¹ Ary efa akeky gne firavoravoa amigne Mofo tsy misy masirasira, izay angia hoe Paska. ² Niady hevitry gne mpitariky gne mpisorogny sy gne mpanora-dalàgna amigne fomba ahafandreo mamono an'i Jesosy, satria nalia gn'olo indreo. ³ Avy teo gne Satana niditry tam'i Jodasy Iskariota, raiky ramin'ireo roy ambiny folo. ⁴ Jodasy nandeha nandeha tagny amigne lohanè mpisorogny sy gne kapiteny ary niady hevitry tamidreo gnamè fomba hamadiany an'i Jesosy eo amindreo. ⁵ Faly indreo, ary nagneky gne hagnome vola enazy. ⁶ Nagneky izy, ary nitadia hevitry mba hanolorany Anazy eo amindreo lavitry gne vahoky. ⁷ Avy gn'andronè mofo tsy misy masirasira, izay tsy maintsy hagnanoa sorogny gne zanak'ondry ny gne Paska. ⁸ Jesosy nagniraky an'i Petera sy Jaona, milaza hoe: "mandehana ary homagno antsika gne sakafonè Paska, mba hahafantsika mihina enizà." ⁹ Indreo nagnotany Anazy hoe: "aia gne tianao hagnanoanay gne fagnomagna?" ¹⁰ Namaly andreo Izy hoe: "tenomo, rehefa miditry gne tanà enareo, da hisy lelahy raiky minday tavoangin-drano hifakanendriky aminareo. Magnarà anazy agny amigne tragno izay idirany. ¹¹ Da zakay gne tompon-tragno hoe: 'gne Ramosè mizaka aminao hoe: "aia gn'efitragno fandresam-bahiny, izay hihinanako gne sakafonè Paska miaraky amigne mpianatriko?" ¹² Izy hagnambara anareo efitragno ambony gne rapaky zakabe misy kozakoza ilay. Anio amignao gne fagnomagna." ¹³ Da nandeha indreo, ary nahita gne raha aby arakigne nozakainy tamindreo. Ary nagnoma gne sakafone Paska indreo. ¹⁴ Rehefa avy gne fotoa, da nidoboky niaraky tamign'apostoly Izy. ¹⁵ Da nizaka tamindreo Izy hoe: "nagniry mafy gne hihina ity Paska ity miaraky aminareo Iaho alohanigne hijaliako. ¹⁶ Fa zakaiko aminareo, tsy hihina ity etsanaky Iaho, mandra-pahatanterak'izà agny amigne fanjakan'Andriamanitry." ¹⁷ Da nandray vera Jesosy, ary rehefa nisaotry Izy, da nagnano hoe: "reso ity, ary zaray aminareo. ¹⁸ Fa zakaiko aminareo, tsy hinindrano gne vokatry gne voloboky etsanaky Iaho, mandra-pahatongane fanjakan'Andriamanitry." ¹⁹ Da nandray gne mofo Izy, ary rehefa nisaotry, da notapahany izà, ary nomeny andreo, da nizaka hoe: "ity gne vatako izay omena anareo. Anio izao ho fahatsiarova Anahy." ²⁰ Noresiny akoizà koa gne kapôky rehefa vita gne sakafo, da hoy izy hoe: "ity kapôky ity da ilay fagnekè vaovao ao amigne ràko, gne nalatsaky ho anareo. ²¹ Fa mitandrema. Gne raiky izay hamadiky Anahy da miaraky Aminahy amè latabatry etoa. ²² Fa gne Zanak'Olo da mandeha dato arakigne votendry. Fa loza ho an'izay lelahy izay hamadiky Anazy izà! ²³ Nanomboky nifagnontany indreo gn'amigne raiky amindreo izay mety hagnano enizà. ²⁴ Da misy fifamalia nitranga koa teo amindreo mikasiky izay hevery ho zakabe indrindra amindreo. ²⁵ Nizaka tamindreo Izy hoe: "gne mpanjakane Jentilisa da tompondreo, ary izay mana fahefa amindreo da atao ho toy ny