¹ po pati pamala ivyaka 10 ni vinayi nkhabukaso ku yerusalemu nu barnabasi poka nu tito. ² Nkhabuka kula chifukwa cha vyo nkhennya ukuti amakani aga nkhwenera kupalazga ku abanthu abamutundu ubunji. Nkhanena kubokaboka ku bo bakaba ngati bakuzirwa ukuti inenerezge ukuti umulimo ubu nthabomba pabulo. ³ Ukweneso ni tito bulo bo akaba nine bo akabaso mu giliki akachichizgika ukuti bamukotole. ⁴ Po abapusikizgi wakinza umwakuvwamavwama ukuti binze wennye ubwanangwa bo tuli nabo mwa yesu chrisitu. bakanzaga ukuti batupanje iswe kuba bazga, ⁵ Ukwene tutakitichizga nukuvwira vira pakanyengo ukuti ubuneneso ubwa amazgu amazima bube nimwe. ⁶ Nkhunena ukuti bo bakalolekaga bakuzirwa mulimonsi mo bakabila vitakaba nimbombo kwine pakuti umulungu atakuseba bo nkhanenaga ukuti bakuzirwa batakang'anamula nachimo kwine. ⁷ Abene pakwennya bakalora ngati ukuti ndi namazwi ku bakukotoleka, ngati mo upetulo akapocherela amazwi ku bakukotoleka. ⁸ Pakuti uchibuta bo akabomba mwa petulo pa bu positoli kubakukotoleka, akabombaso kwine ku bamitundu. ⁹ Lyo uyakobe, nu sefasi nu joni bo bakaba ni mbili ngati mapilala bati bennya ubwira bo bukapika kwine bakatwala inyobe yabo iya malyero iyawupoka kwa Banabasi ni nine. bakitichizga ukuti tuye ku bamitundu nakuti abene baye ku bakukotoleka. ¹⁰ Bakapempha ukuti tukumbuchile abakavu, ichinthu cho nani nkhanzaga nakale ukuchita ukuchita. ¹¹ Ukwene u cefaphas lyo ayinza ku ANTIOCH, nkhamususya pamiso gakwe chifukwa akasusyika. ¹² Lyo batinzile abanavuli bamu ukufuma kwa yakobe, cephas akalyanga na bamitundu, ukwene lyo binza abanavuli bamo akaleka nukufumako ku bamitundu. akanyilaga bala bo bakanzaga ubukotoli. ¹³ Po eso aba YUDAH binji bakinjira mu upusikizgi ubu. nu BANABASI bulo wope akapusikika nu bupusikizgi wabo. ¹⁴ Lyo nati nalora inkhalo yawo yitakalondolaga u bunenesyo ubwa mazgu nkhanena kwa cephas pamiso ga bonsi,; nanthi we muyuda ukwene ukwikala ngati we wamitundu ungabachichizga bulibuli aba mitundu ukuti babanje ngati bayuda ?,;. ¹⁵ Iswe swe bayuda pakupapwa ukupambana na bakwananga aba mitundu, ¹⁶ Ukwene tukumanya ukuti pate nu munthu yo akuba muzeru ni ntchito izgachilamulo ukwene muchigomezgo mwa yesu mu chi christu, nukuti ukwinzira mu ntchito izgachilamulo umunthu atakulungamiskika awe. ¹⁷ Pakuti iswe nanthi tukwanza kuti tube swe binza muchuilamulo tukwajikwaso ukuti swe bakwananga, ka u christu u mutumiki uwakwananga te momumo awe ? awe. ¹⁸ Pakuti ivi vyo nagumula navimangaso nkhusimichizga neka kuti ne wakwananga. ¹⁹ Pakuti ine kwi lamulo nafwa ukuti imbe nu moyo mwa chiuta. ²⁰ Nkhapajikwa poka nu yesu pa mphinjika ukwene ne wamoyo, te nene awe ukwene u christu ali nu umoyo mwine, ukwene ubumoyo bo ndi nabo mu mubiri, ndi nabo mu chigomezgo icha mwana wachiuta wo akanthemwa nukuyitwara weka chifukwa chine. ²¹ Nthakuchisenda ubwira ubu bwabulo pakuti nanthi umunthu akuba mwinza ni chilamulo u chiristu akafwa pa bwerere.