¹ Mpawo Jehova wakati kuli Mozesi, ''kweza kulindime - iwebo, Aaloni, Nada, Abbihu, abali makkumi musanu aabili abapati ba Izilayeli, alimwi mukandikkombe kulale. ² Mozesi alikke nguyelede kuswena afwifwi andime. Aba bamwi tabelede kuza afwifwi, nikuba kuti bantu baswene baze awe.'' ³ Mozesi wakiinka akwambila bantu majwi a Jehova ambeta zyakwe. Bantu boonse bakasandula ajwi lyomwe akwamba kuti, ''Tuyochita majwi oonse Jehova ngawamba.'' ⁴ Mpawo Mozesi wakalemba aansi majwi oonse a Jehova'Chifumo, Mozesi wakayaka chipayililo munsi lyesimpilo lyachilundu akubamba musumpululu yamabwe alikkumi aabili, kuti mabwe ayiminine mikowa ilikkumi ayibili, kuti mabwe ayiminine mikowa ilikkumi ayibili yaba Izilayeli ilikkumi ayibili ya Izilayili. ⁵ Wakatuma ba Izilayeli bakubusi abachalumi kukuyopeda zituuzyo zyakutenta alimwi azituuzyo zyabulyidilano zyabasune kuli Jehova. ⁶ Mozesi wakabweza chisela chabulowa mpwao wabika mumitiba, akusansila chimwi chisela achipayililo. ⁷ Wakabweza ibbuku lyechizuminano alimwi wakalibalila mujulu kubantu. Bakati, ''Tulochita zyoonse Jehova nzyawamba. Tuyoswilila.'' ⁸ Mpawo Mozesi wakabweza bulowa akusansila abantu wakati, ''Oobu mbulowa bwachizuminano obo Jehova mbwachitila ndinywe akumupa chisyomezyo amajwi aya woonse.'' ⁹ Mpawo Mozesi a Aaloni, Nadabbu, Abbihu, abali makumi musanu aabili bapati ba Izilayeli bakiinka muchilundu. ¹⁰ Bakabona Leza wa Izilayeli. Kunsi amawulu akwe kwakabonwa mbuli chibuye chamabwe chakachitidwe asafili nkakubalangala mbuli ijulu lwalyo. ¹¹ Leza takabika kuboko kubapati baba Izilayeli. Bakabona Leza, alimwi bakalya akunywa. ¹² Jehova wakati kuli Mozesi, ''Kweza kulindime muchilundu alimwi ukakkale nkuko. Ndiyokupa zilembelo zyamabwe amulawu amilazyo njendilembede, kuti ukabayiisye.'' ¹³ Eelyo Mozesi wakinka asikumugwasya Joshuwa alimwi bakatanta muchilundu cha Leza. ¹⁴ Mozesi wakati kubapati, ''Amukkale alimwi mutulinde ado tubole kulindinywe. Aaloni a Huli balandinywe. Kuti nkakuli ujisi makani, ayinke kulimbabo.'' ¹⁵ Eelyo Mozesi wakayinka muchilundu, mpawo joba lyakachivumba chilundu. ¹⁶ Bulemu bwa Jehova bwakali achilundu cha Sinayi, ajoba lyakachivumba kwamazuba ali musanu alimwi. Mubuzuba bwamusanu abumwi wakiita kuli Mozesi kuzwa mujoba. ¹⁷ Kulibonia kwabulemu bwa Jehova bwakali mbuli mulilo uyakisya atala achilundu kumenso aba Izilayeli. ¹⁸ Mozesi wakanjila mujoba akutanta muchilundu wakkala atala lyachilundu kwamazuba makkumi oone amansiku makkumi aane.