gne magnano tsara ho anè vahokiny. ²⁶ Fa tsy akoizà mihitsy gn'aminareo. Mifanohitry am'zà, ôka gne zakabe indrindra aminareo ho lasa kidy indrindra, ary ôka gne mana-danja indrindra ho lasa akoigne manompo. ²⁷ Fa ia gne zakabe kokoa, gne midoboky amigne latabatry, sa gne manompo? Tsy gne midoboky amigne latabatry me? Kanefa Iaho aminareo etoa da akoigne raiky manompo. ²⁸ Fa enareo gn'olo izay nanohy niaraky taminaha tao amigne faka-pagnahy nihatra taminaha. ²⁹ Omeko fanjaka enareo, akoigne Raiko nagnome fanjaka Anahy, ³⁰ mba ho afaky hihina sy inindrano eo amigne latabatriko agny amigne amigne fanjakako enareo, ary hidoboky eo amigne seza masigny hitsara gne fokon'Israely roy ambiny folo enareo. ³¹ Simona, Simona, mitandrema, mitady hahazo amareo Satana, maniva akoigne vary. ³² Fa nivavaka ho anao Iaho, mba tsy ho faty gne finoanao. Afaranigne hipodiananao, da ampaherezo gne rahalahanao. ³³ Petera nizaka taminazy hoe: "Tompo, vonogny gne hiaraky Aminao iaho na agny am-ponja na ho agny amigne fahafatesa." ³⁴ Jesosy namaly hoe: "zakaiko aminao, ry Petera, hagneno gn'ako am'izà andro izà, alohanigne handavanao Enahy intelo hoe mahafantatry Enahy enao." ³⁵ Da nizaka tamindreo jesosy hoe: "rehefa nandefa anareo tsy niaraky tamigne fagnisia vola, findesa vatsy, na kiraro Iaho, nisy raha tsy ampy anareo me?" Namaly indreo hoe: "tsy nisy." ³⁶ Da nizaka tamindreo Izy hoe: "fa izao, izay mana fagnisiam-bola, angala an'izà, ndre fagnisia vatsy evako. Izay tsy mana sabatry da tokony hivarotry gne lambany ary hividy raiky. ³⁷ Fa Iaho mizaka aminareo, izay vosoratry momba Anahy da tsy maintsy tanteraky: 'izy da norery akoigne raiky am'ro tsy magnara dalàgna.' Fa izay nozakay aloha gne momba Anahy da efa ho tanteraky." ³⁸ Da nizaka indreo hoe: "Tompo, iteo! Itoa misy sabatry roy. "namaly endreo Izy hoe: "Ampy izà." ³⁹ Tafaranigne sakafo, da nandeha Jesosy, akigne faniny matetiky, tagny amè vohitràbon'Oliva, ary nagnaraky Anazy gne mpianatry. ⁴⁰ Rehefa avy indreo, da hoy Izy tamindreo: "mivavaha mba tsy hidiranareo amigne fankam-pagnahy." ⁴¹ Niala teo amindreo teo ho eo amigne mitora-bato Izy, da nandohaliky Izy ary nivavaky, ⁴² milaza hoe: "eh Aba, raha sitrakao, da alay aminaha ity kapoky ity. Ndre izà aza tsy gne sitrako, fa gn'Anao gne hany." ⁴³ Da nisy anjely avy tagny an-dagnitry niboda taminazy, nampahery Anazy. ⁴⁴ Ta-gnatine fangirifiria, nivavaky tamigne hafanam-po mafy Izy, ary gne dignitriny da lasa akoigne rà latsaky an-tany. ⁴⁵ Ary rehefa nitsanga avy nivavaky Izy, da lasa nandeha amigne mpianatry, ary nahita andreo natory nohonign'alahelondreo, ⁴⁶ ka nagnontany andreo hoe: "nagnino enareo matory? Mitsangàna ary mivavaha, mba tsy hidiranareo amigne fakam-pagnahy." ⁴⁷ Raha mbola nizaka Izy, nisy vahoky niboda, niaraky tam'i Jodasy, raiky tamin'ireo roy ambiny folo, nitariky