¹ Nitsanga gn'olo aby tamindreo, ary ninday an'i Jesosy taloan'i Pilato. ² Nanomboky nagnasazy Enazy indreo, nizaka hoe: "hitanay ity lelehy ity nametaveta gne firenenay, nandrara gne hagnomeza hetra an'i Kaisara, ary nizaka fa Izy tegnany mihitsy gne Kristy, mpanjaka." ³ Pilato nagnontany Anazy, mizaka hoe: "Enao zany gne mpanjakanè Jiosy?" Jesosy namaly anazy ary nizaka hoe: "vôlazanao." ⁴ Pilato nizaka tam'ireo lohanè mpisona sy gne vahoky hoe: "tsy mahita fahadisoa am'ity lelahy ity iaho." ⁵ Fa mbola nagnizingizy indreo, hoe: "magnakorota gne vahôky io, mampianatry magneragne ny Jodia manontolo, manomboky avy agny Galilia na hatreto am'ity toera ity kada." ⁶ Rehefa ren'i Pilato izà, da nagnontany izy saky Galiliana ity lelahy ity. ⁷ Rehefa hitany fa tao ambany fahefan'i Heroda Izy, da nalefany Jesosy nandeha agny am'i Heroda, izay tagny Jerosalema evakoa tam'izà andro izà. ⁸ Rehefa hitan'i Heroda Jesosy, da tena ravoravo izy, satria efa ta-hahita Anazy hatry ny gn'ela. Naharè gne momba Anazy izy ary nagnategna gne hahita fahagaga maro naniny. ⁹ Heroda nametra-pagnotania an'i Jesosy tamigne teny maro, saingy Jesosy tsy namaly ndre ino ndre ino anazy. ¹⁰ Gne lohane mpisorona sy gne mpanora-dalàgna nitsanga, magnendrikendriky Anazy. ¹¹ Heroda sy gne miaramilany nanevateva an'i Jesosy sady nagnikeky Anazy. Avy eo da nampisikinindreo lamba tsara tarehy Izy ary nalefandreo tagny am'i Pilato Izy. ¹² Fa i Heroda sy Pilato da lasa mpinama tamign'andro io (talohan'izà da mpifahavalo indreo). ¹³ Avy eo Pilato nangaiky gne lohanè mpisorona sy gne mpanapaky ary gne vahoky maro niaraky, ¹⁴ ary nizaka tamindreo hoe: "nindesinareo taminaha tetoa ity lelahy ity akoigne lelahy izay mitariky gn'olo hagnao ratsy, ary iteo, iaho, raha nametra-pagnotania taminazy teo anoloanareo, da tsy mahita fahadisoa am'ity lelahy ity mahakasiky gne raha izay hiapanganareo Enazy. ¹⁵ Tsia, ndre i Heroda aza, satria nalefany niverigny taty amitsika Izy, ary iteo, tsy misy ndre ino ndre ino izay mendriky fahafatesa vitany. ¹⁶ Noho izà da ho faiziko Izy." ¹⁷ [Fagnamaria: gne famadia tsara indrindra da tsy magnisy gne handininy 17 hoe: ary Pilato da voatery da namotsotry gadra raiky ho an'ireo Jiosy tamign'andro firavoravora.] ¹⁸ Fa nira-nitoreo mafy indreo, nanao hoe: "ento agny io lelehy io, ary avotsoro ho anay Barabasy! ¹⁹ Barabasy da lelehy raiky izay nahiditry am-ponja nohony gne fahatahora tao amigne tanà sy famonoa olo. ²⁰ Ary nizaka tamindreo koa Pilato, nagniry dne hsmotsora an'i Jesosy. ²¹ Saingy nitabataba mafy indreo, hoe: "fatsio Izy." ²² Nizaka tamindreo fagnitelony izy hoe: "nagnino, ino gne ratsy vitan'ity lelahy ity? Tsy nahita ndre ino ndre ino izay mendriky sazy famonoa any aminazy iaho. Noho izà rehefa avy magnafay Enazy, da hamotsotry Anazy iaho." ²³ Fa indreo nagnizingizy tamigne feo mafy, nangataky Enazy mba hofatsia. Gne feondreo da nandesy lahatra an'i Pilato. ²⁴ Da nanapakevitry gne hagneky gne fangatahandreo Pilato. ²⁵ Navotsotriny gne raiky nangatahandreo izay nalefa tam-ponja nohony gne fahatahora sy famonoa olo. Fa natolotriny ho amigne sitrapondreo Jesosy. ²⁶ Ary tampitondrà Anazy indreo, da nifetsa an'i Simona avy agny Syrenia, izay avy agny ambanivohitry, ary napetrakindreo taminazy gne hazofizalia mba hindesiny, nanaraky an'i Jesosy. ²⁷ Maro tamigne vahoky, sy gne viavy gne nalahelo mafy sy nagnabara halahelo Enazy, gne nagnaraky Enazy. ²⁸ Fa rehefa nitodiky tagny amindreo, da nizaka