¹ Mozesi wakeendelezya choonse chisi chabana ba Izilayeli akwamba kuti kulimbabo ,''Eezi nzezintu ezyo Jehova nzyakamulayilila kuti muchite . ² Mumazuba ali musanu alimwi mulimu unoli wachitwa, pesi kuli ndinywe, izuba lyamusanu aabili lyelede kuba zuba lisala, buzuba butegwa sabata bumaninide bwakulyokezya, busalala kuli Jehova, Nikuba boobo kuli nikuba mulimu na mubuzuba butola kulufu. ³ Tamwelede kuyasya mulimo nikuba mulimwi ng'anda yenu mubuzuba butegwa sabata.'' ⁴ Mozesi wakambula aaluundu loonse lwaIsilayeli,wakati, '''Echi nchichitu Jehova chakalayilila. ⁵ Amubweze chipo cha Jehova,kuli boonse bala moyo uzumina.Amwete zipayizyo kuli Jehova-ingolida, ansiliva,amukuba, ⁶ simakaka,musinza wanyangu,abukkotani busalala alimwi amilembo mibotu;aboya bwa mpongo; ⁷ 4 zikumba zyabagutu zichitidwe busalala azikumba zyebeka;azisamu zyamu akkasiya; ⁸ amafuta amumalampi,atununkilizyo twamafuta akunanika alimwi abwema bununkilila, ⁹ amabwe abulungusene aamwi mabwe ayebeka kukwabika ku efodi alimwi azipanzi zyakukango. ¹⁰ Boonse balumi balaluzibo akati kanu baleelede kusika akuchita zyoonse ezyo Jehova nzakalayilila- ¹¹ kudumba lyakukombela atente lyalyo,achilivumbyo chalyo,misemo yazyo, azikunguzyo, amisemu,alimwi azikkalilo; ¹² abbokesi amayako alyo,achivumbyo chakumana milandu, amulembo wakujazya. ¹³ Baketa tafula azisamu zyacho, azyoonse zibelesyo, alimwi achibunge chabuliwo, ¹⁴ achikkalilo chalampi lyamumuni; azibelesyo zyalyo, amalampi, alimwi amafuta amalampi; ¹⁵ atununkilizyo twachipayililo amisemo yacho, amafuta akunanika alimwi abwema bununkilila; awanzikwa amulyango wadumba lyakukombela; ¹⁶ chipayililo chazipayizyo zitentedwe kazilaa mukuba yacho alimwi amisemo azibelesyo;alimwi abbede pati lilachibikilo. ¹⁷ Bakeeta zilengelezyo kulubuwa amisemo alimwi azikkalilo, alimwi amulembo kumulyango walubuwa ; ¹⁸ alimwi amapegi atente zyadumba lyakukombela akulubuwa, kubikka aamwi amakole. ¹⁹ Bakeeta zisamo zyeebeka loko kukuzobelekela abusena busalala, zyakusama zisalala zya Aloni mupayizi abana bakwe balombe, kuti bakabeleke mbuli bapayizi.'' ²⁰ Mpawo boonse baluzubo lwaIsilayeli lwakanyampuka akwenda akuzwa kubuliwo bwa Mozesi. ²¹ Kuliwoonse uwakala moyo uumunyangania ayooyo ulamuuya achiyandisyo chakuza alimwi akweta chipayizyo kuli Jehova chakuyasya dumba lyakukombela, akuli zyonse zibelesyo zyamilimu yamukati, alimwi azyamalembo asalala. ²² Bakasika, boonse balumi abanakazi,boonse bakalamyoyo izumina. Bakeeta zisita, amalangulangu, anwenwe, azyakusama zyakulibotezya, ayoonse misyobo yakusama yangolida. Boonse bakapedekezya zipayizyo zyangolida mbuli chipayizyo kuli Jehova. ²³ Boonse bakala simakaka, amusinza wanyangu, kana kuti boya busalala, amulembo uyebeka,aboya bwampongo, azikumba zyabagutu zisalala, na kuti zikumba zyeebeka bakazyeta. ²⁴ Woonse muntu wakachita chipayizyo cha nsiliva nakuti chamukuba bakazyeeta mbuli zipayizyo kuli Jehova, alimwi woonseni wakala chisamu chamu akkasiya chakali kulangika kumulimu chakeetwa. ²⁵ Woonse mwanakazi wakalaluzibo wakachita bukkotani amaboko akwe alimwi bakeeta ezyo nzibakachita-zyasimakaka, azyamusinza wanyangu,azyaboya busalala, nakuti mulembo uyebeka. ²⁶ Boonse banakazi bakala myooyo yakabakopa alimwi bakalaa abusongo bakachita boya bwampongo. ²⁷ Balu baketa mabwe abezedwe alimwi amabwe mebesi akabikwa mu efodi achibela chakaango; ²⁸ bakeeta butwido amafuta amumalampi, kali mafuta akunanika, akutununkilizyo tununkilila. ²⁹ BaIsilayeli bakeeta chipayizyo chakulimvwida kuli Jehova; kuzwa kumwalumi akusika kumwanakazi bakala myoyo yakulimvwida bakeeta zyakubelesya zyoonse kumulimu wa Jehova ngwakabalayidide kwinda muli Mozesi kuti ukachitwe. ³⁰ 30 Mozesi wakati kuli baIsilayeli,'' Amubone, Jehova wakita azina kuli Bbezaleli mwana mulombe wa Uli amwana mulombe wa Huli, kuzwa kuluzubo lwa Juda. ³¹ Wakazuzya Bbezaleli amuuya, kukumupa busongo,akumvwisisya, amaanu, kuliwoonse mulimu wamaboko, ³² kukubumba zyebeka akubeleka mungolido, amunsiliva, alimwi amuli zyamukuba; ³³ akugonka akubikka mabwe akubeza zisamu-kuchita yoonse misyobo yazyeebeka azyababezi. ³⁴ 34 Wakazikka mumoyo wakwe kuti ayisye, boonse we aHoliyabu mwana mulombe wa Ahisamaki, kuzwa kuluzubo lwa Dani. ³⁵ Wakabazuzya boonse aluzibo kukuchita yoonse misyobo yamilimu ,kukubeleka mbuli basimilimu yamaboko, mbuli basikubeza masamu, ambuli basikuyala malembo yabasimakaka,ayamuzinza anyangu,ayaboya busalala azisamo zyeebeka, alimwi mbuli basikuluka.Kuli babezi kuli yoonse milimu, alimwi kuli babumba zyebeeka.