¹ Mpawo Jehova wakaambula kuliMozesi, kati, ² " Amba kubana Isilayelikuti belede kuleya akuyaka musasa kunembo lya Pi Hahiloti, akati kaMigidoli, alwizi, kabatana sika Bbalu Zefoni. Mukayake musasa ambali lyalwizi zilangane a Pi Hahiloti. ³ Falo uyowamba atalal abana Isilayeli, balikujontayila munyika. Nkanda yabajalila. ⁴ Ndiyoyumya moyo waFalo, alubo uyobaandila. Ndiyojana bulemu akaambo kaFalo abasilumamba bakwe boonse. Bana Ijipiti bayoziba kuti ndime Jehova. "'Mpo bana Isilayeli bakayaka musasa mbuli mbubakali balayililwa. ⁵ Elyo mwami nakambilwa kuti bana Isilayeli bachija, Miyeyo yaFalo ababelesi bakwe bakabukila bantu. Bakati, " Ino twachitanzi? Twangununa bana Isilayeli kukutubelekela." ⁶ Mpawo Falo wakabambila nkalaki zyakwe akubweza basilumamba bakwe anguwe. ⁷ Wakabweza nkalaki zilimyanda misanu, muyimwi isalidwe azimwi zyonse nkalaki zyaIjipiti, antomwe abasimilimo muzyonse. ⁸ Jehova wakayumya moyo waFalo, mwami waIjipiti, alimwi mwami wakaandila bana Isilayeli. Lino bana Isilayeli bakali beenda chakukondwa. ⁹ Pesi bana Ijipiti bakabaandila, antomwe ambongolo ankalaki, basimbongolo bakwe, abasilumamba bakwe. Bakabayinda bana Isilayeli kumusasa ambali lyaLwizi kubbazu lya Pi Hahiloti, kutana sika Bbalu Zefoni. ¹⁰ Elyo Falo nakasika afwifwi, bana Isilayeli bakalanga kunembo akugamba. Bana Ijipiti bakalikubatobela, alubo bakayowa. Ba Isilayeli bakalila kuliJehova. ¹¹ Bakati kuli Mozesi, " Akambo kakuti tatukwe tubanda na muIjipiti, ikuti utubweze kuti tuzifwide munkanda? Nkambonzi nuwatujata obu, kutugwisya anze lyaIjipiti? ¹² Ezi tazili nzizyo na nzitwakakwambila muIjipiti? Twakati kulinduwe, ' Tusiye atulike, kuti tubelekele bana Ijipiti.' Zyalikuba mbubo kulindiswe kubabelekela kwiinda kufwida munkanda." ¹³ Mozesi wakati kubantu, " Mutayowi . Mwime buuyo mubone kunwa kwanu oko Jehova nkwatamupe sunu. Nkambo takukwe nimuyobabona alubo bana Ijipiti aba mbomubwene sunu. ¹⁴ Jehova ulakumulwanina, alubo mwelede kuyoyima biyo." ¹⁵ Mpawo Jehova wakati kuliMozesi, ' Nkambonzi webo, Mozesi, nuswini kwiita kulindime? Ambila bana Isilayeli kuti baye kunembo. ¹⁶ Nyampula musako wako, tandabika ajanza lyakoatala lyalwizi akulwandula mububili kuchituila kuti bantu baIsilayeli biinde mulwizi anyika njumu. ¹⁷ Kazizibwe kuti ndiyoyumya myoyo yabana Ijipiti kuti bakatobele. Ndiyojana bulemu ankambo kaFalo abasilumamba bakwe, nkalaki zyakwe, abasimbongolo bakwe. ¹⁸ Mpawo bana Ijipiti bayoziba kuti ndime Jehova elyo ndakujana bulemu nkambo kaFalo, nkalaki zyakwe, abasimbongolo bakwe." ¹⁹ Mutumwa waLeza, oyo walikwenda kunembo lyankamu yaIsilayeli, wakazwa akuya kusule lyabo. Musumpululu wajoba wakeenda kuzwa kunembo lyabo akwima kusule lyabo. ²⁰ Ijoba lyasika akati kamusasa waIjipiti amusasa waba Isilayeli. Lyakali joba lisiya kubana Isilayeli, kuti limwi bbazu telyakaza afwifwi alimwi busiku boonse. ²¹ Mozesi wakatandabika janza lyakwe atala lyalwizi. Jehova wakachunda lwizi lwaboola amuuwo mupati wakujwe busiku boonse obo akuchita lwizi kuba nyika njumu. ²² Munzila eyi manzi akapambukana. Bana Isilayeli bakeenda akati kalwizi anyika njumu. Manzi akabachitila bulambo kululyo lwabo akulumwensi lwabo. ²³ Bana Ijipiti bakabaandila. Bakabatobela kusika akati kalwizi - mbongolo zyonse zyaFalo, nkalaki, abasi mbongolo. ²⁴ Pesi muzyiindi zyachifumo, Jehova wakalanga ansi alibasilumamba baIjipiti kwinda mumusumpululu wamulilo ajoba. Wakaleta kuyowa akati kabana Ijipiti. ²⁵ Mavili ankalaki zyabo zyakajatwa, abasimbongolo bakeenzya abuyumu. Mpo bana Ijipiti bakati, " Atuchije, kuzwa ku-Isilayeli, nkambo Jehova ulikubalwanina kulwisya ndiswe." ²⁶ Jehova wakati kuliMozesi, "Tandabika janza lyako atala lyalwizi kuchitila kuti manzi nga alabweda atala lyabana baIjipiti, nkalaki zyabo abasimbongolo babo." ²⁷ Mpo Mozesi wakatandabika janza lyakwe atala lyalwizi, akubweda kubube bwaloelyo nikwaba kuseni. Bana Ijipiti bakachijala mulwizi, alubo Jehova waka baandila akati kalwizi bana Ijipiti. ²⁸ Manzi akabweda akuvumba nkalaki zyaFalo, basimbongolo, abasilumamba boonse bakatobede angolo mulwizi. Takwe umwi wakafutuka. ²⁹ Nikuba obo, bana Isilayeli bakeenda anyika njumu mukati kalwizi. Manzi akali bulambo bwabo kululyo lwabo akulumwensi lwabo. ³⁰ Jehova mpo wakafutula bana Isilayeli buzuba obo kuzwa kujanza lyabana Ijipiti, alimwi bana Isilayeli bakabona bana Ijipiti bafwide kumbali lyalwizi. ³¹ Elyo Isilayeli nakabona nguzu mpati Jehova nzyakabelesya kulwisya bana Ijipiti, bantu bakalemeka Jehova akusyoma muliJehova akumulanda wakwe Mozesi.