¹ Jehova wakati kuli Mozesi, "Kuya kuli Falo mbulikuti ndakakumya moyo wakwe amyoyo yabalanda bakwe. Ndakachita echi kuti ndimutondezye nguzu zyangu akati kabo. ² Ndakachita lubo echi kuchitila kuti muzobuzye bana banu abazukulu zintu nzindakachita, mbundakajata Ijipiti inzila iiteelede, alimwi mbundakapa zitondeezyo zisiyene-siyene zyanguzu zyangu akati kabo. Munzila eeyi muyoziba kuti ndime Jehova.'' ³ Aboobo Mozesi aAloni bakaya kuli Falo akuti kuli nguwe, "Jehova, Leza wama Hibbulu, wamba kuti echi: ''Kwachiindi chilamfu chilibieni nchimuyokaka kulifwiinsya kunembo lyangu? Muleke bantu bangu beende kuchitila kuti bakandikombe. ⁴ Pesi naa mwakaka kuti bantu bangu beende, swilizya, juunza ndiyoyeta nsozi mukatimkanyika yako. ⁵ Ziyovumba atala lyanyika kuchitila kuti takwe nikuba uumwai utakabone nyika. Ziyolya kufumbwa zyakachede kuchivulamabwe. Ziyolya lubo woonse musamu ukomenena munyuunda. ⁶ Ziyozuzya ng'anga yako, eezyo zyoonse zyabalanda bako, azezyo zyoonse zyama Ijipiti - zimwi zitanabonegwa nikuba wuso nikuba abasyanyokulu, takwe nizyakabwenwe kuzwa buzuba nibakali ansi ambulisunu.''' Mpawo Mozesi wakazwa weenda kuzwa kuli Falo. ⁷ Balanda ba Falo bakati kulinguwe, "Kwachindi chilibuti mwalumi oyu nchayotupenzya? Muleke ma Isilalayiti beende kuchitila kuti bakakombe Jehova Leza wabo. Tonakuzibona na kuti Ijipita yajayigwa?'' ⁸ Mozesi a Aloni bakeetwa lubo kuli Falo, wakati kulimbabo, ''Mweende mukakombe Jehova Leza wanu. Pesi bantu bali batayoyende?'' ⁹ Mozesi wakati, ''Tuyoyenda abanike nike besu abapati, abana balombe besu abasimbi. Tuyoyenda ambelele zyesu ang'ombe, mbuli kuti twelede kuchuta pobwe lyaJehova. ¹⁰ Falo wakati kulimbabo, ''Ikaka Jehova abe andinywe chakasimpe, naa ndamulekelelal kuti mwende abanini banu beende. Mulange mulabubi mumiyeyo. ¹¹ Pepe! Mweende, kufumbwa mwalumi akati kanu, akukomba Jehova, mbulikuti ezyo nzimuyanda. '' Mpawo Mozesi aAloni bakagwisigwa kuzwa kubube bwa Falo. ¹² Mpawo Jehova wakati kuli Mozesi, ''Nyamuna luboko lwako kunyika ya Ijipiti kunsozi, kuti zinjile munyika ya Ijipito akulya musamu woonse ulimulinjiyo, zyoonse zyakasiyigwa achivulamabwe.'' ¹³ Mozesi wakasisya musako wakwe kunyika ya Ijipiti, alimwi Jehova wakeeta moya kunyika boonse buzuba oobo amansiku. Nikwakali mansiku, moya wakujwe waketa nsozi. ¹⁴ Nsozi zyakeenda mukati kanyika yoonse ya Ijipiti akunjila loonse lubbazu lwayo. Takwe nikwakali chikungo chansozi zilobo munyika, alimwi takwe zili boobo ziyosika munyika kuzwa ezi. ¹⁵ Zyakavumba nyika yoonse aboobo yakasiya. Zyakalya masamu woonse munyika amichelo yoonse yamisamu yakasiyigwa achivulamamwe.Mukati kanyika yoonse yaIjipiti, takwe musamu wakamwemvwe wakachala, nikuba umwi musamu nikuba musamu mumunda. ¹⁶ Mpawo Falo wakayita Mozesi a Aloni chakufwambana akuti, ''Ndakabisizya Jehova Leza wako anduwe. ¹⁷ Lino mpawo, ndilekelele milandu yangu kwachiindi echi, alimwi ukombe kuli Jehova Leza wako kuti abweze lufu olo kule andime.'' ¹⁸ Aboobo Mozesi wakenda kuzwa kuli Falo akukomba kuli Jehova. ¹⁹ Jehova waketa guwo lisimide kuzwa kumbo eelyo lyakabweza nsozi akuzitola mulwizi lwamatete; takwe nikuba imwi nsozi yakachaala munyika ya Ijipiti. ²⁰ Pesi Jehova wakayumya moyo waFalo, alimwi Falo takalekela maIsilalayiti kuti beende. ²¹ Mpawo Jehova wakati kuli Mozesi, ''Tambika jaanza lyako kujulu, kuchitila kuti kube mudima munyika ya Ijipiti, mudima umvwigwa.'' ²² Mozesi wakasisya jaanza lyakwe kujulu, alimwi kwakaba mudima mupati munyika yoonse ya Ijipiti kwamazuba aatatu. ²³ Takwe umwi wakalikubona umwi lubo; takwe wakasiya munzi wakwe kwamazuba aatatu. Aboobo boonse ma Isilalayiti bakali a lambe kunyika nkubakali kukkala ²⁴ Falo wakayita Mozesi akuti, ''Enda ukakombe Jehova,. Nikuba impuli yako yelede kweenda anduwe, pesi ng'ombe zyako ambelele zyelede kuchala. ²⁵ Pesi Mozesi wakati, ''Tuzumizye kuti tuchite zipayizyo akumpa tununkilizyo kuchitila kuti tukazipedekezye kuli Jehova Leza wesu. ²⁶ Ng'ombe zyesu zilelede kweenda azilazyo andiswe, takwe nikuba butanga bwazyo bweelede kuchala musule, mbulikuti twelede kuzibweza kuti zikakombe Leza wesu. Mbulikuti tatuzi kuti mbyeni mbutwelede kukomba Jehova kusikila tukanyampuke ooko.'' ²⁷ Pesi Jehova wakayumya moyo wa Falo, alimwi taakabalekela kuti beende. ²⁸ Falo wakati kuliMozesi, , ''Enda kuzwa kuli ndime! Chenjela achintu chimwi, kuti tokoyondidona lubo, mbulibuzuba notazobone busyu bwangu, uyofwa. ²⁹ Mozesi wakamba, ''Iwe lwako wambula. Tandikoobona busyu bwako lubo.''