andreo. Nagnakeky an'i Jesosy izy mba hagnoroky Enazy, ⁴⁸ fa Jesosy nizaka taminazy hoe: "Jodasy, mamadiky gne Zanak'Olo amign'oroky me enao?" ⁴⁹ Rehefa nahita gne zava-nitranga ireo izay nagnodidy an'i Jesosy, da nizaka indreo hoe: "Tompo, tokony hamely amign'antsy lava lela ve iahay? ⁵⁰ Avy eo gne raiky tamindreo namaly gne mpanomponè mpisorona be, ary nnapaky gne sofiny akavana. ⁵¹ Jesosy nizaka hoe: "ampy izay!" Nokasihiny gne sofiny, ary notsaboiny izy. ⁵² Jesosy nizaka tamigne lohanigne mpisorona, tamigne kapitenè tempoly, ary tamigne loholo izay avy nanohitry Anazy hoe: "avy akoy gn'aninè hanambotry npangalatry me enareo, miaraky amign'antsy lava lela sy langilangy? ⁵³ Tam'Iaho niaraky taminareo isan'andro tao an-tempoly, tsy nanambotry Anahy enareo. Fa izao gne oranareo, sy gne fahefane mizy." ⁵⁴ Teo ampanambora Anazy, da notarihindreo Izy, ary nindesindreo tagny andragnone mpisoronabe. Fa Petera nagnaraky avy egny amigne lavidavitry egny. ⁵⁵ Rehefa avy nampianatry afo t'ategnategnane tokotany indreo, da nidoboky t'ategnategnandreo Petera. ⁵⁶ Nisy mpanompo vavy raiky nahita anazy raha nidoboky tamigne fahazavane gn'afo izy, ary nagnety mahitsy enazy sy nizaka hoe: "ity lelahy ity koa da niary taminazy." ⁵⁷ Fa petera nandà an'izà, nizaka hoe: "eh raviavy, tsy fantako Izy." ⁵⁸ Afaky kidikidy da nisy olo hafa nahita anazy, ary nizaka hoe: "Enao koa raiky amindreo." Fa Petera nizaka hoe: "eh ralehilahy, tsy izy iaho." ⁵⁹ Rehefa afaky adiny raiky teo ho eo da nisy lelahy hafa nagnizingizy sy nizaka hoe: "marigny fa niaraky taminazy koa ity lelahy ity, fa izy da Galiliana." ⁶⁰ Fa Petera nizaka hoe: "eh ralehilahy, tsy fantako gne raha zakainao." Tampotampoky teo, raha mbola nizaka izy, da nisy akoho nagneno. ⁶¹ Nidodoky, gne Tompo nagnety an'i Petera, ary Petera nahatsiaro gne zaka taminazy hoe: "alohanign'agnenoany gn'akoho da andà Enahy intelo enao." ⁶² Nivoky tagny ivelany Petera ary motagny mafy. ⁶³ Ary ireo lelehy niamby an'i Jesosy da nagnikeky sady nanapoky Anazy. ⁶⁴ Nisendreo sarogny Izy ary nagnotany Anazy indreo, nizaka hoe: "maminania! Ia gn'olo nanapoky Anao? ⁶⁵ Nizaka raha hafa maro hanohitry an'i Jesosy indreo, nizaka ratsy Anazy. ⁶⁶ Raha vô nazava gn'andro, da niara-nivavaky, gne lohane mpisorogny sy gne mpanora-dalàgna. Nindesindreo tagny amigne Synedriona Izy ⁶⁷ ary nizaka hoe: "raha Enao gne Kristy, da zakay aminay." Fa Izy nizaka tamindreohoe: "raha hozakaiko aminareo, da tsy hino enareo," ⁶⁸ ary raha hagnotany anareo Iaho da tsy hamaly enareo. ⁶⁹ Fa manomboky izao, gne Zanak'Olo da hipetraky eo amè tagna akavanane herinè Zagnahary." ⁷⁰ Izy aby nizaka hoe: "da zanakè Zagnahary zany Enao?" Jesosy nizaka tamindreo hoe: "vôzakanareo fa Iaho gn'Izy." ⁷¹ Indreo nizaka hoe: "nagnino gne mbola mila vavolombelo itsika? Fa itsika mihitsy gne naharè avy tamigne vavany."