¹ Jehova wakaambuula kuli Mozesi, ² ''Ambila bana ba Izilayeli kuti bandiletele zipo. Amutambule zipo zyangu kubantu boonse bazumina mumyobo yabo. Uleelede kutambula eezi zipo zyangu . ³ Nzeezi zipo nzimweelede kutambula kuli mbabo: ngolide, nsiliva, amukuba; ⁴ masani aasikkaka, masani aamusinza wanyangu, amasana aasalala pyu amasani aatuba, aboya bwampongo; ⁵ zikumba zyabagutu zisalazidwe; azisamu zyamuunga; ⁶ mafuta aamalampi amubusena busalala bwakukombela; misamu yamafuta aakunana, atununkilizyo twakutenta, ⁷ mabwe aa onikisi aambi mabwe ayebeka ayelede kubikwa muchikombelo chakupayizi amukatobo kachaamba. ⁸ Amubaleke bandichitile chikombelo kwiitila kuti ndikkale aakati kabo. ⁹ Muleelede kuchita mbubonya mbuli mbondiyoomutondeezya mumizeezo chikombelo azibelesyo zyacho. ¹⁰ Baleelede kuti bachite ibbokesi lyazisamu zyamuunga. Bulamfu bwalyo bube tukkokola tobile achisela, abwaamba bwalyo kakkokola komwe achisela, abwiime bwalyo kakkokola komwe achisela. ¹¹ Uleelede kuzilulula mukati aanze angolida iisalala, alimwi ulibikile mukkome wangolida chakuzyunguluka bulamfu bwalyo. ¹² Uleelede ufule inchoko zyone zyangolide muzibike kumawulu aalyo, inchoko zyobile kulubazu lumwi anchoko zyobile kuli lumwi lubazu. ¹³ Uleelede ubeze miziyo yamuunga akwiiziluluzya ingolida. ¹⁴ Uleelede uchite miziyo wiisyomeke munchoko zyakumabazu, kuti mukonzye kubweza bbokesi. ¹⁵ Miziyo iileelede kusyaala munchoko zyabbokesi; tazyeelede kugwisigwa pe kulindilyo. ¹⁶ Uleelede ubike mubbokesi milawu njesikupe. ¹⁷ Uleelede kuchita chijazyo changolide chaluswaanizyo. Bulamfu bwacho bube tukkokola tobilwe achisela, abwaamba bwacho kakkokola komwe achisela. ¹⁸ Uleelede kuchita bobilwe bakkelubi bangolinda iipwayidwe kumpela zyobile zyachijazyo chachuuno chaluswaanizyo. ¹⁹ Uchite kkelubi umwi kumpela imwi ayimwi, bakkelubbi bachitwe aantomwe achuuno chaluzyalo aampela zyacho zyobilwe. ²⁰ Bakkelubbi balatandabika mababa aabo akuvumbilila chuuno chaluzyalo, amasyu aabo aalangene, masyu abakkelubbi alange chuuno chaluzyalo. ²¹ Bika chuuno chaluzyalo aatala lyabbokesi, alimwi mukati kabbokesi bika milawu njendikukupa. ²² Nkuubwaato nkwesiyooswaanane aanduwe. Ndiyoowambula anduwe kuzwa kujulu lyachuuno chaluzyalo aakatikati kabakkelubbi bobile bali aabbokesi lyachizuminano ooko nkwesiyookwaambile milawu yoonse njowelede kulayilila bana ba Izilayeli. ^{23 24} Uleelede kuchita tafula lyamuunga. Bulamfu bwalyo bube tukkokolaa tubili, abwaamba bwalyo kakkokola komwe, abwiime bwalyo kakkokola komwe achisela. Uyiziluluzye ingolida iisalala akwiichita mukkome uyizyungulukide wamgolida. ²⁵ Uchite mubalo uyizyungulukide uli aabwaamba bwajanza, awooyo mubalo ube aamoongola wangolida koonse koonse. ²⁶ Weeledei uchite nchoko zine zyangolida akubika nchoko kuzyooko zyone zyakumawulu aayo. ²⁷ Aafwifwi kumubalo kuyooba inchoko zitakajate miziyo yakunyampuzya tafula. ²⁸ Weeledde kuchita miziyo kuzwa kumusamu wa akkasiya alimwi ukuuvumbe angolida kuti tafula likanyampuzigwe aanzizyo. ²⁹ Uleelede kuchita mitiba, amyuungo, azilongo amfulu zyakupayizya, zyoonse uzichite aangolide iisalala. ³⁰ Uleelede kubika zibunge zyamabonwabonwa aatafula kubusyu bwangu chiindi choonse. ³¹ Uleelede kuchita chiimikilo chalampi changolida iisalala kunsi lyacho amubili walo abe achifulamubisi. Nkomeki zyacho atunkuli twacho, amalubaluba aacho zyoonse ziyoojatilila mulinchicho. ³² Nkabela mumabazu aacho muyoozwa mitabi iili musanu awumwi - mitabi yotatwe kulubazu lumwi, alimwi mitatbi yotatwe kulubazu alumwi lwachiimikililo. ³³ Mutabi umwi awumwi uubezedwe ankomeki zyotatwe zili mbuli michelo wa alumondi zili atunkuli amalubaluba mitabi yoonse ilimusanu awumwi iizwa kuchiimikililo ibe mbubonya oobo. ³⁴ Awo achimikililo chini abezwe inkomeki zyone zilimbuli michelo ya alumondi zili atunkuli amalubaluba. ³⁵ Kweelede kube chikkalilo chamatu aansi lyamitabi yobile mitanzi - chichitidwe mbuli chipanzi chomwe aantomwe anchicho, alimwi chikkalilo chamatu aansi lyamitabi yobile iitobela - alubo chichitidwe mbuli chipanzi chomwe aantomwe anchicho. Munzila yeelene kweelede kube chikkalilo chamatu aansi lyamitabi yobile yatatu, chichitidwe mbuli chipanzi chomwe aantomwe anchicho. Zyeelede kuba mbubo kumitabi yoonse iili musanu awumwi iizwa kuchiimikililo cha lampi. ³⁶ Zikkalilo zyazyo zyamatu antabi zyoonse zyeelede kuba chipanzi chomwe aantomwe anchicho, chimwi chipanzi chimwi chiwumidwe chamulimu wa ngolide iisalala pyu. ³⁷ Uleelede kuchita zyiimikililo zyamalampi zili musanu azibili, ubike malampi kuti amunike kunembo lyabo. ³⁸ Mamano ankayi zyawo zyoonse zibe zyangolide iisalala. ³⁹ Belesya talenta lyomwe lyangolida iisalala pyu kuchita chiimikililo azibelesyo zyacho zyoonse. ⁴⁰ Bona kuti wazichita mbubonya mbuli muchikozya nchiwakatondeezegwa achilundu.