¹ Niala tamin`ny toeragna tio aminjaigny Jesosy nandeha tagny amin`ny faritr`i Jodia ndraiky tagny amin`ny faritry ambanin`ny Renindranon`i Jordana, bako nipody taminany tio ndraiky vahoaka. Arakan`ny faombanany, nampianatra iro ndraiky Izy. <sup>2</sup> Nagnotaniandro Fariseo abyio ndraiky Izy mba hitsapitsapain-dro Izy kay nagnotanian-dro hoe: "Ara-dalagna ho an`ny lelahy ma misaraka amin`ny vadiny?" ³ Nivaliny hoe: "Ino zaka nandrovany Mosesy anaro?" ⁴ Nambaran-dro hoe: "Mosesy nagnambela lelahy araiky hanaoratra tatasy fanamariagna fisaram-panambadiagna ndraiky mandefa izy avio." ⁵ Nivolagnin'i Jesosy tamin-drô:"navy tamin'ny hamafiny fo narô nahatonga izy nanôratra tamindrô lalàgna aby iô." ⁶ "Salakady tamin'ny voalohany namoraognana irô,Zagnahary nagnano irô lelahy draiky viavy ⁷ Amin'ny fotoagna zegny , ts maintsy hiala babany draiky mamany ny tsaiky lelahy ,bako tsy maintsy hikambagna amin'ny vadiny, ⁸ kay anjary ho vatagna irô roé.Izegny midika fa ts aroé eky irô,fa loso vatagna araiky eky. ⁹ Ho hoandrô nakamban-dRagnahary ,aoka tsy avoa hampisarahan'i zanak'olombelogno." ¹⁰ Izy koa fa irô tônga tan-tragno ,mbola nagnampody nagnontany makasika raha zegny draiky irô mpianatra io. ¹¹ Nivolagnindrô tamin'izegny: "Na anjovy na anjovy lelahy misaraka amin'ny vadiny bako mbola mampiakatra viavy hafa ; dikan'izegny mandranto izy. ¹² Kay karah zegny koa viavy misaraka amin'ny vadiny,mbola manambady lelahy hafa,mbola mandranto fo koa fivolagna zegny.” ¹³ Nisy fotoagna irô saika hitôndra zanakan-drô tamin'i Jesosy mba hametragna tagnana, kanaifa nisiahan-drô mpianatranany aby irô. ¹⁴ Kay baka tamin'izegny amindraigny nampaneloko i Jesosy draiky nahatonga izy nagnaboaka volagna tamin-drô :" Ambilà ny tsaiky hagnantogno za ,avio aza sakanagna irô,fa ny fanjakan-dRagnahary izegny hoan'drô olo mitovy Izy ¹⁵ Ambarako anarô ny tegna marigny,na anjôvy na anjôvy mandray fanjakan-dRagnahary mitovy tsaiky hely ts hiditry amin'izegny velively." ¹⁶ Izy baka nivolagna zegny , nalainy irô tsaiky aby io avio nijoniny salakady namiany tso-drano draiky nametrahany gnana ¹⁷ lera izy efa hanomboko handeha, nisy lelahy araiky fekiny nilomay nandohalika talohanany tio,avio nagnontany izy: "Mpampianatra maiva ô, mba ino eky mba rah ts maintsy ataoko mba ahafako handovà ny fiainagna mandrakizay zegny é? ¹⁸ lanifagnahy i Jesosy naregny izy nivolagna draiky taf'agnontany: "Nagnino za kahianao fa tsara ? ny tegna marigny, tsisy tsaratsara mihoatra ny Zagnahary zegny . ¹⁹ Hainao nambarany didy folo : "Aza mamono olo , aza aza mijangajanga ,aza mangalatra ,aza magnano ho vavolombelogno tsy marigny ,aza mamitaka ,hajao babanao draiky mamanao ." ²⁰ Nambarany lelahy io: "Mpampianatrô,raha jiaby nitanisainao tio kony efa nataoko retry tamin'ny mbola fahatanorako tagny kony ai. ²¹ "Nizahavan'i Jesosy tsara bekiny izy satria tiany loatra rah nivolagniny tio. Bako amin'zegny nagnambara Izy : "Mbola misy raha araiky banga aminao.Tokony alafonao akendriky irô fanagnanao jiaby io na koa hamianao olo tegna mijaly satria rah zegny hazahoana fanagnana avy agny an-dagnita.Bako avia anao agnaraka za. ²² Tamin'ny fotoagna io,tegna hita tamin'ny sôranany izy nalahelo, salakady nisalasala nohon'ny fanagnana nisy be taminany. ²³ Tio eky i Jesosy nizaha magnodidy izy avio nivolagna tamin'ny mpiantranany : "tegna ho sarotra amin-dro olo jiaby manan-draha aby io ny hihiditra amin'ny fanjakan-dRagnahary !" ²⁴ Gaga eky irô mpianatra aby io tamin'ny rah nivolagniny. Nampody nambaran'i Jesosy tamin'dro: "Zanakô tegna sarotra mare ny fidiragna amin'fanjakan-dRagnahary zegny ai! ²⁵ Aleoleoho aby ny mampiditra rameva amin'ny vodiny fanjaitra ,karah ny mpagnarivo hihiditra amin'ny fanjakanany". ²⁶ Nahay gaga fo irô mpianatranany io izikoa naharegny rah nivolagniny tio dreky vaky salakady nifampagnontanyfekiny irô.mba olo karakory eky loatra olo havotra zegny é? ²⁷ Nizahavan'i Jesosy tsy araiky araiky irôolo aby io izikoa izy naharegny volagna tio avio fekiny izy nagnambara fa: "Tsisy olo mahavita