¹ Nareo Tompo, omeo reo andevo zay marina voho rariny. Hainareo fa nareo koa mana Tompon raiky any an-dagnitry. ² Mahareta mandrakariva amy gny fivavaha. Miambena amign'zay amy gny fanomeza fisaora. ³ Miaraha mivavaky ho anay avao koa, mba hanokafagn-Dragnahary varavara ho any teny, mba hagnambara gny fahamarina miafin'i Kristy. Noho zao, voafatotry zaho. ⁴ Mivavaha mba ahafahako magnazava zao lafa tokony hivola zaho. ⁵ Mandeha amy gny fahihira agny amindreo zay agny ivelany, araraoty gny fotoa. Aoka gny safa nareo hiaraky amy gny fahasoava hatrany. ⁶ Aoka reo ho vonton-tsira, mba hahafahanareo mahay gny fomba tokony hamalianareo gny olo kiraikiraiky. ⁷ Lafa reo raha mankasiky ahy io, là i Tykyko ro hampahay nareo. I, rahalahy malala, mpanompo matoky, mpiara-manompo ao amy gny Tompo. ⁸ Nalefako agny aminareo I noho zao, mba ahafahanareo mahahay gny raha mankasiky anay, sady mba ahafahany mampahery gny fonareo. [Fanamariha agny ambany gny pejy: reo dikan-tsafa sasany taloha mivaky hoe: ''nalefako agny aminareo I noho zao mba ahafahany mahay reo raha momba nareo, mba ahafahany mampahery gny fonareo.''] ⁹ Nalefako I niaraky tamign'i Onesimosy, lay rahalahy mahatoky sady malala, zay raiky aminareo. I reo ro hivola aminareo gny raha iaby zay fa niseho taty. ¹⁰ Aristarko, lay miara-migadra amiko, miarahaba anareo, tahaky zay koa i Marka, longogn'i Barnabasy (zay nahazoanareo baiko, raha mandeha any aminareo I ka mba raiso}, ¹¹ sady Jesosy avao koa zay nikaiky hoe Josto, reo avy amy gny voatapahy reo avao ro mpiara-miasa amiko ho any gny fanjakan-Dragnahary. Fampionona ho ahy I reo iaby. ¹² Epafra miarahaba anareo. Raiky aminareo mpanompon'i Kristy Jesosy. Nitolo am-bavaky ho anareo avao I, mba hahatanteraky anareo hahazo antky tanteraky ao amy gny sitrapon-Dragnahary iaby. ¹³ Fa mijoro vavolombelo ho azy zaho, fa miasa mafy ho anareo I voho ho anareo agny Laodika, ho anareo zay agny Hierapolia. ¹⁴ Lioka lay mpitsabo malala voho Demasy manao nahoa nareo. ¹⁵ Ataovy nahoa reo rahalahy agny Laodika voho Nymfa, sady gny fiangona zay ao am-tsagnony. ¹⁶ Lafa voavaky ao aminareo ity taratasy ity, ataovy vakiny ao amy gny fiangonany Laodikiana avao koa, ataovy vavakinareo avao koa gny taratasy avy agny Laodika. ¹⁷ Ambarao i Arikipon hoe: ''Tandremo gny asa fanompoa zay norambesiny tao amy gny Tompo, fa tokony ho tanterahinareo zay.'' ¹⁸ Ity fanaovam-beloma ity ataony gny tanako manokany-Paoly. Tiarovy gny fifehezako. Ho aminareo anie gny fahasoava.