¹ Jehova wakati kuli Mozesi, ''bona, ndakuchita mbuli Leza kuli Falo. Aaloni mukulana wako uyoba musinsimi wako. ² Uyowamba zyoonse nzindakakulayilila kuti uwambe. Aaloni mukulana wako uyowambila Falo kuti aleke bantu ba Izilayeli kuti bazwe munyika yakwe. ³ Pele njoyumya moyo wa Falo, alimwi ndiyobika zigambyo zyiingi, munyika ya Ijiputi. ⁴ Pele Falo takoyoswilila, aboobo ndiyobika janza lyangu ku Ijiputi akugwisya makamu aampi yangu yabanlumi, bantu bangu, bantu ba Izilayeli, kuzwa munyika ya Ijipita alubeteko lupati. ⁵ Ba Ijipita bayoziba kuti ndime Jehova nenjotandabika janza lyangu ku Ijipita akupozya bana ba Izilayeli kuzwa akati kabo. ⁶ Mozesi a Aaloni bakachita oobo; bakachita mbubonya Jehova mbwakabalayilila. ⁷ Mozesi wakali amyaka ilimakumi alimusanu atatu, alakwe Aaloni wakali amyaka ilimakumi ali musanu aatatu aminyaka itatu nibakambuula a Falo. ⁸ Jehova wakati kuli Mozesi a Aaloni, ⁹ ''Lino Falo aakuti kulindinywe, ''Amuchite maleele, eelyo uwambile Aaloni, bweza musako wako uwuwaale aansi kunembo lya Falo, ikuti ibe nzoka.'' ¹⁰ Mpawo Mozesi a Aaloni bakiinka kuli Falo, elyo bakachita mbuli Jehova mbwakalayilila. Aaloni wakawaala ansi musako wakwe kunembo lya Falo akubalanda bakwe, mpawo yabanzoka. ¹¹ Eelyo Falo alakwe wakayita basongo bakwe abachapi. Bakachita zikozyenie kumabiibo abo. ¹² Umwi awumwi mwalumi wakawaala musako wakwe aansi, mpawo misako yakanzoka. ¹³ Pele musako wa Falo wakayumisigwa, eelyo takwe nakaswilila, mbuli Jehova mbwakamba. ¹⁴ Jehova wakati kuli Mozesi, ''Moyo wa Falo wayuma, eelyo wakaka kuti bantu bayinke. ¹⁵ Yiinka kuli Falo chifumo akuyaanze akuya kumanzi. Yima ankomwe yamulonga uswanune anguwe, bweza mujanza musako wako wakasanduka kuba inzoka. ¹⁶ Umwambile kuti, ''Jehova waba Hebbulayo, wandituma kulinduwe kuti ndikwambile, 'Leka bantu bangu biinke, ikuti bakandikombe munkanda. Kusikila lino tonakuswilila.'' ¹⁷ Jehova wamba echi: ''Acheechi uyoziba kuti ndime Jehova. Ndiyowuma manzi ali mumulonga Nayili amusako ulimujanza lyangu, elyo mulonga uyosanduka kuba bulowa. ¹⁸ Ibaswi abo balimumulonga bayofwa, amulonga uyonunka. Ba Ijiputi tabakoyokonzya kunywa maanzi mumulonga.'' ¹⁹ Lino Jehova wakati kuli Mozesi, ''Ambila Aaloni, bweza musako wako uvungunune janza lyako kumaanzi a Ijiputi,akumilonga yabo, akutulonga twabo, akumalambwa abo, akumikala yabo yoonse, kuti maanzi abo abebulowa. Chiita oobo kuti kube bulowa munyika yoonse ya Ijipita, nikuba muzibikilo zyabo zyezisamu azyamabwe.'' ²⁰ 'Mozesi a Aaloni bakachita mbuli Jehova mbwakalayilia. Aaloni wakanyampula musako mpawo wawuma maanzi alimumulonga, kumenso a Falo abalanda bakwe. Manzi woonse mumulonga akasanduka kuba bulowa. ²¹ Abaswi bali mumulonga bakafwa, amulonga wakatalika kununka. Ba Ijipita tebakakonyza pe kuywa maanzi amumilonga ya Ijipita. ²² Pesi aba basimabibo ba Ijipita bakachita mbubonya abo amabibo aabo. Aboobo moyo wa Falo wakayumisigwa, eelyo wakakkaka kuswilila kuli Mozesi a Aaloni, mbuli Jehova mbwakaamba kuti ziyochitika. ²³ Eelyo Falo wakafutumuka mpawo wayinka mung'anda yakwe. Taakwe nakaswilila abunini kulicheechi. ²⁴ Boonse ba Ijipita bakasya kumbali amulonga kuti bajane manzi akunywa, pele tebakakonzya kwajana manzi amumulonga lwawo. ²⁵ Mazuba musanu aabili akayinda awo Jehova nakamana kusofwazya mulonga.