¹ Nambarany tamin-drô kara ty: "misy aminarô tsy hagnadragna fafatèsagnazegny, alohany ahitan-drô fanjakan-dRagnahary àvy bàka amin'angôvonany maventy. ² Tsôta andrà taty afara, nandesiny Jesosy niaraka taminany Petera ndraiky Jakoba baka iô jaona tagnabony bongo tagny. Tiô fo, niaova saoranany devant ndrô tiô. ³ Ankanjony niaova namirapiratra salakady nazava, tegnany fotsy maré, mandilatra raha jiaby fotsy ambony tany ity. ⁴ Baka iô Elia ndraiky Mosesy niboaka taminany tiô irô, kay nikoragna tamin'i Jesosy irô. ⁵ Navaliny Petera tamin'i Jesosy kara ty hoe: Andriàna é!mety amitsika donc mipetraka eto, kay agnano lay telo, araiky Ninao, araiky ny Mosesy, araiky ny Elia. ⁶ "Nèfa tsy hainy raha tôkony volagny, fôtony navozo loatra izy". ⁷ Nisy rano navy nagnarogno irô. Nisy fiô ndraiky ka navy baka tagnatiny rôndro tagny nivaolagna Kara ty: "Ity zanako tegnany tiako. Tandrignèsa izy." ⁸ Tampoko tio, izy ka fa nitoditodiky irô, tsisy raha ndré araiky itan-drô izy ka fa tsy Jesosy zaraiky tiô. ⁹ fa nijotso baka tagnabony bongo tagny irô, mba tsy hikapokapoko raha jiaby itany mason-drô tagny, izy ka tsy mipody velogno ka Zanak`ôlogno. <sup>10</sup> Nitànan-drô secré igny, kanèfa nifampagnotany fo ndraiky irô, ino mety dikan`zegny "fitsanganagna amin`ny maty" zegny. <sup>11</sup> Nagnatogno Izy irô o: "Nagnino fo ma irô mpanora-dalagna io, magnambara fa tsy maintsy avy aloha i Elia?" <sup>12</sup> Nambarany tamin-drô: "voloahany navy Elia hagnarigny raha jiaby. Kay nagnino fo basy voasaoratra fa Zanak`olo tegnany hijaly amin`ny raha maro ndraiky atao tsisy dikany? <sup>13</sup> Kanèfa ambarako aminarô fa navy tio Elia, hors nataon`olo taminany zegny, ndré tsy nankasitrahany, kay kara zegny ka nambarany Saoratra Masigny mahakasiky izy". ¹⁴ Izy ka fa nipody taminy mpianatra tio irô, koa fa nahita vahoaka maro be nikodidigny Izy irô, vaky debat taminany. ¹⁵ Ka fa itan-drô amin'jaigny Jesosy, gaga vahoaka jiaby izy ka fa nilomoay irô nagnatogno Izy, nagnano mbalatsara Izy. ¹⁶ Nagnotaniany amin`jaigny irô mpianatra Nazy kara ty: "mahakasiky ino edy debat ataonarô ami`zegny". ¹⁷ Nisy araiky tamin-drô vahoaka namaly kara ty: "Mpampianatra é, nandesiko aminao aty zanako lahy. Misy fagnahy tsy manjary mampikapokapoko izy irô. ¹⁸ Manambotro izy avio magnatretreky izy ndraiky izy mandoa hèlaka, nifiny mivagnivagny, ndraiky izy henjagna. Nangatako tamin`ny mpianatra hagnaboaka izo hiala aminany fa tsy vitan`drô zegny." ¹⁹ kay namaly irô izy hoe: "Arô taranaka tsy mino ity, jisika ombiagna hidaoko aminarô eto? Jisika ombiagna handifèrako aminarô? Andesa aminaka aty izy." ²⁰ Nandesiny taminany tio tsaiky lelahy io, izy kaa nahita Jesosy fagnahy tsy manjary io nampifanintontsitogno izy irô. Lavo tamin`ny tany tsaiky lelahy io ndraiky feno tovôro vavany. <sup>21</sup> Jesosy nagnotany babany kara ty: "nanomboko ombiagna nagnano kara io izy?" Navaliny babany: "rango izy mbala hely izo." <sup>22</sup> Indraikindraiky fagnahy tsy manjary io mandavo izy agnatiny môtro na agnatiny rano ndraiky nagnandragna hamotiky izy. Izy ka mba mahay raha jiaby Anao, mahininkina zahay baka iô ampia zahay." <sup>23</sup> sosy nivolagna kara ty: "izy ka hainao? <sup>24</sup> Zaka jiaby hainy zegny mino" directy niafatra maré babany tsiky io hoe: "mino za! Fa ampia za amin`ny tsy finoako!" ²⁵ Abaka iô hitan`i Jesosy vahoaka aby io nilomoay nagnantogno izy irô, nivolagniny maré fagnahy