¹ Mozesi wakasandula, ''Ani kuti nibatayondisyoma nikuba kundiswilila akwamba kuti, "Yawe tana kuliyubununa pe kulinduwe? ² Yawe wakamwambila kuti, '"Ninzi eecho chili mujanza lyako? Mozesi wakamba kuti, "Musako". ³ Yawe wakati, "Waala aansi, "Mozesi wakawaala aansi, eelyo wakasanduka waba nzoka. Mozesi wakachija chibundasule. ⁴ Yawe wakambila Mozesi kuti, "Taandabika janza lyako wiijate kumuchila". Eelyo wakatandabika janza akwijata . Nzoka yakasanduka yaba musako lubo mujanza lyakwe. ⁵ Eechi chiyoba chitondezyo chiyochita kuti basyome kuti Yawe, Leza wabamataata, Leza wa Abbulamu, Leza wa Isaaki a Leza wa Jakobe, walibonia kuli nduwe. ⁶ Aluubo Yawe wakamwambila kuti, "Lino bika janza lyaako mukati kachikobela chako". Aboobo Mozesi wakabika janza lyakwe mukati kachikobela chakwe, awoo nakagwisya, kuboko kwakwe kwakali kwaba achipele chituba buu mbuli nyengenge. ⁷ Yawe wakati bika kuboko kwako lubo". Eelyo Mozesi wakabika lubo muchikobela chakwe, awo nakakugwisya, wakabona kwapona lubo, mbuli mubili woonse. ⁸ Yawe wakamba kuti, "Kuti tebakusyoma - Na tebakuswilila kuchitondezyo chakusanguna changuzu zyangu nikuba kusyoma kuli nchicho, aboobo bayosyoma chitondezyo chabili. ⁹ Naa kuti tebakusyama kuzitondezyo zibili zyanguzu zyangu, nikuba kukuswilila, mpawo ukateke manzi amumulonga akwatila atala anyika njumu . Manzi ngutakateke ayoba mbuli bulowa aanyika njumu. ¹⁰ Mpawo Mozesi wakambila Yawe, "kuti mwami nsikonzyi pe kwambula kabotu, nikuba kuzyindi zyakinda nakuba kuchindi nchemwambula amulanda wanu. Ndila bebezya alimwi lulimi lulakankam". Yawe wakati kuli nguwe, ¹¹ "Ngwani wakalenga mulomo wamuntu? Ngwani wakachita muntu kuti kawambula nikuba kuti tawambuli na kuboona na kuba moofu. Teensi ndime na ndi Yawe? ¹² Yino koya ndinola yebo ammulomo wako akuyokuyisya mboyelede kuyowambula kabotu. ¹³ Pesi Mozesi wakati, "Mwami, ikaka kotuma umwi biyo, naabi umwi ngomu yanda kutuma". ¹⁴ Mpawo Yawe wakanyemena Mozesi. Wakati, ulibuti Aaloni, mukulana wako mulevi? Ndizi kuti uwambula kabotu. Aboobo uyobuza kuzoswanana aayebo, alimwi nakubona, uyobotelwa mumoyo wakwe. ¹⁵ Uyomwambila alimwi uyomubika mabala akwamba mumulomo wakwe. Ndiyoba amulomo wako antomwe aamulomo wako, aboobo njomutondezya antomwe mbumuyochita. ¹⁶ Uyokwambwida abantu. Uyobasimulomo wako, alimwi uuyobanga kulinguwe ndime, ndi Leza. ¹⁷ Uyobweza musako ooyu mujanza lyako. Anguwo uyochita zitondezyo". ¹⁸ Eelyo Mozesi wakabweda kuli wisizyala Jetulo, "Ndileke ndibwede kunzubo zyangu zili ku Egepita akuyobabona kuti bachipona na". Jetulo wakambila Mozesi kuti, "koyinka mulumuno! ¹⁹ Yawee wakambila Mozesi mu Midiyana, "Yinka, bweeda ku Egipita nkambo baalumi boonse bakasitole buumi bwako tabachiwope bakafwa". ²⁰ Mozesi wakabweza bakayintu bakwe abana bakwe balombe wababika aadonki. wakabweda kunyika ya Egipita akubweza musako wa Leza mujanza lyakwe. ²¹ Yawee wakati kuli Mozesi, "nwabweda ku Egipita ukachite zitondezyo kunembo lya Falo zyoonse zigambyo ezyo nzindabikka mugunzi lyako. Pesi ndiyoyumya moyo wakwe, aboobo takayoleka bantu kuti biinke pe. ²² Uyelede kubambila kuti Falo, ''Mbubobu mbwamba Jehova: Izilayeli mwana wangu, mwana wakusanguna, ²³ aboobu ndamba obu kuli nduwe, '''Leka mwana wangu mulombe, kuti andikombe''. Pesi mbwakaka kuti ayende, ndiyeleya bana bako, bana batanzi.'' ²⁴ Lino mukati kalweendo, nibakayimikila kwabusiku, Leza wakaswanana aMozesi akuyanda kweezya kumujaya. ²⁵ Mpawo Zipola wakabweza kafulo kwbwe jumu libosya akuyanda akumupalula mwana wakwe mulombe akujaya kumawulu akwe. Mpwo wakamba kuti, ''''Nkasimpe uli asibwiinga kuli ndime mubwindila mubulowa.'' ²⁶ Lino Jehova wakamuleka alikke. Wakati, ''Nduwe sibwiinga wamubulowa'' Nkambo kabupalule. ²⁷ Jehova wakambila Aaloni ''kuyinka munkanda akuswanana a Mozesi.'' Aaloni wakayinka, waswanana awe muchilundu chaLeza, alimwi wakamumyonta. ²⁸ Mozesi wakambila Aaloni majwi a Jehova kuti Leza wamutuma akwamba zyoonse zitondezyo zya Jehova anguzu nzyakamulayilila kuti azichite. ²⁹ Mpawo Mozesi a Aaloni bakayinka akubungania boonse bapati bamu Isilayeli. ³⁰ Aaloni wakambula majwi woonse Jehova ngakambide kuli Mozesi. Alimwi wakatondezya zitondezyo anguzu kunembo lyabantu. ³¹ Bantu bakasyoma. Nibakamvwa kuti Jehova wayeya Izilayeli akuti wamvwa akubona kupenzegwa, mpawo bakakotama ansi akumukomba.