¹ Vô marandray tamign'andro voloanè gn'herignandro, da nandeha tagny amigne kobory indreo, ninday gne raha magnitry izay nokarakaraindreo. ² Tsijondreo lavitry fa vato gne kobory. ³ Niditry tao indreo, kanefa tsy nahita gne vatan'ny Tompo Jesosy. ⁴ Ary, raha mbola sahira saigny momba izà indreo, tampoky teo da nisy lelahy roy nagnano raisiky mamirapiratry nitsanga teo agnilandreo. ⁵ Ary rehefa nalia ireo viavy da nandohaliky teo amigne tany, nizaka tam'ireo viavy indreo hoe: "Nagnino enareo mitadia gne velo aty amigne maty? ⁶ Tsy atoa izy, fa efa natsanga! Tadidio gne nizakàny anareo tam'Izy tagny Galilia, ⁷ nagnambara fa gne Zanak'Olo da tsy maintsy hatolotry ho eo an-tagnanè gn'olo mpanota ka hofatsia eo amigne hazo fijalia, ary amign'andro faha telo da hitsanga koa." ⁸ Gne viavy da nahatsiaro gne zakany, ⁹ ka niverigny avy tagny amigne kobory ary nizaka an'izà raha aby izà tamigne raiky ambiny folo sy gn'ambiny aby. ¹⁰ Ary Mary Magdalena, Johana, Mary iendrin'i Jakoba, ary gne viavy hafa niaraky taminazy da nitatitry enizà tamign'apostoly. ¹¹ Fa izà hafatry izà da akoignè tsy nisy dikany tamign'apostoly, da tsy nino gne viavy indreo. ¹² Kanefa nitsanga Petera, da niazakazaky egny amigne kobory, ary niondritry sy nagnety tao, da nahita gne lambam-paty nitoka. Ary Petera nody tagny an-tragnony, nagnotany tena gnamigne raha nitranga. ¹³ Igny, gne roy tamindreo nandeha tamin'io andro io agny amigne tanà angia hoe: Emaosy, izay enimpolo stadiô miala agny Jerosalema. ¹⁴ Indreo da nifampiresaky momba gne raha aby izay nitranga. ¹⁵ Ary, raha niara-niresaky sy niara-nametra-pagnontania indreo, da nagnato sy nandeha niaraky tamindreo Jesosy. ¹⁶ Fa gne masondreo da nosokafa mba tsy hahafantatry Enazy. ¹⁷ Jesosy hizaka tamindreo hoe: ''ino gne koragninareo ety andala?'' Da nijano indreo sady nalahelo endriky. ¹⁸ Gne raiky tamindreo, nangia hoe Kleopasy, namaly Enazy hoe: ''enao raiky me gn'olagny tao Jerosalema tsy nahafantatry gne raha nitranga tam'izà andro izà? ¹⁹ Jesosy nizaka tamindreo hoe: ''raha ino?'' Indreo namaly Enazy hoe: ''gne raha mikasiky an'i Jesosy ilay Nazareta, gne mpaminany, nahery tamign'asa sy gne zaka tagnatrehan'Andriamanitry sy gn'olo any, ²⁰ ary gne fomba nanoloran'ireo lohanè mpisorona sy gne mpanapaka Enazy mba ho melohy ho faty sy gne nagnomboa Anazy teo amigne hazofizalia. ²¹ Kanefa iahay nagnategna fa Izy gne hagnafaky an'Israely. Eka, ary akotry en'izà any izà, telo andro androany izao gne nitrangan'izà raha aby izà. ²² Nefa koa, gne viavy sasany tamigne namany da nahavaria anay, izay tagny amigne kobory vô marandray. ²³ Rehefa tsy nahavita gne vatany indreo koa da nahita fahita anjely izay nizaka fa velo Izy. ²⁴ Gne lelahy sasany izay niaraky taminay da nandeha tagny amigne kobory, ary nahita izà araky gne vozakanigne viavy. Saingy tsy nahita Anazy indreo. ²⁵ Jesosy nizaka tamindreo hoe: ''eh ralehilahy mola sy malemy say vô mino gne raha vozakanigne mpaminany aby! ²⁶ Izy me kô tsy nilay ho an'i Kristy gne