¹ Halaiva jiaby malemy amin'ny finiagna, kaza mitsara mikasiky fanohoanan-kevitra. ² Olo araiky managna finoagna hihinagna raha jiaby, fa araiky malemy tsy mihinagna izy koa tsy legume. ³ Zegny mihinagna raha jiaby, alo izy tsy hagnaratsy zegny tsy mihnagna raha jiaby; bako zegny olo tsy mihinagna raha jiaby tsy hitsara koa irô olo mihinagna raha jiaby. Fa zagnahary efa nagneky izy. ⁴ Azovy mba anao, anao mitsara mpanompo'olon-kafa ? Eo alohan'ny Tompony izy mitsangana na lavo. Fa hatsangana izy, fotony Tompo afaka manangana izy. ⁵ Olo araiky miheritreritry fa misy andra tsara ankoatran'ny andra hafa. Olo hafa koa miheritreritry fa mitovy fo andra jiaby. Ambila olo tsiaraikiaraiky ho resy lahatra araka saigniny. ⁶ Zegny mitandrigny andra, mitandrigny zegny ho an'ny Tompo; bako zegny mihinagna ho an'ny Tompo; izy koa mankasitraka ndRagnahary. ⁷ Tsisy miaigny amin'ny vatagnanany atsika, bako tsisy maty ho an'ny vatagnanany. ⁸ Izy koa miaigny atsika, miaiagny ho an'ny Tompo, izy koa maty atsika, maty ho an'ny Tompo. Dikany zegny na velogno na maty atsika, nihin'ny Tompo. ⁹ Baka amin'ny antony zegny nahafatesan'i Kristy draiky nahavelogno Izy, mba haviany sady Tompon'ny veelogno. ¹⁰ anao nagnino mitsara rahalahinao ? Bako anao malaigny rahalahinao ? Atsika jiaby mbola hitsaraigny alohan'ny sezy fitsaran-dRagnahary. ¹¹ Efa voasoratra : "Izy koa mbola velogno Zaho", Nambaran'ny Tompo, "hiforitry io alohako lohaliky jiaby, bako lela jiaby hihira ndRagnahary." ¹² Dikany zegny atsika tsiaraikiaraiky, hagnano tatitry ny vatany io amin-dRagnahary. ¹³ Kay, alo atsika tsy hifampitsara feky, aleo miheviry, tsy hasigny fandavoagna na fandriky io alohan'ny ralahiny. ¹⁴ Mahay zaho, bako resy lahatra amin'ny Tompo Jesosy, fa tsisy tsy madio amin'ny vatany. Fa zegny mangala raha jiaby tsy madio zegny aminany. ¹⁵ " Fotony izy koa anao malahelo baka amin'ny hanigny rahalahinao, tsy mandeha am-pitiavagna feky anao. Aza robatigny baka amin'ny hanigninaro, iro raha jiaby namoizan'i Kristy aigniny. ¹⁶ Kaza magnambela zegny raha herisetreretinaro tsara, andeha haratsiagna. ¹⁷ Fa fanjakan-dRagnahary, tsy momba hanigny draiky rano figiagna, fa momba fahamariagnana, fiadagnana, bako firavogna ao amin'ny Fagnahy Masigny. ¹⁸ Zegny manompo Kristy arak'izegny, ankasitrahan-dRagnahary bako iken'olo. ¹⁹ Dikan'izegny, alo atsika hiezaka hitady raha mikasiky fiadanagna draiky momba fifampandrosoagna. ²⁰ Aza rombatigny baka amin'ny hanigny, asan-dRagnahary. Tegna madio raha jiaby, fa ratsy amin'olo mihinagna izy bako mampameloko izy. ²¹ Tsara izy koa tsy mihinan-kena na tsy migiaka divay, na raha jiaby tokony hampameloko ralahinao. ²² Finoagna anagnanao, hakajia ao aminao draiky amin-dRagnahary. Sambatra zegny tsy mampameloko vatany amin'izegny raha ekeny. ²³ Zegny misalasala, meloko izy koa mihinagnay fotony tsy tamin'ny finoagna. Bako izay raha jiaby tsy baka amin'ny finoagna dia fahotagna.