¹ Zaho mangataka aminarô zegny ralako nohon'ny famindram-pon-dRagnahary, mba hanolotra ny vatagnanarô ho sôrôgno masigny sady eken-dRagnahary. Araka ny tôkony izy fanompoanarô. ² Aza magnaraka fanaony izao tontolo izao, fa miövà amin'ny fagnavaozagna ny saigninarô, mba hamantaranarô tegna sitrapon-dRagnahary tsara sady ankasitrahany, marigny. ³ Nohon'ny fahasoavagna namiagna zaho, agnambarako amin'olo jiaby aminarô. fa tsy tôkony hanagnanarô menimeny agnambon'ny tegnany mihoatra ny tôkony ho eritreretiny. Fa izegny ndraiky, tôkony eritreretriny am-pahendregna irô iô, karah nagnamaizan-dRagnahary lanjam-pinoagna ny tsirairay. ⁴ Fa managna rantsagna maro amin'ny vatagnatsika, ⁵ kanefa tsy mitovy aby ny asan-ndrô rantsagna iô. ⁶ Managna ny fanomezam-pahasoavagna samihafa atsika,arakany fahasoavagna. ⁷ Raha ny faminaniangna ny fagnamaignazagna ny fahasoavagna. Kay atao araka ny haben'ny finoagnany. Raha ny fanompoagnany fagnamaizagnam-pahasoavagna, kay aoka atao izy hanompo. Fa raha nisy olo araiky nahazo fanomezam-pahasovagna hampianatra,aoka izy hampianatra. ⁸ Raha ny fampaherezagna ny fanomezam-pahasovagna araiky, aoka izy hampahery.Raha magnamia ny fanomezam-pahasoavagna araiky, aoka izy agnano izay ampelatagnanany. Raha ohatra hitarika ny fanomezam-pahasoavagna araiky, kay aoka izegny ho vita am-pitandremagna. Raha agnaboaka fangoraham-po ny fanomezam-pahasoavagna araiky, aoka izy ho vita hampiravoravogna. ⁹ Aoka ny fitiavagna tsy hisy fitsaram-belatsihy. Mankahalà ny ratsy; mifikira mafy amin'ny tsara. ¹⁰ Mifankatiava mitova amin'ny mpirahalahy; mifankatiava aby anarô tsy araiky araiky, mifagnamezam-boninahitra ary mifagnajàha. ¹¹ Mazotoa, fa kaza kamo, Aoka hafana fo amin'nyfanompoagna ny Tompo. Mifalia amin'ny fahatokiagna hanagnanao mômba ny ho avy. ¹² Maharetà amin'ny probleminao jiaby. Mivavaha hatrany. ¹³ Mifampizarà amin'ndrô mpino. Mitadiavà fomba maro mba hahatonga olo hiditry an-tragnônao. ¹⁴ Misaôra amin'ndrô olo magnenjiky anao; misaôra salakady aza magnozogno. ¹⁵ Mahaizà miaraka mifaly amin'ndrô olo ravoravo koa miarahà mitomoangny amin'ndrô mitomoangny. ¹⁶ Mitovia fisaignana amin'olo tsy araiky araiky. Aza misaigna amin'ny fomba fireharehagna, fa ekeo irô olo ambany. Aza mihevitry tegnanao tegna misy jery. ¹⁷ Aza mamaly ny ratsy. Magnanaôva zaka maro tsara amin'ny mason'olo jiaby. ¹⁸ Raha azo atao, mivavaha hoan'olo jiaby, arak'izay vitanao. ¹⁹ Aza mamaly ny ratsy tegnanarô, fa amaizà lalagna ny fahatezeran-dRagnahary. Satria efa voasoratra tagny: '"Ninaka ny vali-faty, donc zaho hamaly izy; nambaran'i Tompo." ²⁰ Izy koa mosâry ny fahavalonao, aza misalasala eky fa amaiza anigny izy.raha mangetaheta izy,amaiza rano higiagna izy. Raha ohatra nagnano zegny anao hamoro ny vain'ny môtro anambo ny lohany." ²¹ Reseo amin'ny tsara ny ratsy fa aza mety resen'ny ratsy