¹ Magnambara ny marigny ao amin'i Kristy zaho. Tsy mavandy zaho, ary ny eritreritry enaha no vavolombelogno miaraka aminaha ao amin'ny Fagnahy Masigny, ² fao hozy zaho dia misy alahelo gaida aveo fahoriagna tsy mijanogno ato am-pô naha. ³ Fao afaka nagniry zaho fao zaho dia ho voahazogno kay hiataka amin'i Kristy noho ny amin' reo rahalahiko, reo zay araiky firazagnagna aminaha araka ny nôfotro. ⁴ Zareo dia Israelita. Zareo dia managna fanagnagna, ny vogninahitry, reo fagnikaihagna, ny fagnomiazan'ny lalàgna, ny fidairagna Zagnahary, ary reo fampanantenagna. ⁵ Nihi-jareo dia reo razagna zay nahatonga an'i kristy ho tonga nôfotro, Izy zay Zagnahary ambonin'ny jiaby. Hidairaigny mandrakizay anie Izy. Amena. ⁶ Fao tsy foagna reo zay nampanantenain-Jagnahary. Fao tsy zay jiaby avy agny israely no tegna an'Israely. ⁷ Na reo tamingan'i Abrahama jiaby no tegna zanany. Fao: "Amin'ny alalan'ny Isaka no hagnantsaovagna reo taminganao." ⁸ Zany hoe, reo zanaky ny nôfotro dia tsy zanaka Zagnahary. Fa reo zanakin'ny fampanantenagna no raisigny ho taminga. ⁹ Fao otry zao ny volagnan'ny faampanantenagna: " Amin'zany fotoagna zany dia ho avy Zaho, ary hamiagna zazalahy Saraha." ¹⁰ Tsy zany fogna, fa avy eo koa Rebeka hanan-janaka amin'ny lalahy araiky, Isaka babantsika_ ¹¹ fa mbôla tsy tairaka aby reo zaza ary mbôla tsy nagnano raha tsara na ratsy, mbô ho marigny ny tanjon-Jagnahary araka ny fisafidianagna, tsy noho reo asa, fao noho Izy zay magnantso_ ¹² nagnambara tamin'ny vaiavy hoe: "Ny zokiny dia hanompo ny zandriny." ¹³ Zany dia hotry zay voasaoratra hoe: "Jakoba tiako, fa Esao halako." ¹⁴ Ino ary no ho hivolagnintsika? Misy tsy fahamarinagna moa miaraka amin-Jagnahary? ¹⁵ Tsy hisy lasite zany. Fao ho Izy tamin'i Mosesy hoe: "Hamindra fô amin'zay tiako hamindragna fô zaho, aveo haforaigny reo zay tiako hafiraignàko zaho." ¹⁶ Noho zany aveo, dia tsy noho izy mikasa zany, na noho izy zay miazakazaka, fao noho Zagnahary, zay nagnaboaka ny famindram-pô. ¹⁷ Fao ny Soratra Masigny nagnambara tamin'ny Farao hoe: "Fa noho zany antony zany no nagnandratako anao, mbô hagnaboahako aminao ny angôvo anaha, ary mbô hagnamabaragna ny agnaragna naha eran-tany. ¹⁸ Noho zany, Zagnahary dia mamindra fô amin'zay tiany hamindragna fô, ary zay tiany hamafisigny fô, no hamafisin'ny fô. ¹⁹ Avakeo hagnambara aminaha areo hoe: "Nagnino no mbôla mahita tsigny fogna Izy?" Fa zôvy no mahatohitry ny sitrapôny? ²⁰ Mifanohitry amin-jany, ralelilahy, zôvy moa anao no mamaly manohitry Zagnahary? Moa zay afa nivolivolaigny hagnambara amin'ny mpamolavola zany hoe: "Nagnino no nataonao karaha zao zaho?" ²¹ Moa ny mpanefy vilagny tsy managna zo amin'ny tanimanga kay ny vongany araiky fogna no hagnamboaragna fipitrahagna amin'ny andro votaokgna, ary fipitrahagna araiky hafa amin'ny andavanandro? ²² Akôry raha zagnahary, zay tiahagnaboaka ny fahatezairagna ndraiky hagnambara ny fahefany, no niaritry tamim-paharaitagna reo fipitrahan'ny fahatezairagna monigny ho amin'ny fahasimbagna? ²³ akôry raha natany zany mbô hagnambaragna ny hariagnany vogninahitry eo amin' reo fipitrahan'ny faminfdram-pô, zay afa nomanigny mialaoha ho amin'ny vongnahitry? ²⁴ Akôry raha natany ho antsika koa zany, zay antsôviny foagna koa, tsy ho eo amin'ny Jiosy fogna fao hoe amin'ny reo Jentilisa fogna koa? ²⁵ Araka zay nambarany tao amin'i Hosea fogna hoe: "Hantsôviko hoe ôlogno anaha zay tsy ôlogno anaha, ary hoe tiany lehy tsy tiany. ²⁶ Avakeo dia agny amin'ny zay nagnambarany tamin-jareo hoe: "Tsy ôlogno anaha areo,' agny no hagnantsaovagna zareo hoe: "Zanaka Zagnahary velogno." ²⁷ Isaia nagnantso mafy ny amin'Israely hoe: "Izy koa otry alagnagna amin'ny ranomasigny ny hisan'ny zanak'israely, dia ho voavonjy izy ndraiky ambiny, ²⁸ fao ny Tompo hitondra ny volagnany eto an-tany, feno ary tsy ho aila." ²⁹ Araka ny nivolagnin'Isaia mialoha hoe: "Raha ny Tompo tompon'ny maro no tsy nagnambaila taminga ho antsika, dia hitôvy an'i Sodoma atsika, ary hanjary otry Gomora." ³⁰ Ino ar no hivolagnintsika? Fa reo Jentilisa, zay tsy nizaha ny fahamarinagna, no nahazo ny fahamarinagna, zay fahamarinagna avy tamin'ny finoagna. ³¹ Fao israely, zay nizaha ny lalàn'ny fahamarinagna, dia tsy tonga tamin'zany. ³² Nagnino moa? Satria zareo tsy nizaha zany tamin'ny finoagna, fao tamin'ny asa. Tafintohignin'ny vaton'ny fagnafintohinagna zareo, ³³ araka zay afa voasaoratra hoe: "Zahavo, ao Ziona no agnambilako ny vaton'ny fanafintohinagna ndraiky tsangambaton'ny fandikan-dàlagna. Zay mino zany dia tsy ho maingatra.