¹ Lino Mozesi wakachilikwembela tanga lyambelele lya Jetulo wisizyala, mupayizi waku Midiyani. Mozesi wakabinga tanga lyambelele kule kubbazu lyakunkanda akusika ku-Holebbu, kuchilundu cha Leza. ² Ooko mungelo wa Jehova nkwakalibonia kulinguwe mumabangabanga amulilo mulusaka. Mozesi wakalangisisya, mpawo, chiteyo chakali kuyaka, pesi chiteyo techakali kupya pe. ³ Mozesi wakati, ''Ndazyunguluka kumbali mbone chintu chigambya, nkamboyi chiteyo nichitalokupya.'' ⁴ Eelyo Jehova nakabona kuti wakazyungulukila kumbali kuti abone, Leza wakamwita kuzwa muchiteyo kuti, ''Mozesi, Mozesi. ''Mozsi wakati, ''Mpaano mpumbede.'' ⁵ Leza wakati, ''Utaazi afwifwi ! Gusya insangu zyako kumawulu, ibusena mpobede mpoyimvwi ninyika ibambilidwe ndime.'' ⁶ Wakayungizya kuti, ''Ndime Leza wawuso, Leza wa Abbulahamu, Leza wa Izaka, a Leza wa Jakobo.'' Mpawo Mozesi wakalivumba kumenso, mbubonya mbwakayowede kulanga Leza. ⁷ Jehova wakati, ''Ndibwene loko mapenzi abantu bangu bali mu Ijiputi. Ndimvwide loko kompolola kwabo nkambo kababo bababelesya, mbuli mbunzi machise aabo. ⁸ Ndaza aansi kuzobaangununa kuzwa kumanguzu aba Ijiputi nguunzi akubagwisya kunyika eeyi kuya kunyika mbotu, mpati, kunyika iyenda malili, abuchi; dokulubbazu lwa Kkenani, ba-Hititi, Amolayiti, Pelezitisi, aba Jebbusayiti. ⁹ Lino kompolola kwabantu ba Izilayeli kwasikila kulindime. Mukuyungizya, ndabona mafwabi akachitwa aba Ijiputi. ¹⁰ Lino mpawo, ndakutuma kuli Falo kuti ukabone bantu bangu, ba Izilayeli, kuzwa mu Ijiputi.'' ¹¹ Pesi Mozesi wakati kuli Leza, ''Ndimeni mebo, unga ulakonzya kuya kuli Falo akuyobozya bana ba Izilayeli kuzwa ku ijiputi?'' ¹² Leza wakamusandula, ''nchobeni ndayebo. Eechi chiyoba chitondezyo kuli nduwe kuti ndime ndakakutuma. Niwayobagwisya bantu kuzwa ku Ijiputi, muzondikomba muchilundu eechi.'' ¹³ Mozesi wakati kuli Leza, ''Ndayoyinka kuba Izilayeli akubambila kuti ngu Leza wandituma kuli ndinywe; ani bayondambila kuti, ''Ngwani izina lyakwe?'' Njobambila kutyeni?'' ¹⁴ Leza wakati kuli Mozesi, ''NDIME NGU NDIME.'' Leza wakati lubo kuli Mozesi, ''Uyelede kwamba kuti kuma Izilayeli, ''NDIME nguwe nguwandituma kulindinywe.'' ¹⁵ Leza wakati lubo kuli Mozesi, ''Uyelede kwambila ba Izilayeli, Jehova, Leza wabamawuso, Leza wa Abbulahamu, Leza wa Ayizeki, a Leza wa Jakobo, wandituma kulindinywe. Eeli ndizina lyangu mpaka kukabe kutamani, oobu mbubo mbuntakayeyegwe kumazyalane oonse. ¹⁶ Ýinka ukabunganie bazululi ba Izilayeli antomwe. Ukabambile kuti, 'Jehova, Leza wabamawuso, Leza wa Abbulahamu, awaba Ayizeki, awa Jakobo, waliyubununa kulindime akuti, 'Ninchobeni ndakamulangisisya alimwi ndakabona nchakachita kuli ndinywe mu Ijiputi. ¹⁷ Ndakasyomezya kumugwisya mumakatazyo mu Ijiputi kuyosika munyika yaba Kkenani, Hititi, Amoli, Pelizayiti, Hivayiti antomwe aba Jebbusayiti, nyika iyenda malili abuuchi.'' ¹⁸ Bayoswilizya nduwe. Iwebo abaalu ba Izilayeli munyika kumwami wa Ijiputi, uyelede kuyomwambila Jehova, Leza waba Hebbulayo, waswanana andiswe lino atwende mazuba otatwe'' alwendo kuyosika munkanda, kukulipeda kuli Jehova, Leza wesu.' ¹⁹ Pesi ndizi kuti mwami wa Ijiputi takoyokuzumizya dokuboko kwakwe kukaangilwe. ²⁰ Ndiyotandabika kuboko kwangu akubalwisya ba Ijiputi, amalele nginchita akati kabo. Kuzwawo, uyokuzumizya kwinka. ²¹ Njobaapa aaba bantu luzyalo kuzwa kuba Ijiputi aabobo eelyo, nimwayoyenda, mutakeendi kamutakwe nchimujisi - mumaboko. ²² Woonse mwanakazi akakumbile nsiliva a ngolide azyakuzwata kuli Ijiputi aba simayakilane akufumbwa mwanakazi ngwakkala aawe aang'anda. Muyobikka kubanabenu balombe abasimbi. Munzila eyi muyozunda ba Ijiputi.''