¹ Tsy olo maro zegny tokony ho loso mpampianatra, avako aby. Haintsika fa andalo amin'ny fitsaragna mare atsika io. ² Fa atsika jiaby io zegny voasariky amin'ny fomba maro. Izikoa misy olo tsy voasariky amin-drô volagna io, midika fa lehilahy matotro marigny izy, sady afaka mamehy na haigninany topiny. ³ Ary izikoa asiantsika lamboridy amin'ny vavan'ny aomby baika agnarahan-drô volagnatsika, afaka mitondra atsika jiaby koa atsika io. ⁴ Zahava fa irô sambo, na araiky tegna maventy indesin'ny tsiko mare igny zegny, bala voavezigny ny vôlant hely amin'ny tany tian'ny mpigidy imboagna. ⁵ Kara zegny koa lelahy hely vatagna, kanefa izy matondra raha maro. Zahava koa hahilèzan'ny môtro araiky magnôro atiala maventy. ⁶ Ny lelahy koa ane mba môtro, hipetrhan'ny fahotagna amin'ny vataagnatsika. Zegny koa magnisy tasy vatagna araiky sady magnôro làlam-piainagna. Rihetin'ny môtro koa ny haigninany. ⁷ Fa ny karazam-biby jiaby, vôrogno, biby mandady, raha agnat ranomasigny zegny folaka sady nifolatin'olombelogno. ⁸ Fa mikasiky lelahy, tsisy olo mavita mamolaka zegny. Io zegny ratsy araiky tsy hay fihezigny, feno ahody mahafaty. ⁹ Amin'io koa zegny hanompoantsika Tompo dariky Baba, sady amin'io koa hagnozognantsika olo, sady nitovy amin'ny Zagnahary. ¹⁰ Boaka amin'ny vava zegny fo koa hiboan'ny fitahiagna draiky fagnozognana. Ry avako aby, tsy hisy irô raha aby io. ¹¹ Loharano fo mba magnaboaka rano mamy draiky matraba boaka amin'ny fiboahany? ¹² Va kakazo ny aviavy ma mamoa oliva? Sa ny vohaloboka, mamoa aviavy? Ny rano masiny koa mba tsy afaka magnaboaka rano mamy. ¹³ Azovy ma misy jery sady mahay agnivonarô iô? Ambila izy agnaboaka fiainagna tsara amin'ny sasany amin'ny fanetren-tegnan'ny fisigna jery zegny. ¹⁴ Fa izikoa anarô mafana fô sady tia halaza amin'ny fô narô ao, kaza magnambôho na mavandy tsy magneky ny marigny. ¹⁵ Zegny tsy fahendregna nijotso boaka tangnabo tagny. Fa, boaka amin'ny tany fo, ny tsy boaka amin'ny fagnahin'ny setoany zegny. ¹⁶ Fa agny amizay misy lolom-po draiky fitiavagna halaza, misy hiziky draiky fagnanovagna raha ratsy jiaby. ¹⁷ Fa fahendregna boaka agnabo agny zegny madio aloha, aviô feno fihadanagna, tsara fagnahy, mihevitra ny hafa feno famelan-keloko draiky vokatsoa, tsy mamopoko sady tsotra. ¹⁸ Ny vokatra ny fahamarignana zegny voafafy am-piadagnana agnivon-drô izay mapihavagna