¹ cho nkhunamula chakuti, umwana angawa mulindiliri wavyuma vyonsi kwene po achili munsi atakupambana nu muzga awe nanga buli umwenecho wavyonsi. ² Po uwene achili munsi wakuwako awanthu wo wakumupwererera nukusunjirila ivinthu vyakwe mupaka inyengo yikwane yo uyise akapima. ³ mwichi iswe nase tukawa tuchili wana wansi tukawa wazga wa malango ga wanthu. ⁴ Kwene nyengo yikati yafikapo uchiuta akatuma umwana wakwe uwakupwapwa nu mwanthanda po akapapwa pansi pa malango. ⁵ Kuti awawombole wo wakaba pansi pa malango umwakuti tuzgoche ukuwa wana wa chiuta. ⁶ Pakulongozga kuti mwe wana wakwe u chiuta atumile mu moyo ginyu umuzimu uwa mwana wakwe uwakupundilizga ABBA ko kuti baba. ⁷ Mwichi te kokuti we muzgaso awe kwene we mwana nanthi we mwana po pakuyana nakachitilo ka chiuta uliso we mulindiliri ⁸ Kwene kale po mutakamumanyaga u chiuta mukawa wazga kuwa chiuta wo watakawa wachiuta wenecho awe. ⁹ Kwene nomba pakuti mukumanya u chiuta pamo inthi pakuti nomba mukumanya uchiuta akuwamanya imwe kwawilachi nomba ukuti muwerelaje werelaje mu mizimu yamuchalo yo yabwerere iyambulaso na maka kachifukwa uli mukwanzaso ukuwa wazga awamizimu yino? ¹⁰ Mukuwika amazuwa agakuseweka imyezi ni nyengo nukutiso nivyaka, ¹¹ Mukunyizga hee nanthi nkhwennya ukuti ukutokatoka kwane mukati mwinyu kukuwa ngati kwa bwerere, ¹² Mwe wamwitu nkhuwapempha kuti mukikaliro kinyu muwanje ngati nene pakuti ine nane ne munthu ngati mwemwe mutananjiyepo akanthu awe. ¹³ Mwensi mukumanya ukuti ukawa ulware wa mubili bwane wo wukampha umwawi ukuti nambe kupalazga amazwi yinza kwimwe, ¹⁴ Ukwene mutakanjuyura awe pamu kunkhana awe napo uli kawilo kamubili bwane kakazgola ngati kuwa chiyezgo kwimwe ukwene mukamphochelera ngati thenga lya chiuta mukamphocherera ngati mo mukapocherera u yesu mukawa wakukondwa nkhani ¹⁵ kwene nomba kwawachi ? ine ningawanena ukuti chiwanje cha machitiko lyo mukakolowola namisno ginu wuwo mumphe ine. ¹⁶ Fwandi nomba nazgoka kuwa mulwani winyu pakuwawuzga unenesko ? ¹⁷ Walwani wane wakukondwera nimwe kwene amano gawo te minza, wakwanza kuwafumyako kwine ukuti ninyota kukondwera nimwe. ¹⁸ Amanda gonsi nchindi inkhulu ukuti awanthu wawe nu mwamphu uwukulu ukukondwera mwimwe nanthi pali chifukwa ichakwenerera nchindi te peka po ndimwe awe. ¹⁹ Mwe wana wane nawa ngati mwanthanda wakwivwa ivyakuwawa pakupapa umwana ndi nivyakuwawa ivikulu asuche uyesu alenjeke mukasi mwinyu. ²⁰ Nanzaga ukuti imbmwinyu ukuti nsinthe akanenero kamazwi gane amahala gakumala chifukwa chimwe. ²¹ Mumbuzge nomba mwe wenecho mwe mukunweka nkhani kuwa pakasi pa malango ka mutakwivwa vyo amalango gakunena, ²² Chifukwa amalembo gakuti aburahamu akawa na wana wanavuli wawiri yumo akapapwa mu mwanthanda muzga yumo akapapwa nu mwanthanda mwanangwa. ²³ Umwana uwa mwanthanda umuzga akapapwa ngati mo awana wonsi mo wakupapwa ukwene umwana uwa mwanthanda umwanangwa akapapwa chifukwa chifukwa cha pangano lya chiuta ²⁴ Ichi tungachisenda kuwa chiyelezgero awanthanda wawiri awa mapangano gawiri lyoka ilya pangano aga likufuma mwigamba ilya sinai po awana wakwe wakupapwa wazga. ²⁵ Uhagala akwimilira mu malo ga igamba lya sinai lyo liri mu chalo cha alebiya cho chiyerezgero cha chikaya chi relo icha yerusalemu wo ali muuzga poka na wanthu wakwe ²⁶ Ukwene u yerusalemu uwakumwanya mwanangwa wo mwana witu ²⁷ chifukwa amalembo gakuti,, secherera iwe chumba we iwe utakapapapo awe pundilizga pakwimba nukubangula nkhani we iwe utinjiyemo muvyakuwawa vya pakupapa, pakuti awana awa mwanthanda akuyikalira weka wakwinza ukuwa winjinkuluska wo wali pa nthengwa ²⁸ Kwene imwe mwe wamwitu mwe wana wapangano lya chiuta ngati mo akawira u yisake. ²⁹ Ngati mu manda gala wo akapapwa ngati wana wonsi akamuchimbizgaga wo akapwapwa ni pangano lya chiuta mo kubeleye na nomba wulo. ³⁰ Kwene nomba malemba gakuti wuli ? umuchimbizge umwanthanda umuzga uyo nu mwana wakwe wuwo chifukwa umwana uwa mwanthanda muzga uyo atangawa muhalili poka nu mwana uwamwanthanda umwanangwa awe. ³¹ Mwichi te swe wana wa mwanthanda muzga awe kwene swe wana wa mwanthanda mwanangwa.