¹ Mwe bagalatiya wakupusa, wenu bo abaloga imwe, uyesu akalongozgeka pawuzeru akupajikwa pa mphinjika ? ² Ichi cho nkhwanza mumbuzge fwandi mukapocherera umuzimu umuzeru chifukwa chakusunga malamulo pamo chifukwa chakugomezga amakani aminza ? ³ Fwandi mo kubereye ukupusa kwinyu ? pakuba nu muzimu ubwa chiuta mukamba nu umoyo upya fwandi mukughanaghana ukuti ungaba u umoyo uwakufikapo nanthi mukubombera muvyamumubiri? ⁴ Fwandi vyonsi vyo vikabagwira vikawa vya bwerere nanthi imwe mukupima ukuti vikaba vya bwerere ? ⁵ Nanthi uchiuta akabapa imwe umuzimu umuzeru nukuchita ivyaminthondwe mukasi mwinyu fwandi akavichitira munchito zga malango zgo mukalondolaga pamo chifukwa chakwivwana na makani aminza. ⁶ Ngati mo amalemba gakunenera ukuti u abulahamu akivwana nu chiuta po ichigomezgo chikamupanjiska kuti mulunji. ⁷ Bunuwo mo kuwereyeso nimwe buwo mukwenera ukumanya ukuti abana ba abulahamu awenecho wo awa wali ni chigomezgo. ⁸ Amazwi pakunena nzira gakuti chiuta ayukuwalunjiska awamitundu muchigomezgo po nomba amalemba gala gakapalazga amakani aminza agakwa abulahamu po itafisile inyengo yila gakati,' Amitundu gonsi gaya kutumbikika mwiwe. ⁹ po nomba banthu wachigomezgo bo wakukumana wakwaga ichitumbiko ichi nu abulahamu wo wakwivwana. ¹⁰ Kweneso wonsi wo wakuwika umoyo wawo pakwivwila malango wakutembeka, chifukwa amalembo gakuti, wakutembeka wonsi wo akupotwa kusunga nukwira konsi ko kalembisile mu malango. ¹¹ Amalango gatakumanya ukulunjiska umunthu pamaso ga chiuta chifukwa amalemba gakuti, umulunji akwaga umoyo mukugomezga. ¹² Po ichigomezgo chitakwimilira mumalango awe ukwene ngati mo amalemba gakunenera ukuti, umunthu yonsi yo akuchita chonsi cho amalango gakwanza inkhalo yakwe yonsi yikulandata munumo. ¹³ Ukwene u christu pakuzgoka kuwa nthemberelo chifukwa chiswe atuwomboye kunthembo go amalango gakutusendera, ngati mo amalembo gakunenera ukuti wonsi wo wamupajikwa pikwi wakutembeka. ¹⁴ U christu akapajikwa pikwi umwakuti cho uchiuta akapanga nukumupa abulahamu chibinzire wamitundu mwa christu yesu po iswe nase muchigomezgo tupochere umuzimu wo uchiuta akapanga nukutipa ¹⁵ Mwe wamwitu, leka njerezgere nacho chikuloreka muwanthu inyengo inyinji, nanthi awanthu wabiri wakupangana ipangano nukusayina amazina gawo pate nayumo wo angafwantha ilamulo lira, ¹⁶ Nomba kuyanana na malembo amapangano gakaperekeka kwa aburahamu ni mphapo yakwe pakunena ukuti imphapo yakwe te ko kuti wakanena awanthu awinji ,ukwene boka bwa christu. ¹⁷ Cho nkhung'anamula ukuti, akachita ipangano po akapangana ukulifiska, amalango go gakinza pisinda pa vyaka 430 gatakamanya kufwantha ipangano lira awe nukuzimya ipangano ilya chiuta. ¹⁸ Chifukwa cho uchiuta akatwara nanthi chikimiliraga pa malango te lyo chikawaso cha pangano awe ukwene uchiuta akamupa u aburahamu chifukwa akapangana nawo. ¹⁹ Fwandi choni cho amalango gakatwalika? amalango gakasanzizgapo ,mo ukwananga kubereye, gakawa ganyengo yakuchepa bulo mupaka yinza imphapo yo uchiuta akapanganilamo, amalango gala gakaperekeka ni nthumwi izgakumwanya po pakabapo umunthu wo yikawa nkhamba. ²⁰ Inkhalamba itakwanzika awe nanthi pali umunthu woka ukwene po pali uchiuta woka. ²¹ Nomba fwandi amalango gakwimikanaso na malango ga chiuta ? awe. chifukwa nanthi gakatwalikaga amalango go gakumupa umunthu umoyo ipo fwandi umunthu yula wakulunjiskika kwa chiuta na malemba. ²² Kwene amalembo gawawisile wonsi mu gadi chifukwa chakwananga umwakuti wo wakwivwana wapochere ipangano lyo uchiuta akutwara chifukwa chachigomezgo mwa yesu christu. ²³ Lyo ichigomezgo chitinzire amalango gakatuwika mu ukayidi kufichira munyengo yo yikwinza ukuvumbuchira ichigomezgo ichi ²⁴ Wunuwo amalango gakawa mulinda withu kufichira afika uyesu umwakuti nichigomezgo tuew swe wakulunjiskika mwa chiuta ²⁵ Kwene nomba pakuti chigomezgo chafika tutaliso pansi pamulinda awe ²⁶ Chifukwa nanthi muli ni chigomezgo mwa yesu mwensi mukuzgoka kuwa wana wa chiuta. ²⁷ Mwensi mwe mubatizichiye mwa yesu po uyesu azgoskile ukuwa ichakuzwala chinyu ²⁸ Mwichi patali mphambano pakasi pa wayuda na wamitundu pakasi pa wazga na wanangwa pakasi pa banavuli na banthanda ²⁹ mwensi imwe muli woka mwa christu ipo mwe mphapo ya aburahamu po mukwinza ukupocherera chonsi cho akapangana kuwapa.