokomba kuliJehova kuti matanga amazi akuleke , Falo, abazike bako abantu bako junza. Pele utatweni limbi kukutaleka bantu kuti bakapayile Jehova. ³⁰ Mozesi wakazwa kuli Falo wakukomba kuli Jehova. ³¹ Jehova wakachita mbuli kukumbila kwaMozesi; elyowakagwisya matanga anzikuzwa kuliFalo, akubazike bwakwe, akubantu bakwe. Taakwe neliba lyomwe lyakasyala. ³² Pele Falo weakayumya moyo wakwe lubo kuchindi echi, taakwe nakabaleka bantu kuti bayinke.