montraka io nagnano kara ty: "ô fagnahy moà ndraiky maregniny ty,mandroaka anao Za,miboahà aminany ao, ndraiky aza mipodipody ao eky." <sup>26</sup> niafatrafatra maré izy nampifanintogno maré tsaiky lelahy io, kay maro olo nivolagna hoe: "Maty izo." <sup>27</sup> Fa Jesosy nanàmbotro izy tamin`ny tagnany aviô naréminy izy, kay nitsangana tsaiky lelahy io. ²⁸ fa nidriky tagnatiny tragno tao Jesosy, nagnotanian-drô manaokana Izy hoe: "Akory zahay tsy nahavoaroaka fagnahy ratsy igny?" Nambarany tamin-drô hoe: ²⁹ "Araiky kara igny tsy afaka roàsigny fo ka tsy baka amin`ny vavaka." <sup>30</sup> Niala tiô irô aviô nandalo tagny Galilia. Tsy tiany hain`olo fekny fa baka taia irô, ³¹ fa napianariny irô mpinatra nazy. Nambarany tamin-drô hoe: Zanak`Olo hamiagna an-tagnan`olo, kay hivonen-drô Izy. Izy ka fa maty, himpody velogno indraiky Izy afaka telo andra." ³² Fa tsy takatrin`ny jery ndrô raha nambarany, nèfa navozo irô agnotany Izy. <sup>33</sup> ka fa navy tao Kapernaomy irô. Izy ka fa baka nidriky tan-tragno Izy nagnotanian-drô Izy hoe: " ino mba raha nikoragnin`arô tan-dalagna igny? ³⁴ "tsy nivolagna irô. Fôtony fa ny debat zegny irô tan-dalagna tagny fa azovy tegnany maventy. ³⁵ Nidoko, nikaiky irô aroe ambiny folo lahy Izy aviô nivolagny tamin-drô hoe: "izy ka misy ti-ho voalohany, tsy maintsy farany amin-drô jiaby izy, baka iô bôton-drô jiaby. " ³⁶ Nangala tsaiky araiky izy nalatsany agnivon-drô tiô. Ninjoniny izy, baka iô nivolagny hoe: ³⁷ ''Na zovy na zovy tia tsaiky kara ty amin`ny narako, tia Za koa izy, tsy Zazaraiky fo ka tiany fa,ndrè nagniraka Za koa. " <sup>38</sup> Nambarany Jaona taminany kara ty hoe: "Mpampianatra é, nahita olo nagnaboaka setoany tamin`ny agnaragnanao zahay kay tsy ny kenay, fôtony tsy namatsika izy. ³⁹ "Jesosy nagnambara kara ty: "Aza mandrara izy, fa tsisy olo hagnano asa maventy amin`ny agnarako kanèfa betibetiky iô après zegny hivolagna raha tsy manjary mahakasiky Za izy. <sup>40</sup> Na zovy na zovy tsy micontre atsika dikany zegny namatsika izy. <sup>41</sup> Na zovy na zovy magnamia rano trobaka araiky anao, fôtony naman`i Kristy anao kay ambarako aminao tegnany marigny, fa tsy ariagna valim-pitiavany. ⁴² Fa na zovy na zovy mampameloko araiky amin-drô mino Za regny, tsara tsara aminany vahôragna amin`ny tendany vato maventy kara araiky famofoàgna vary igny bakakô atsipy agnatiny ranomasigny agny. <sup>43</sup> Izy ka tagnànao haviany magnameloko anao, tapa hagny izy. Sitràny anao misy hantsà midriky amin`ny fiaignana kara anao managna tagnàna aroe kanèfa agnatiny môtro anao, môtro tsy mety vonoegny. ⁴⁴ [Fanamarihagna: tsy asiagna fehezanteny fandikagna tegnany tsara amin`ny party 44 ndraiky 46 hoe: "Na hankan-drô tsy maty,ndraiky môtro ka tsy maty mandrakizay."] <sup>45</sup> Izy ka vitinao mampameloko anao tapa agny zegny. Tsara tsara aminao ka midriky ami`ny fiaignana mitsokilaka, kara anao managna vity aroe hariagna agnatiny môtro agny. ⁴⁶ [Zahava fanamariagna amin`ny andininy faha 44] <sup>47</sup> Izy ka maso nao mampameloko anao, tsara aminao taoka maso midriky fanjakan-dragnahary kara managna maso aroe hariagna amin`ny môtro, ⁴⁸ amin`ny toeragna tsy mahafaty hankan-drô, môtro tsy mety vonoegny. <sup>49</sup> fa olo jiaby samy voan`ny sira amin`ny môtro. <sup>50</sup> Tsara sira, fa izy koa lôso matsatso, ino koa hampamasigny izy? Ataova sira aminarô ndraiky mihavagna amin`ny tsaraiky araiky aby."