¹ Mumweezi wachitatu kuzwa bantu ba Izilayeli nkabali beenda kuzwa muchisi cha Ijipiti, mubuzuba bomwe, bakaza kunkanda ya sinayi. ² Kuzwa akusiya Lefidimu alimwi bakaza kunkandaya Sinayi, bakakkala munkanda kunembo lyachilundu. ³ Mozesi wakaya kuli Leza . Jehova wakiita kuli nguwe kuzwa kuchilundu alimwi wati,''weelede kwambila nganda ya Jakkobbu, bantu ba Izilayeli: ⁴ wakabona nzindakachita kuma Ijipiti, mbuuli mbindakakubweza mumababa egumbe akukweeta kuli ndime. ⁵ Lino eelyo, kuti watobelezya loko akuswilizya jwi lyangu akulondola chizuminano changu, eelyo uyoba chipo changu chiyandisi akati kabantu boonse, nkaambo yoonse nyika njiyangu . ⁶ Uyooba dolopo lyaba payizi alunyungu lusalala kuli ndime. Aaya ngimajwi ngoyelede kwambuula kubantu ba Izilayeli.'' ⁷ Mpawo mozesi wakasika akuyiisya baapati babantu. wakabika kunembo lyabo woonse majwi ayo Jehova ngakamulayilila ⁸ .Boonse bantu bakasandula aantomwe akuti,''Tuyochita zyoonse ezyo Jehova nzyawamba.'' Eeto Mozesi wakaboola kuzowamba majwi abantu kuli Jehova. ⁹ Jehova wakati kuli Mozesi,''Ndiyooza kuli nduwe mujoba jumu kuchitila kuti bantu bamvwe nindanoowambula anduwe akusyoma kwalyoonse.'' Eelyo Mozesi wakaamba majwi abantu kuli Jehova. ¹⁰ Jehova wakati kuli Mozesi,'' inka kubantu. Sunu ukababike kule andime, akubachita ba wache zyakuzwaata zyabo. ¹¹ Kuli bambilila buzuba bwatatu,nkaambo muzuba lya tatu Jehova uyoosika aansi kukalundu ka sinayi. ¹² Mweelede koobika migaanu koonse kuzyunguluka chilundu kubantu. Utedi kuli mbabo, Amuchenjele loko kuti tamwiinki kuchilundu nikuba kujata migaanu. Kufumbwa uujata chilundu kasimpe uyoojayigwa. ¹³ Takwe jaanza lyawumi litakajate muntu ooyu. nikyba boobo uyotululwa na kudubulwa. Nikuba chikabe chinyamankala na muntu, uyojayigwa. Eelyo mweembo wakumvwikka kulila, uyooza kundyato lyachilundu.'' ¹⁴ Eelyo Mozesi wakaseluka kuzwa kuchilundu waya kubantu. Wakabika kulekule bantu kuli Jehova alimwi bakawacha zyakuzwaata zyabo. ¹⁵ Wakati kubantu amulibambile muzuba lya tatumutayinki afwifwi abanakazi benu.'' ¹⁶ Muzuba lyatatu, eelyo nikwakachili kuseeni, kwakali guwo atulabi ajoba jumu muchilundu, amuzumo wamwembo. Boonse bantu bakabungene bakayoowa. ¹⁷ Mozesi wakeeta bantu kuzwa nkubakabungene kuti baswaanane a Leza, alimwi bakayima kundyato ya chilundu. ¹⁸ kalundu ka sinayikakali kazulila busi nkaamboJehova wakaselukila mulinkako mumulilo abusi. Busi bwakaya kujulu mbuuli busi bwe ziba, alimwi chonse chilundu chakateketa changuzu. ¹⁹ Eelyo muzuzumo wamweembo niwakalila mujulu a mujulu, Mozesi wakaambula, alimwi Leza wakamusandula mujwi. ²⁰ Jehova waseluka muchilundu cha sinayi ajulu lyachilundu, alimwi wakayiisya Mozesi aajulu eelyo Mozesi wakayinka. ²¹ Jehova wakati kuli Mozesi,'' Inka aansi ukalabike bantu, chimwichiindi balamwayuula kuli Jehova kuti alange alimwi biingi babo bayonyonyoka. ²² Leka bapayizi kabiyo baza afwifwi andime balikkazike lwabo beni kulale- kabalibambilila lwabo kukuboola kwangu-kuchitila kuti nditakanyonyooni kwiminana ambabo.'' ²³ Mozesi wakati kuli Jehova,''bantu tabakoozape kuchilundu cha Sinayi, mbuuli mbuwatulayilila: kukubika migaano izyungulukide chilundu akukkala kulaale kuli Jehova.'' ²⁴ Jehova wakati kulinguwe,'' inka aansi ukeete Aloni ayebo, pesi mutachiti kuti bapayizi abantu bamwaye kuzwa akuza kuli Jehova, nikuba ulamwaya kwiminana abo.'' ²⁵ Eelyo Mozesi wakaya aansi kubantu akuyowambuulabo.