Jesosy hoe: gne zanakavavin'i Jerosalema, ka mitomagny Enaha, fa mitomagnia ho anigne tegnanao sy ho anigne zanakareo. ²⁹ Fa igny, ho avy gn'andro izay hizakandreo hoe: ' sambata gne momba sy ireo troky tsy niteraky, ary gne nono izay tsy nampinono zaza.' ³⁰ Ary da hanomoky hizaka amigne tendrombohitry indreo hoe: 'milatsaha aminay,' ary amigne abo hoe: "manakotry anay." ³¹ Fa raha magnano izà raha izà indreo raha mbola mentso gne hazo, ino gne hitranga rehefa maigny izà?" ³² Nisy lelahy hafa, olo-ratsy roy, nentindreo niaraky taminazy mba ho vonoy. ³³ Rehefa avy tamigne toera raiky angia hoe: "Ikarandoha" indreo, da teo gne namatsiandreo Enazy, sy gn'olon-dretsy - gne raiky takavananyary gn raiky takavia. ³⁴ Jesosy nizaka hoe: ''aba ah!, mamelà andreo, fa tsy fantandreo gnaniny." Avy eo da niloka indreo, nizarazara gne raisikiny. ³⁵ Da nitsanga teo gn'olo raha mbola nagnikeky Enazy koa gne mpanampaky, hoe: "namonjy gne hafa izy. Avelay Izy hamonjy gne tegnany, raha Izy gne Kristine Zagnahary, gne raiky vofidy." ³⁶ Gne maramila koa da nangala daraka anazy, nagnato Anazy, nagnome Enazy vinangitra, ³⁷ ary nizaka hoe: "raha mpanjakane Jiosy Enao, vonjeo gne tegnanao." ³⁸ Nisy famantara evakoa tamboniny hoe: "ity gne mpanjakan'i Jiosy." ³⁹ Gne raiky tam'ireo olon-dratsy izay niato teo gne namangovangoa Anazy tamigne nizakany hoe: "tsy enao me gne Kristy? Vonjeo gne tegnanao sy iahay." ⁴⁰ Fa gne raiky niza mafy enazy, hoe: "tsy mba malia gne Zagnahary me enao, raha samy ambanine fagnameloha mitovy evao? ⁴¹ Itsika da eto ara-drariny dato, satria mandray gne mendriky gn'asatsika itsika. Fa ity lelehy ity tsynagnano raha ratsy." ⁴² Avy eo izy nizaka hoe: "Jesosy ô, tsarovy iaho rehefa avy agny amigne fanjakanao agny enao." ⁴³ Jesosy nizaka taminazy hoe: "zakaiko marigny aminao, fa androany enao da hiaraky aminah agny amè paradisa." ⁴⁴ Ary lera faha-enina teo ho eo tam'zà, ary gne mizy nandraotry gne tany aby hatramè gn'ora fahasivy, ⁴⁵ raha nihamizy gn'hazavane masoandro. Da avy teo gne lambanè tempoly nizara avy teo ategnategnany. ⁴⁶ Nitoreo tamigne feo mafy Jesosy nizaka hoe: "Aba ah!, eo an-tagnanao gn'ametrahako gne fagnahiko." ⁴⁷ Rehefa avy nizaka an'izà Izy, da maty. Rehefa hitanè kapiteny gne raha nitranga, da nagnome voninahitry anè Zagnahary izy, hoe: "azo antoky dato fa olo marigny ity lelehy ity." ⁴⁸ Rehefa hitanigne vahoky aby izay niaraky avy ho vavolombelo nagnatriky gne raha nitranga, da niverigny niteha-tratra indreo. ⁴⁹ Fa gne nahafantatry Anazy aby, sy gne viavy izay nagnaraky Enazy avy agny Galilia, da mitsanga alavidavitry egny, magnety izà raha izà. ⁵⁰ Ary igny lelahy raiky angia hoe Josefa, izay mpikamba tao amigne Synedriona. Olo tsara sady marigny izy. ⁵¹ Io lelahy io da tsy nagneky gne fanapahan-kevitry gne Synedriona sy gne'asandreo. Avy gny amigne tanànè Jodiana tagny Armatia izy; ary izy da nitadia fanjakan'Andriamanitry. ⁵² Io lelahy io, raha nagnato an'i Pilato, da nangataky gne vatan'i Jesosy. ⁵³ Nalainy nidigny izà, norakofany harira madiniky, ary napetrany tanigne kobory izay novaky tamigne haragna, izay tsy mbola nisy olo nalevy mihitsy. ⁵⁴ Andronigne Fiomagna tam'izà, ary mbola nazava ratsy gne sabata. ⁵⁵ Gne viavy, izay niaraky tam'i Jesosy niala tao Galilia, da nagnaraky avy ao afara ary nahita gne kobory sy gne fomba nandevegna gne fatiny. ⁵⁶ Nipody indreo, ary nagnomagny raha-magnitry sy menaky magnitry. Ary tamigne sabata da nizano indreo araky gne didy.