nijaly tamiregny raha iregny, ka hiditry agny amigne voninahitriny?'' ²⁷ Ary nanomboky tam'i Mosesy ka hatramigne mpaminany aby, da nadikan'i Jesosy tamindreo ao amigne Soratra Masigny gne momba gne Tegnany. ²⁸ Rehefa nagnakeky gne tanà nandihanandreo, da naharè fihetsiky akoigne handeha lavitry Jesosy. ²⁹ Fa namôrsè Anazy indreo, hoe: "mijanogna aminay etoa, fa efa ho ariva izao sady efa ho tapitry gn'andro." Da niditry mba hizano hiaraky tamindreo Jesosy. ³⁰ Ary, rehefa nipetraky nidoboky mba hiaraky hihina amindreo Izy, da nangala gne mofo, nisaotry enizà, sy nanapaky enizà, ary nagnomè enizà andreo. ³¹ Avy eo da nisokatry gne masondreo, da nahafantatry Enazy, ary najavogny teo amindreo teo Izy. ³² Indreo nifampizaka hoe: "izy io me kô tsy tsapatsika gne fotsika feno hafalia, raha nizaka tamitsika tandala tegny Izy, raha nanokatry gne Soratra Masigny tamintsika Izy?" ³³ Nitsanga indreo tamn'io lera io, da nipody tagny Jerosalema. Nahita gne raiky ambinifo niara-nivory indreo, sy gne niaraky tamindreo, ³⁴ nizaka hoe: "gne Tompo da nitsaga dato, ary niboda tam'i Simona." ³⁵ Da nozakaindreo gne raha niseho tandala tegny, sy gne fomba nibodan'i Jesosy tamindreo tamigne fanapaha gne mofo. ³⁶ Raha nizaka izà raha izà indreo, da nitsanga teo antegnategnandreo teo Jesosy tegnany, ary ary nizaka tamindreo hoe: "fiadana anie ho anareo." ³⁷ Saingy taitry sy nalia indreo, ary nihevitry fa nahita fagnahy. ³⁸ Jesosy nika tamindreo hoe: "nagnino enareo malia io me? Nagnino enareo misy fagnotania ao am-ponareo? ³⁹ Iteo gne tagnako sy gne tomboko, fa Iaho tegnako ity. Kasio Iaho da iteo. Fa gne fagnahy tsy mana nofotry sy tola, araky gne ahitanareo Anahy hoe mana." ⁴⁰ Rehefa nizaka an'izà Izy da nabodany tamindreo gne tagnany sy gne tombony. ⁴¹ Da mbola tsy nino en'izà avao indreo nonigne hafalia, ary gaga indreo. Jesosy nizaka andreo hoe: "mana raha hohany enareo? ⁴² Nomendreo vily votono Izy, ⁴³ da nalainy izà ary nohaniny teo amasondreo teo. ⁴⁴ Izy nizaka tamindreo hoe: "tam'Iaho niaraky taminareo, da nizaka taminareo fa gne raha vosoratry tao amigne laàn'i Mosesy sy ireo mpaminany ary ireo Salamo da tsy maintsy ho tanteraky." ⁴⁵ Ary nosokafany gne saindreo, mba hazondreo gne Soratra Masigny. ⁴⁶ Nizaka andreo Izy hoe: "izao gne vosoratry, fa i Kristy da hijaly, ary hitsanga amigne maty indray amign'andro fahatelo. ⁴⁷ Fibebaha sy famelan-keloky gne tokony hambara amign'agnarany agny amigne firenena aby, manomboky ao Jerosalema. ⁴⁸ Enareo gne vavolombelon'iregny raha iregny. ⁴⁹ Igny, alefako aminareo izay nampagnategnaine Raiko. Kanefa mitoera ao an-tanà mandra-pitafianareo gne hery avy agn ambony." ⁵⁰ Ary Jesosy nitariky andreo mandra-peviandreo tagny Betania. Nampiakariny gne tagnany, ary notahiany indreo. ⁵¹ Ary, rehefa nitso-drano andreo Izy, da niala andreo Izy ary lasa nakarina tagny an-dagnitry. ⁵² Da nidera Anazy indreo, ary niverigny tagny Jerosalema tamigne fifalia zakabe. ⁵³ Nitoy nandeha tamigne tempoly indreo, nankalaza an'Andriamanitry.