¹ Ary farany, ry rahalahy, mahery sy magnanatra anareo ahay ao amin'ny Tompo Jesôsy. Raha nahajo ireo fampenarana laha tamin-dreo mahakasika ny fomba tsy mentsy handihananareo sy hamalifalenareo an'Andriamanitra, ny amin'io làlagna andihanana io mandy koa, die mba amboaranareo mihôtre ijany. ² Fa anareo die mahafantatre ireo fampenarana ijay namenay anareo tamin'ny alalan'i Jesôsy Tompo ³ Fa ijao no sitrapon'Andriamanitra, die ny hagnamasignana anareo, mba hienganareo amin'ny fijangajangana, ⁴ ijay ahafataran'ny kiraidraike lahataminareo ny fomba ajahôna ny fanaky ny tegnany ao amin'ny fahamasignana sy voninahitre, ⁵ tsy amin'ny filan-drasy ( Hôtran'ireo Jentilisa ijay tsy mahafantatra an'Andriamanitre). ⁶ Ôka tsy hisy olo handika na hagnaratsy ny rahalahiny amin'ijany. Fa ny Tompo namaly amin'iregny raha-abiaby regny, hôtran'ny nampitandremanay meloha sy nijorônay vavolombelogna taminareo. ⁷ Fa Andriamanitra die tsy nangaika anay amin'ny fahalotôna, fa amin'ny fahamasignana. ⁸ Noho ijany, ijay tsy magneky ijany die tsy magneky olo, fa Andriamanitra, ijay nagnome ny Fagnahy Masina hôn'areo. ⁹ Mahakasikan'ny fifankatiavan'ny mpirahalahy, tsy mila olo hafa anareo hanoratra hôn'areo, fa anareo tegnanareo die nampenarinan'Andriamanitra mba hifankatia. ¹⁰ Amboarinareo tokôtre ijany, hôn'ireo rahalahy abiaby ijay magneragna an'i Makedomia. Fa ahay die magnanatre anareo, ry rahalahy, mba hagnano mihôtre. ¹¹ Magnanatre anareo mandy koa ahay mba hiaigna am-pilamignana, handinike ny makasikeanareo manokagna, ary hiasa amin'ny tanagnareo, araka ny nandidienay anareo, ¹² mba hanagnanareo fitondran-tegna tsara eo agnatrehan'ireo tsy mino ary tsy hisy raha hampahory. ¹³ Fa tsy tienay tsy ho fantatrareo, ry rahalahy, ny mahakasika ireo ijay efa mate, mba tsy hampalahelo anareo hôtran'ireo ambine ijay tsy magnantegna ny ho avy. ¹⁴ Fa laha mino antsena fa Jesôsy die mate ary nitsangana indraike, die hôtran'ijay koa no hitondran'Andriamanitra miaraka amin'i Jesôsy ireo ijay efa maty tao amin'Aje. ¹⁵ Fa ijao no jakainay aminareo ao tamin'nyjakan'ny Tompo, fa antsena ijay velogna, ijay sisa nivela amin'ny fevian'ny Tompo, die tsy heloha tokôtre ireo ijay efa mate. ¹⁶ Fa ny tegnan'ny Tompo no hijotso hatagny an-dagnitre. Ho tonga miaraka amin'ny feo agnambo Ijy, miaraka amin'ny feon'ny Arkanjely, ary miaraka amin'ny trompetran'Andriamanitra, ary ny maty ao amin'i Kristy no hitsangagna vôlohane. ¹⁷ Avy eo antsena ijay velogna, ijay sisa nivela, hiaraka hiakatre amin-dreo egny amin'ny rahogna ka hifankahita amin'ny Tompo egny amin'ny habakabake. Amin'ijany die hiaraka amin'ny Tompo fehijay antsena. ¹⁸ Noho ijany, mifampahereja amin'ireo jaka ireo.