¹ Koa laha Ndragnahary ro nananga nareo niaraky tamy Kristy, Ilao reo laha agny ambony, zay ifitahagn'i Kristy eo an-tagnan-kavagn-Ndragnahary. ² Eritrereto reo laha agny ambony, fa tsy reo raha eto an-tany. ³ Fa efa maty nareo, gny fiaignanareo mivony miaraky amy gn'i Kristy ao amy gny Ndragnahary. ⁴ Lafa miseho i Kristy, zay fiaignanareo, nareo hiara-hiseho amigny ao amim-bonignahitry. [Fanamariha egny ambany gny pejy: reo dikan-tsafa taloha sasany mivola hoe: ''Lafa miseho Kristy, zay fiaignanareo, nareo avao koa hiara-hiseho miaraky amigny am-boninahitry.] ⁵ Vonoy,bakeo, reo mpikamba zay eto an-tany gny filan-draty, fahalotoa, fireheta gny fila,faniria raty, ary fahatenda,ze fanompoan-tsampy. ⁶ Lafa regny raha regny ro haha avy gny fahasiakiany Ndragnahary amindreo gnanaky gny tsy fankatoava. [Fanamaria egny ambany gny pejy: Gny dikan-teny taloha sasany mivaky hoe: ''Lafa regny raha regny ro maha avy gny fahasiakian-Dragnahary.''] ⁷ Tao amindreo raha zay nandehanareo regny taloha avao koa lafa mbola miay tao amindreo nareo. ⁸ Fa hanakizao nareo tsy maintsy manary regny raha iaby regny raha iaby regny fahasiakany, fahavignira, reo fikasan-dratsy, reo fanevateva safa fahavetaveta baka amign'ny vavanareo. ⁹ Ka mifagnavandy,fa efa ragnirianareo gny toetry taloha miaraky amindreo fampiara zay. ¹⁰ Ary nisikinanareo gny toetry vaovao zay nohavaozy ao amy gny fahalala araky gny endry zay namoroa azy. ¹¹ Ao amy zay tsy misy Grika voho Jiosy, voatapaky voho gny tsy voatapaky, barbariana, Skytiana, andevo, olo afaky, fa i Kristy ro iaby, sady ao amign'ny iaby. ¹² Ka misiky araky gny maha-olom-boafilin-Dragnahary, masy sady malala, famindram-po, hatsaram-pagnahy, fanetrehan-tena, fahalem-pagnahy, fahareta. ¹³ Mifandrambesa soa, mifamelà. Lafa misy olo raiky mana tsetse mankasiky gny olo hafa, mamelà azy toy zay namelany Tompo amareo. ¹⁴ Agnambonareo raha iaby zao, managnà fiteava, zay mifehy antsika amy gny fonareo. ¹⁵ Aoka gny fiadagann'i Kristy hagnapaky ao amign'ny fonareo. Fa ho an'zay fiadagna zay ro nikaihany anareo ho vata raiky. Sady misaora. ¹⁶ Aoka gny fiadagnan'i Kristy hanapaky ao amy gny fonareo. Amy gny fahihira iaby tokony mifampianara, mifagnanara amindreo salamo voho fihira, hira ara-pagnahy. Mihirà amy gny fisaora ao am-ponareo ho an-Dragnahary. ¹⁷ Ndre ino ndre ino ataonareo, ndra any gny teny ndra any gn'asa, fa ataovy amy gn'agnarany Tompo Jesosy gny raha iaby. Magnomeza fisaora ho an-Dragnahary lay Ray amy gny alalany. ¹⁸ Nareo ampela, magneke gny valinareo, zay ro mety ao amign'ny Tompo. ¹⁹ Nareo johary, teavo gny valinareo ka masiaky amy nareo. ²⁰ Nareo agnaky, magnekea gny ray aman-dreninareo amy gny raha iaby, fa zay ro ankasitraha ao amy gny tompo. ²¹ Nareo Baba, ka manao zay mampalahelo reo gnanakinareo, mba tsy ho kivy reo iaby. ²² Nareo andevo, manekea gny tomponareo araky gny nofo dreo raha iaby, tsy amy gn'asa eo imaso toy zay olo mpila sitraky, fa amy gny fo tsotra. Mavosoa gny Tompo. ²³ Ndra ino ndra ino ataonareo, miasà avy amy gny fagnahinareo toy gny ho any Tompo fa tsy ho any olo. ²⁴ Hainareo fa nareo handramby gny valisoa gny lova avy amy gny Tompo. I ro Tompo Kristy zay tompoinareo. ²⁵ Fa zay manao gny tsy fahamaria handramby gny heloky ho any gny tsy fahamaria zay nataony, tsy misy fijerevan-tava.