¹ Bakaia ro niavia ny aly sy fifagnolaha aminareo io?Sa va tsy avy bakam'ny fanirianareo amy mpikamba an'anivonareo? ² Maniry nareo nefa tsy mana.Mamono sy mitsiriritry gnareo,nefa tsy afaky ahazo.Mialy sy mifamono gnareo.Tsy mana gnareo satria tsy magantaky. ³ Mangataky nareo fa tsy mahazo satria raty fangataky,mba ahafahagnareo mampiasa anizay aminy faniriagnareo. ⁴ Gnareo mpinjangajanga io!Vasa tsy hainareo fa ny fiaraha amy zao tontolo zao ro firafesa amin-Dragnahary?Fa na ia na ia ro te hiaraky amy zao tontolo zao de manao naina ho tsy naman-Dranahary. ⁵ Vasa gnareo mandiniky hoe ny Soratry Masina mivola raha tsisy dikany,hoe:"Gny fanahy natao hiai amy ntsika ao va sarom-piaro mare?" ⁶ Fa Ndranahary manome fahasoava bevata mare,lafa zay,hoy ny Soratry Masina hoe:" Ndragnahary manohitry ny mpihebohebo,fe magnome fahasoava gny mpanetry tena" ⁷ ka manennky an-Dragnahary.Tohero ny devoly,fa hilay agnareo i. ⁸ Mankarignia an-Dragnahary,fa hankarigniky agnareo I.Diovo gny tanagnareo,diovo gny fognareo,nazy mpihozongozo sai. Malahelova,misaona,ary mitania!Ao gny fihomeheza ⁹ gnareo hivaliky fitania,de gny fifalia gnareo hivaliky mangonitry. ¹⁰ Manetrea tena amy Tompo eo,fa hasondrotsigny gnareo. ¹¹ Ka mifagnaraty gnareo,rahalahy.Gny olo magnaraty ny rahalahiny na mitsara ny rahalahiny ro manohitry gny lily sady mitsara gny lily.Laha mitsara gny lily gnareo,de tsy mpangneky gny lily,fa mpitsara. ¹² Raiky avao gny manome gny lily sy mitsara.I nazy raiky afaky mamonjy sy mandringa.Ia moa iha io,gnazy mitsara gnamanao ? ¹³ Ka midrandrina,gnareo gnazy mivola hoe:"Zao na hamaray ro hilitry amy tana io tsika,hijano tao raiky any,hanao varotry,sady hangala tombony." ¹⁴ Ia ro mahay gny raha hiseho hamaray,ino gny fiaignanareo?Fa zavo potitry betibety gnareo bakeo rava. ¹⁵ Fe koa,tokony hivola gnareo hoe:"Laha sitrapogny Tompo,de ho velo tsika sady hagnao an'tya sy hagnao an'iroy." Henaniky zao gnareo mirehareha amy tetiky ¹⁶ mihebohebo.Gny firehareha manao anizay dia raty. ¹⁷ Ka ho agny zay tsy mahay manao gny soa,de ho voaheloky ho azy i.