¹ Jetulo mujpayizi waku Midia, syayinazyala wa Mozesi ,wakamvwa zyoonse ezyo Leza nzyakachitila Mozesi abantu ba Isilayeli. Wakamvwa kuti Jehova wakagwisya Isilayeli kuzwa mu Igipiti. ² Jetulo syayinazyala wa Mozesi wakatolelezya Zipola, mwanakazi wa Mozesi, naakamaninsya kumujosya kumuunzi, ³ abana bakwe balombe babili, ⁴ izina lyawumwi mwana mulombe ngu Geshomu, nkaambo Mozesi wakamba kuti, '' Leza wabasikale bangu wakandigwasya wakandivuna kuzwa kupanga lya Falo. ⁵ Jetulo syayinazyala wa Mozesi,wakaza abo bana balombe ba Mozesi amwanakazi wakwe wabeeta kulinguwe Mozesi munkanda oomo mwakaliyakide muchilundu cha Leza. ⁶ Wakati kuli Mozesi, ''imebo ndisyanyokozyala Jetulo, ndiliikuboola kuli nduwe amwanakazi wako abana boko balombe babili. ⁷ Mozesi wakazwa waya kukuyoswanana asyayinazyala, wakakotama aansi akumumyonta. Bakajuzyania mpawo banjila aamwi mumusasa ⁸ Mozesi wakaambila syayinazyala zyoonse Jehova nzyaakachita kuli Falo akuba Ijipiti nkaambo kaba Izilayeli, atala aboonse buyumuyumu mbubakaswanana abo kabali munzila, a Jehova mbwakabavuna. ⁹ Jetulo wakakondelelwa atala aboonse bubotu Jehova mbwakachitila ba Isilayeli, bwakuti wakabavuna kuzwa mumaboko aba Ijipiti. ¹⁰ Jetulo wakati, ''Jehova ngalumbayizigwe, nkaambo wamuvuna kuzwa muma boko aba Ijipiti akuzwa kuluboko lwa Falo, wabavuna bantu kuzwa mukuboko kwaba Ijipiti. ¹¹ Lino ndaziba kuti mupati kwiinda kwiinda ba Leza boonse, nkaambo awo ba Ijipiti nibakapenzya ba Isilayeli chaluuni, Leza wakabafutula bantu bakwe. ¹² Jetulo syayinazyala wa Mozesi, wakeeta chipo chakutenta aachipayizyo kuli Leza. Aloni abapati ba Isilsyeli boonse bakaza kuzo susulaaamwi kunembo lya Leza aantomwe asyayinazyala wa Mozesi. ¹³ Mubuzuba butobela Mozesi wakakkala ansi kukubeteka bantu. Bantu bakayimikila nkabamuzyunguukide izuba lyoonse kuzwa kusenikoosika goko. ¹⁴ Syaayinazyala aaMozesin nakabona nzyakachitila bantu, wakati,'' niinzi eechi nchulikuchita kubantu? Nkaambonzi nukkala aansi awuikke mpawo bantu boonse balimvwi akukuzyunguluka kuzwa kuseni kusikila goko?. ¹⁵ Mozesi wakati kuli syayinazyala, ''bantu baza kulindime kuzobuzya malayilile aa Leza. ¹⁶ Chiindi nibaba aatwambo, balaza kuli ndime. Ndilaminununa akati kamuntu umwi: kuzwa kuli uumwi, mpawo ndilabayiisya imbeta amilawu ya Leza. ¹⁷ Syayinazyala aMozesi naakamba kuti kuli nguwe,'' nchaliikuchita tachili kabotupe. ¹⁸ Masimpe muyowizuuka, iwe abantu bali aanduwe. Ooyu mukuli mulemu kapati kulinduwe. Tuukonzyipe kuuchita iwebo akulike. ¹⁹ Ndiswiilizye. Ndilakupa nchenjezyo, alimwi Leza uyooba aamnduwe, nkaambo ulimwimikilili wabantu kuli Leza, mpawo ulayeta twaambo twabo kulinguwe. ²⁰ Weelede kubayiisya imbeta amilawu yakwe. Welede kubatondeezya nzila njibeelede kwenda ayoamulimu ngubelede kuchita. ²¹ Aatala azeezi, weelede kusaluuzya baalummi basimilimu kuzwa kubantu boonse, baalumi balemeka Leza, baalumi kasimpe basula mpindu iizwa mulweno. Welede kubabika kubantu kuti babe bazulwidi bazyuulu, myaanda , makkumimusanu, abakkumi. ²² Bayoobeteka twaambo tonse twabantu tubuka,pesi twambo tuyumu bayotweta kulinduwe. Lino twaambo tunini toonse, balabeteka bonya beni. Muleeyo inzila kuyowuba kulinduwe, alimwi bayokunyampuzya mukuli. ²³ Na wachichita eechi, alimwi naa kuti Leza wakulayilila kuti uchite oobo, alimwi uyokonzya kukukakatila, alimwi bantu boonse bayoobweda mumiinzi yabo kabakutikene. ²⁴ Aboobo Mozesi wakaswilizya majwi asyayinazyala alimwi wakachita zyoonse nzyaakamba. ²⁵ Mozesi wakasala bakozu kuzwa kuli ba Izilayeli boonse akubachita kuti babe basilutwe babantu, basilutwe bazyuulu, myaanda, makumi musanu abakumi. ²⁶ Bakababeteka bantu mbuli mbukwelede. Twaambo tuyumu bakatweta kuli Mozesi, pesi lwabo beni bakabeteka twaambo toonse tunini. ²⁷ Mpawo Mozesi wakachita kuti syayinazyala ayende, alimwi Jetulo wakajokela munyika yakulimbabo.