¹ Lino Yahuwe wakambila Mozesi kuti, ''kuchili chuumo chimwi echo nchindiyoleta ali Falo mu Ijiputi. Kwainda eecho eecho, uuyomuleka mukeende kuzwa okuno. Lino ayomuleka kuti mukeende uyomutandila kule. ² Layilila bantu aabo kuti woonse mwalumi amwanakazi kuti akumbile kulinguwe ngwayakilene aawe zintu zyensiliva azintu zyengolida.'' ³ Lino Yahuwe wakachita kuti ba Ijipiti bayande kubotezya ba Izilayeli. Kwinda boobo, mwalumi Mozesi wakali kubotezya mumeso abalanda ba Falawo abantu bamu Ijipiti. ⁴ Mozesi wakati, ''Yahuwe waamba oobu: 'mbuli akati kamansiku ndayinda mu Ijipita. ⁵ Boonse bana batanzi munyika ya Ijipita bayoofwa, kuzwa kumwana mutanzi wa Falawo, ukkede achuuno chabwami, kuyosika kumwana mutanzi wamuzike mwanakazi ulikusule lyaziyo linokuziya, akuli boonse bana batanzi bazivuubwa. ⁶ Lino kuyoba kulila kupati munyika yoonse ya Ijipiti, kutali mbuli kwakabwenwe na kuyoba alubo. ⁷ Pesi takwe naba mubwa uyokkuwa kufumbwa kumuntu wa Izilayeli, nekuba kumuntu na munyama. Munzila njiyeyi muyoziba kuti ba Ijipiti ndilababweza munzila isiyene aba Izilayeli. ⁸ Boonse aaba bazike bako, Falawo, bayoseluka aansi kuli ndime akundivundamina. Bayowamba kuti, 'koya, webo abantu boonse bakutobela!' kusule lyayaaya ndiyozwa.'' Mpawo kuli Falawo kafundikide abukali. ⁹ Yahuwe wakambila Mozesi kuti, 'Falawo takokuyokuswilila pe. Nkinkaako kuti ndikachite zyiingi zigambyo munyika ya Ijipiti.'' ¹⁰ Mozesi a Aaloni bakachita zigambyo eezi kunembo lya Falawo, pesi Yahuwe wakayumya moyo wa Falawo, mpawo Falawo tewakalekela bantu ba Izilayeli kuti bazwe munyika yakwe.