¹ Tsy olo maro ro tokony ho lasa mpampianatry, ry rahalahiko. Haintsika fa handramby fitsarà mafy vatany tsika. ² Fa tsika iaby ro ho tafintoha amign'ny fomba maro. Laha misy tsy tafintoha amigny resaky regny, de lelahy matotry tanteraky i, afaky mifehy ndre gnainy raiky manontolo. ³ Laha asiantsika ravaky vy ambaravaragn'ny sovaly mba haneken-dreo antsika, afaky manday gny vatan-dreo raiky manontolo koa tsika. ⁴ Henteo koa fa sambo reo, ndre bevata manao akory, endesign'ny rivo-mahery, abihogn'ny familia tegna kely amign'izay tiagn'ny mpinday azy. ⁵ Manahaky agn'izay koa gny lela de rantsa kely amign'ny vata, kanefa i mihambo raha maro. Henteo koa gny hadiniky gny motro ze mandoro ala be. ⁶ Gny lela koa manahaky motro, tontolo gny fahota napetraky tamign'ny ratsan-batantsika. Zay ro magnisy pentipenty gny vata raiky manontolo sady mandoro gny lalam-piaigna. Arehitry gny helo gnainy. ⁷ Fa gny karazam-biby lia iaby, voro, biby milaly, sy zava-boahary Ndragnahary ro folaky sady nofolahign'olombelo. ⁸ Fa momba gny lela, tsy misy olo mahavita mamolaky zao. Io ro raty tsy hay fehezy, feno poizy mahafaty. ⁹ Amin'io ro hiderantsika gny Tompo sy gny Ray, mbo amin'io koa ro hanozonantsika olo, ze natao nitovy tamin-Ndragnahary. ¹⁰ Baka amign'izay vava zay avao ro hibohagn'ny fitahia sy fagnozona. Ry rahalahiko, tsy tokony hiseho raha iaby reo. ¹¹ Moa gny loharano va mamoaky rano mamy sy mafaitry baka amign'ny fiboahany? ¹² Moa gny hazogn'ny aviavy va, ry rahalahiko, mamoha oliva? Na gny voaloboky, mamoa aviavy? Gny rano masira koa tsy afaky hagnome rano mamy. ¹³ Ia ro hendry sy mahay agnivonareo eo? Ambelao zay olo zay hampiseho fiaigna soa amign'asany amign'ny fanentren-tegnan'ny fahendrea. ¹⁴ Fa laha mana fialogna mangidy nareo sy fagnirian-daza am-ponareo, ka mihambo na mavandy magnohitry gny marina. ¹⁵ Zay tsy fahendrea nijotso baka agnabo any. Fe koa, avy amign'ny tany, gny tsy ara-pagnahy, ¹⁶ gny devoly zay. Fa agny amign'izay misy fialogna sy fagnirian-daza, de misy fifanjevoa sy fagnaova gny raty iaby. ¹⁷ Fa gny fahendrea baka agnabo any de malio, feno fiadagna, malemy fagnahy, mihevitry gny hafa, feno famindram-po sy vokatry soa, tsy malemy, sady tsotra. ¹⁸ Gny vokatry gny fahamarigna de vofafy am-piadagna agnivon'izay mampihava.