¹ ô Ralahiko, aza asiagna fizahavagna tavan'olo ny finoanarô ny Tompontsika i Jesosy Kristy ,tompon'ny voninahitra. ² Ataova misy olo miditra amin'ny Synagoganarô misy olo magnano peratra volamena draiky akanjo tsara, abaka avio misy lelahy hafa koa mijaly miditra magnano akanjo maloto. ³ Raha ohatra mizaha olo magnano akanjo tsara anarô draiky mivolagna: "Azafady, mipetraha eto amin'ny place tsara anao",raha hivolagna amin'ny lelahy mijaly draiky anao: "é Mitsangana ary anao" na koa "Mipetraha eto amin'y plasin'ny vitiko eto anao," ⁴ magnavaka anarô amin'ny zegny kay efa magnano mpitsara hevi-dratsy? ⁵ Tandrignaisa ralahiko tiako, tsy raha efa nifidin-dRagnahary mba irô olo mijaly amin'ny izao tontolo izao mba ho hanankarena amin'ny finoagna ndraiky ho mpandova ny fanjakana nampagnantenainy hoan'ndrô tia izy? ⁶ Fa anarô efa nangala baraka ny mijaly! kay tsy irô mpanakarena aby iô fo taigna mampahory anarô? tsy irô ma mitarika anarô amin'ny fitsarana? ⁷ Mbala tsy anarô koa nagnaratsy agnarandrô tsara? ⁸ Na izegny aza, raha magnatanteraka ny lalàgna ny mpanjaka narô, voasoratra amin'ny soratra masigny: "tiava ny namanao tahaka ny taignanao," kay magnanaova tsara anarô. ⁹ Fa izikoa anarô magnano sitrak'olo sasany, nefa mbola manota, dikany zegny voaheloko kara irô olo mpandika lalàgna. ¹⁰ Fa na zôvy na zôvy magnaraka lalàgna, ka nefa lavo amin'ny lalàgna araiky, dikany zegny anao tsy maintsy ho voaheloko amin'ny lalàgna jiaby. ¹¹ Anao magnano mivolagna: " Aza mijangajanga" na koa "mamono olo," kanefa mbola tanterahanarô izeny, midika zegny fa mpamdika lalàgna anao. ¹² Aoka anarô hivolagna ndraiky agnano arak'izay mamendrika narô, izegny olo itsarainy lalàgna amin'ny fahafagna. ¹³ Fa ny fitsaragna tsy misy famindra-po amin'ndrô izay tsy maneho ny famindra-po. Fa kanefa aza adino ny famindra-po mandresy ny fitsarana. ¹⁴ Ino aby mba ny tsara ralahiko aby é, fa raha ohatra olo araiky nivolagna fa manam-pinoagna izy, kanefa tsy misy asa? Mety afaka hamonjy izy dikan'izegny finoagnanany zegny? ¹⁵ Ataova kara misy ralahy na anabavy magnano akanjo ratsy na koa tsy ampy sakafo andavan'andro. ¹⁶ Ataova misy araiky amin'narô mivolagna amin'ndrô: "Mandiana ampiadanagna, magnanovà mafana avy iô mivokisà." Raha ohatra tsy magnamia irô zaka jiaby ilainy vatagnanarô anao, ¹⁷ kay ino mahatsara izegny? Kay karah zegny koa finoagna koa tsisy asa, maty. ¹⁸ Nefa mety misy olo mivolagna: "Manampinoagna anao, avy iô zaho managna asa." Aboahà zaho ny finognanao tsisy asa, fa haboakako anao ny finoako amin'ny alalan'ny asako. ¹⁹ Anao mino fa Zagnahary araiky fo, tsara raha ataonao zegny. fa ndre setoany mino zegny, kay zegny avian-dro mangorohoro. ²⁰ Tianaro ho hay ma, ralaha adala, fa izy ka finoagna tsisy asa tsisy raha ilaigna izy zegny? [Fanamariagna: dikany volagna hafa sasany vakiagna hoe: "Tianaro ho hay ma, lelahy adala, hoe nagnino finoagna tsisy asà maty?"] ²¹ Tsy namariogniny tamin'asany mba i Abrahama razantsika tamin'ny nagnatairany zanany Isaka tagnabon'ny alitara? ²² Hitanao fa ny finoagna niasa niaraka tamin'ny asany, abaka avy iô ny asa nivadiky finoagna. ²³ Kay tanteraka ny soratra masigny, izay mivolagna hoe: " Abrahana nino an-dRagnahary, kay niheitreritra tamin'ny fahamarinagna izy," ndraky avy iô izy nikahiagna naman-dRagnahary. ²⁴ Hitanarô zegny fa tamin'ny asany hagnamariagna olo fa tsy amin'ny finoagna. ²⁵ Kay karah zegny koa, i Rahaba mpivaro-taigna tsy namarigniny tamin'ny asa koa mba izy, tamin'izy nandray irô iraka ndraiky nandefa irô tamin'ny lalan-kafa? ²⁶ Fa maty ny vatagna raha misaraka amin'ny fagnahy, kay karah zegny ny finoagna tsisy asa donk maty.