¹ Tiako ho hainareo gny habevata gny tolo nataoko ho anareo, ho an-dreo a Laodikia, sy ho agn'ireo maro mbo tsy nahita gny tarehiko tamign'ny nofo. ² Miasa aho mba hampahery gny fon-dreo amign'ny fampiraisa an dreo miaraky amign'ny fitiava sy harea iaby amy gny fahalala azo antoky, ho amin'gny fahalala gny fahamarigna mivonin-Dragnahary, zany hoe, i Kristy. ³ Aminy ao gny harea gny fahendrea sy ze fahalala iaby mivogny. ⁴ Mivola agn'izay aho mba tsy hisy hitariky anareo amign'ny lahateny mandresy lahatsy. ⁵ Ndre tsy miaraky aminareo amy gny nofo aza aho, de miaraky amy nareo amign'ny fagnahy. Faly aho mahita gny filaminanareo, soa, sy gny tanjaky gn'ny finoanareo an'i Kristy. ⁶ Laha nandramby an'i Kristy Tompo nareo, de mandehana aminy ao. ⁷ Mifotora mare aminy, mioregna amign'ny finoa ze fa nampianary anareo sady mazotoa manome fisaora. ⁸ Mitandrema mba tsy hanenga olo hisambotry anareo amin'gny alala n'ny filozofia na gny fitaky araky gny fanao gn'olo, ze magnaraky gny endrikin'izao tontolo zao, fa tsy araky gn'i Kristy. ⁹ Fa aminy ao ro mitoetra gny fahatsara gny tenan-Dragnahary iaby. ¹⁰ Feno nareo aminy ao. I ro loha gny hery sy fahefa iaby. ¹¹ Tamigny tao koa nareo ro noforay tamign'ny famorà ze tsy natao gn'olombelo amin'gny fagnesora gny nofo amign'ny vata, fa tamin'gny famoragn'i Kristy. ¹² Niaraky nalevy taminy tamin'gny batisa nareo, sady taminy tao ro nanangana anareo tamin'gny alala n'ny finoa maheri-Ndragnahary, ze nananga azy tamin' gn'ireo maty. ¹³ Taminareo maty tamin'gny fahota sy gny tsy fahavitagn'ny nofonareo gny famorà, i ro namelo anareo niaraky tamigny sy namela antsika tamign'ireo fahotantsika iaby. [Fagnamariha: misy dikan-teny taloha sasany mivaky hoe: "ka namela gny fahotantsika iaby"] ¹⁴ Nifinafany gny rakitsoratrign'ny trosam-pagnafaha sy reo fitsipiky nifagnohitry tamintsika. ¹⁵ Nirambesigny raha iaby zao ka nifantsihiny tamin'gny hazo fijalia. Nirambesigny koa reo hery sy fahefa, ka i ro nanao fampisehoa ampahibemaso an-dreo, nandresy mihoatry an-dreo tamin'gny hazo fijalia. ¹⁶ Koa, ka ambela hitsara anareo na amin'gny fihinana na amin'gny fisotroa, na amign'andro fety na amign'ny vola vaovao, na amign'andro Sabata. ¹⁷ Zay ro aloky gny raha ho avy, fa gny tena i de i Kristy. ¹⁸ Ka enga hisy ndra ia ndra ia ze mila gny fanetren-tena sy gny fideran'ny anjely hitsara anareo ka tsy hahazoanareo gny lokanareo.Gn'olo manahaky anizay miditry amin'gny raha hijery hitany, manjary misehiseho amin'gny fisay gny nofony. ¹⁹ Tsy mitazo gny lohany i. Zay baka amy gny loha nomen-Dragnahary gny vata manontolo manera ireo vanin-taolany voho gny hozany zay magnome ka mita zay iaby zay mitambatry;zay mihamaro amin'gny firoboroboa nomen-Dragnahary . ²⁰ Laha maty niaraky tamign'i Kristy nareo tamign'ny endriky gny zao tontolo zao,nagnino nareo ro miay manahaky gny voafehy amin'gny tany: ²¹ "Ka mba mihodiky,ka magnandra ka mikasiky"? ²² Zay raha iaby zay ho any fahalova ,araky gny torolala voho gny fampianara gnolombelo. ²³ Regny fitsipiky regny mana fahihira gny momba gny fivavaha,gny fanolora-tena gny vatany.Fa nareo tsy manan-danja amin'gny fanohera gny fandefera gny fila gny vata.