¹ Ry rahalahiko, ka mitaha gny finoa an'i Tompontsika Jesosy Kristy, Tompony gny voninahitry, amign'ny fiagara amign'olo sasany. ² Ataovy hoe misy olo militsy ao amin'ny fivorianareo manao peratry volamena sy siky soa, ary misy lehilahy mahantra koa militsy manao akanjo maloto. ³ Raha mijery an'ny olo misiky soa io iha ary mivola azy hoe: ''Azafady mipetraha eo amin'ny toera soa'', fa hivola amign'ny lehilahy mahantra io aho hoe: ''Mitsangana eroy iha'', na hoe: ''Mitoboa amign'ny tomboko eto,'' ⁴ ka tsy mifampitsara aminareo ianareo va? Moa tsy lasa mpitsara amign'ny eritseri-dratsy nareo? ⁵ Mijanjina, ry rahalahy malalako, tsy fa nofilian-Dragnahary va gny mijaly amign'izao tontolo izao mba hanankarena amign'ny finoa sy mba ho mpandova ny fanjakana izay nampanantenain'ireo izay tia Azy? ⁶ Fa nareo nanala baraka gny mijaly! Moa va tsy gny mpanan-karena no Ka tsy gny mpanan-karena va ro mampijaly anareo? Moa tsy reo va no mitariky anareo ho amin'ny fitsaraha? ⁷ Ka mbo tsy reo avao va nagnaraty gny anara soa izay nanareo? ⁸ Ndre eo avao koa izay, laha manaraky gny lily gny mpanjaka nareo, araky gny Soratry Masina hoe: ''Tiavo gny namanao manahaky ny fitiavanao gny vatanao,'' dia manaova gny soa nareo. ⁹ Fa laha magnome sitraky gny olo sasany nareo, dia manota, ka voaheloky toy gny mpandika lily iaby. ¹⁰ Fa na ia na ia mankato gny lily iaby, nefa lavo amign'ny lala raiky monja, de ho meloky amign'ny lala iaby. ¹¹ Ka azy nivola hoe: ''Aza mijanganjanga,'' nivola avao koa hoe:''Aza mamono olo.'' Raha tsy mijangajanga nareo, nefa mamono olo, dia mandika gny lily. ¹² Noho zay mivolagna sy manaova manahaka azy ho tsaray reo amign'ny lily gny fahafaha. ¹³ Fa gny fitsaraha dia ho avy tsymisy famindram-po amin'ireo izay tsy naneho gny famindra-po. Ary gny famindra-po de mandresy gny fitsarana. ¹⁴ Ino moa gny soa, ry rahalahiko, raha mivola gny olo raiky fa manam-pinoa Izy, nefa tsy misy asa? Afaky hamonjy azy va zay finoa zay? ¹⁵ Ataovy hoe misy rahalahy na anabavy raty fisikina sy tsy ampy hany isan'andro. ¹⁶ Atavoy hoe misy raiky aminareo mivola amindreo hoe: ''Mandehana am-pilamina, manaova mafan ary mivokisa.'' Raha tsy magnome andreo gny raha ilany ho amign'ny vata nareo, ka ino no mahasoa an'izay? ¹⁷ Manahaka an'izay koa gny finoa, raha tsy asa izay, laha maty. ¹⁸ Kanefa misy olo mivola hoe:''Manam-pinoa iha, ka izaho managnasa.'' Atoroy ahy gny finoanao tsy misy asa, fa hatoroko anao koa gny finoako amign'ny alalan'ny asako. ¹⁹ Mino iha fa raiky avao Dragnahary; soa raha ataonao zao. Fa na reo domonia aza mino koa, ka mavozo koa reo. ²⁰ Teanareo ho hay va, ry lehilahy adala, fa gny finoa tsy misy asa dia tsy misy ila azy? [Fanamariha: gny dikan-tsafa taloha sasany dia mamaky hoe:''Tianareo ho hay va, ry lehilahy adala, fa manino gny finoa tsy misy asa no maty?''] ²¹ Tsy tamign'asa koa va nagnamariha an'i Abrahama raintsika fa nanolotry an'Isaka gnanakiny lehilahy teo amign'ny alitara i ? ²² Hitanao fa gny finoa ro niasa niaraky tamign'ny asany, ary amign'ny asa ro nivoatra tanteraky gny finoany. ²³ Tanteraky gny soratsy Masy zay mivola hoe: ''Adrahama nino an'Andrianagnahary, ka nisay taminy ho fahamarina zay.'' Ary I nikeky hoe: Sakaizan'Andrianagnahary. ²⁴ Jerinareo zao fa amy gn'asa ro hanamarina gny olo, fa tsy amy gny finoa avao. ²⁵ Toy zao koa, Rahaba mpivaro-tene tsy nohamarina tamy gn'asa koa va I, Lafa nandramby reo raiky voho nandefa andreo tany lalan-kafa? ²⁶ Fa maty gny vata laha misaraky any gny fagnahy toy zao avao gny finoa tsy misy asa là maty.