izegny ankoatran'i Zagnahary zaraiky . Satria rah jiaby io hainy aby." ²⁸ kay nanomboko tio eky i Petera nagnaboaka volagna taminany : "Zahava baka, nata zahayjiaby nahafoy rah jiaby salakady nagnaraka anao." ²⁹ Avio nivolagnin'i Jesosy : "ambarako aminarô mazava tsara,tsisy olo niala tragnony,na ny ralahiny ,na ny ravaviny,na ny reniny,na ny babany,na ny zanany na ny taniny nohon'ny aminaka draiky ny filanzantsara , ³⁰ kay tsy nahazo zato heny amin'ny taonjato zioty: tragno, ralahy, ravavy, reny, zanaka draiky tany, miaraka amin'ny fanenjehana, avio amin'ny taonjato hoavy, ny fiainagna mandrakizay. ³¹ Fa marony voalohany nanjary afara, avio ny afar nivadika voalohany." ³² Tami'ny fotoagna irô hiakatra lalagna mandeha jerosalema,i Jesosy nandeha talohan-drô jiaby.Kay gaga eky irô mpianatra io draiky irô olo sasany nagnaraka tafaranany sady navozo. Nikahiany Jesosy agnantogno izy irô aroé ambinifolo avio nanomboka nagnambara salakady nitantara raha mety handalo amin'ny fiainagnanany tsy ho ela. ³³ "Hitanarô,mikatra jerosalema atasika zioty avio ny zanak'olo amiagna ny mpisoronabe draiky mpanoron-dalàgna.Ho saziagna izy salakady ho vonoagna ho faty koa avio hamiagna irô jentilisa. ³⁴ Iro io hanesy Izy ,handrora Izy koa ,draiky hipopopoagna sady mety hiafara amin'ny fahafatesagna.Kanefa draiky afaka andro fahatelo Izy hitsangana amin'ny maty. ³⁵ Jakoba draiky Jaona,zanak'i Zebedio,nagnantogno izy salakady nivolagna taminany : "Mpampianatrô,mba tianay izikoa mba ataonao raha angatahanay aminao. ³⁶ Nambarany tamindrô amin'izaigny: "Ino rah tianarô hataoko aminarô? ³⁷ "Nivolagnindrô: "Ambila zahay hipetraka aminao io mba ho voninahitranao,araiky amin'ny tagnana droite nao avio araiky amin'ny tagnana gauche nao.'' ³⁸ Fa i Jesosy namaly irô: "tsy hainao tsara bekiny raha angatahinarô zegny.Anaro mba anaro mba afaka migiaka amin'ny kapoaka nigiako na koa hiaritra hatao batisa karah nagnanaovagna batsa zah koa? ³⁹ Nambarany mpianatranany taminazy: "vitanay zegny ",vio nivolagna tamindrô i Jesosy: "Ny kapoaka izay higiako ,higianarô koa ,avio amin'ny batisa izay hanaovagna batisa zah agnanaovagna batisa anarô koa. ⁴⁰ Fa hoan'izay hipetraka amin'ny tagnana droite na gauche tsy miankina aminaka zegny ,fa izay hoandrô olo nagnomagna zegny. " ⁴¹ Irô mpanatra folo hafa irô io koa baka naregny zegny,nanomboka neloko tamin'ny Jakoba draiky i Jaona. ⁴² Donko nikahian'i Jesosy tagnilany tio irôa roé salakady nivolagna irô. "Hainaô draiky fa irô ndrô nieritreretiny mpanapaka ny jentilisa,mpanompon-drô,avio olo maventy mifehy irô draiky mampiatra fahefan'dro. ⁴³ Fa anarô tsy tokony agnaraka karaha zegny. Na azôvy na azôvy magniry ho farany be aminarô ,tsy ho mpanompo narô fekiny izy. ⁴⁴ Kay karah zegny koa ataondrô mieritreritra fa ho voalohany aminarô,aoka izy ho hainarô fa tsy andevonarô zegny. ⁴⁵ Fa ny zanak'olo tsy ho tompoagna, fa hanompo draiky hanolotro ny vatany ho takalon'aina ho any maro." ⁴⁶ Lera irô koa navy tà Jeriko.niboaka ny tanàna niaraka tamin'ny mpianatranany draiky vahoaka marobe, zanaka Timeo bartolomeo,izay olo mpangataka salakady jamba,mpipetraka amin'ny lalam-be. ⁴⁷ Fa izikoa fa naregny i Jesosy navy tà Nazareta , nanomboka nikiakiaka mare be izy nikaiky i Jesosy: "Jesosy ô, zanak'i Davida é, mamela zah! ⁴⁸ "Ankamaroan'olo jiaby nagniraka izy hangigny ,kanefa vao maika izy nitabataba: " Zanaka: "zanaka Davida ô, mamela zah." ⁴⁹ Izkoa fa naregny zegny i Jesosy nijanogno izy, salakady nikahiandrô i lelahy jamba io draiky nivolandrô taminany : "courage anao ralahy ,avio mandiana aty fa miambigny anao izy drô. ⁵⁰ Izikoa fa naregny zegny lelahy gila io ,nariany lambanany avio izy nitsangana malaky salakady nagnatogno Jesosy direct. ⁵¹ Lera izy koa fa navy tio ,nivolagna amindraigny Jesosy: "Ino rah tianao ataoko aminao? Navaliny : "Baba ô,tia hahiratra zah." ⁵² Volagnin'i Jesosy taminany : "Mandehna anao,fa ny finoagnao fo mahavotra anoa." Niaraka tamin'igny nahiratra direct masonazy avio amin'izaigny nagnaraka Jesosy tamin'ny lalam-be igny izy.