¹ Alô zegny olo jiaby samby hagneky fa maventy fahefagna zegny. Tsisy fahefagna eky koa fa tsy baka amin-dRagnahary. Aviô, fa voatôndron-dRagnahary irô manam-pahaifagna jiaby misy. ² Dikany zegny, zaigny tsy magneky fahaifagna zegny miragna tsy magneky didin-dRagnahay; kay hahazo fitsaragna amin'ny irô zaigny tsy magneky didy na fahaifagna zegny. ³ Fôtony ny mpanapaka tsy avozoandrô magnano asa tsara, fa irô magnano asa ratsy fo. Magniry tsy havozo ikambagna amin'ny fahaifagna mba anarô? Magnanaova ra manjary fa hideraigna amin'ny zegny anao. ⁴ Mpanompon-dRagnaharinarô amin'ny tsara izy. Fa anarô ndraiky koa ra tsy manjary, mila mailo, fôtony izy tsy mitondra fahasambaragna aminarô koa fa amin'ny ra ratsy. Fa izy mpanompon-dRagnahary mpamaly ny ratsy amin'ny olo magnano ra tsy manjary. ⁵ Dikany zegny tôkony hankatoa anarô, tsy amin'ny heloko fo, fa amin'ny fieritreretagna koa. ⁶ Dikany zegny, magnaifa hetra koa anarô. Fa mpanompon-dRagnahary irô manam-pahefagna, araiky miandraikitry ra zegny tsisy farany. ⁷ Ifaiha amin'olo tsy araiky araiky ra toky nindrô: magnifa hetra amin'ny olo tokony agnifagna izy; magnifa fadin-tseragnana amin'ny zaigny tokony agnifagna izy; magnajà zaigny tokony mety ajaigna. ⁸ Kaza magnano misy traosa na aminjovy na aminjovy, ankoatrany fifankativagna. Fa zaigny tiamagnodidigny izy nahavoaboaka lalàgna: ⁹ Maro irô didy: "Aza mangala-badin'olo, aza mamono olo, aza mangalatra, aza magniry," izy koa misy misy didy hafa ankoatrany irô igny, fehezan-teny ty mavoafehy izy: "Tiava namanao kara fitiavanao taignanao." ¹⁰ Tsy mandratra magnodidigny fitiavagna zegny; dikany zegny, fitivagna fahatantern'ny lalàgna. ¹¹ Dikany zegny, ainarô fotoagna, fa laira hifoazanarô amin'ny tôromaso ziôty. Amiziôty fa tsy lavitry fagnavaotagna araiky ninoantsika retsy tamin'ny voalohany igny. ¹² Avy aligny, magnantogno andra. Dikany zegny, alô ariagna agny asany setoany jiaby, aviô alô atsika andaiha hitafy fiadagna. ¹³ Alô andaiha amin'ny làlagna mihitsy, kara atao mandaiha amin'ny andra matsagna igny, fa tsy kara irô ravoravo tsy ampahedraigna na amin'ny hamamoagna igny; fa alô tsy andaiha amin'ny fahavaitavaigna na amin'ny filàgna tsy voatana ndraiky amin'ny fifanohairagna na amin'ny hafanam-po. ¹⁴ Fa magnara an'i Jesosy Kristy Tompo aviô aza magniraka nofo hahantatairaka filàgna.