¹ Loonse luundu lwa Isilayeli lwakeenda kuzwa munkanda yazibi, bakutobelezegwa malayilile a Jehova. Bakalala ku Lefidimu, pesi tekwakali maanzi pe kuti bantu banywe. ² Nkinkako bantu bakanyoontokela Mozesi nkambo kabwiime bwabo kabati, ''Kotupa manzi akunywa.'' Mozesi wakaamba wati, Nkambonzi nimundikalalila ?'' ³ Bantu bakali anyota mpati, mpawo bakang'ung'una atala a Mozesi. Bakati, ''Nkamboonzi niwakatugwisya mu Ijiputi? Kuzotujazya inyota iswebo abana besu azivuubwa zyesu?'' ⁴ Aboobo Mozesi wakalayilia Yahuwe , ''Ino ndichite byeni abantu aaba? Baamba kulibambila kunditulula amabwe.'' ⁵ Yahuwe wakati kuli Mozesi, ''Yinka kunembo lyabantu, alimwi weende aabo bamwi basilutwe baba Izilayeli. Kobweza musako nguwakawumya mulonga, weende. ⁶ Ndiyoyimikila kunembo lyako mpawo awo abbwe lya Holebbu, alimwi uyowuma ibbwe. Manzi ayoozwa mulindilyo kuti bantu bakanywe.'' Mpawo Mozesi wakachita echi mumeso abasilutwe baba Izilayeli. ⁷ Obo busena wakabwita kuti Masahi a Mulibba nkambo kakung'ung'una kwaba Izilayeli alimwi nkambo kakuti bakasunka Mwami kabaamba kuti, ''Saa Yahuwe uli akkati kesu nakuti pepe?'' ⁸ Mpawo basilumamba babantu baba Ameleki bakeza balwanisya Izilayeli ku Lefidimu. ⁹ Aboobo Mozesi wakaamba wati kuli Joshuwa, ''Saluuzya baalumi muzwe anze mwende mubalwanisye ba Ameleki. Junza ndizoyimikila atala a kulundu a musuku wa Leza mujanza lyangu. ¹⁰ Aboobo Joshuwa wakalwana aba Ameleki mbuli Mozesi mbwakalayilila, awo Mozesi, Aaloni, a Huli bakaya atala a kukalundu. ¹¹ Awo Mozesi wakanyampwide maboko akwe mujulu, Izilayeli wakalikuzunda; awo naakali kuselusya maboko akwe kulyokezya, Amaleki wakalikusanguna kuzunda. ¹² Aawo maboko a Mozesi nakanoonga walemenwa maboko kunyampula, Aaloni a Huli bakaanyampula maboko akwe, muntu umwi kubbazu lyakwe limwi, awumwi kuli limbi ibbazu. Aboobo maboko aa Mozesi akali lulamikidwe kusikila kubbila kwezuba. ¹³ Aboobo Joshuwa wakazunda ba Ameleki a panga. ¹⁴ Jehova wakati kuli Mozesi, ''Lemba ezi mubbuku ubale Joshuwa kamvwide, nkambo ndiyozimania kuyeeyegwa kwaba Ameleki kuzwa kunsi lyamajulu.'' ¹⁵ Mpawo Mozesi wakayaka chipayililo akuchaamba kuti ''Yahuwe nintobo yangu.'' ¹⁶ Wakati, ''Nkambo kuboko kwangu kwakanyampulwa kuchuno cha Yahuwe - ikuti Yahuwe akatangune inkondo a Ameleki kuzwa kuzyalane akuzyalane.''