¹ Ankehitriny mikasika ireo fotôgna sy ireo vanim-potôgna, ry rahalahy, tsy mila n'ino na ino vôsoratre ho anareo ianareo. ² Fa ianareo tegnanareo mahalala tsara fa andron'ny Tompo die ho avy hôtrin'ny mpangalatra amin'ny aligna. ³ Laha mijaka areo."Miadagna sy milamigna," die fahapotehana tampoka no ho avy amin-dreo. Ho tahaka ny fahararian'ny viavy betroke laha miteraka ijany tsy ho afa-milefa mihitsy areo. ⁴ Fa anareo, ry rahalahy, dia tsy ao anatin'ny henjigna ka hahatratra anareo tampoka hôtran'ny mpangalatra ny andro. ⁵ Fa anareo abiaby dia janaky ny majava sy ny andro. Tsy janaky ny aligna antsena na ny henjigna. ⁶ Noho ijany dia andao antsena tsy hoandry hôtrin'ny fataon'ny ambiny. Fa koja ôka antsena hiambigna tsy hahonon-tegna. ⁷ Fa ireo ijay mandry dia magnano ijany amin'ny aligna, ary ireo ijay mamo dia magnano ijany mandy koa amin'ny aligna. ⁸ Fa laha mbola amin'ny andro antsena die tsy mentsy mahonon-tena antsena ary mitafy finôna sy fitiavana ho fiarovan-tratra, ary antoky ny famonjena amin'ny ho avy ho fiarovan-dohantsena. ⁹ Fa Andriamanitra tsy nanendre antsena ho amin'ny fahavignirana, fa hahajahôna ny famonjena amin'ny alalan'ny Jesôsy Kristy Tompontsena. ¹⁰ Ijy ilay maty ho antsena, na mahatsiaro antsena na mandry. die afaka miara-miaigna amin'Ajy. ¹¹ Ka noho ijany mifampionona sy mifampahereja anareo, hôtrin'ny efa nataonareo. ¹² Mangataka aminareo ahay, ry rahalahy, mba hagnekenareo ijay mikely aigna aminareo sy mitondra anareo amin'ny Tompo ary magnanatre anareo. ¹³ Mangataka anareo mandy koa ahay mba hagnaja an-dreo am-pitiavana noho ny asan-dreo. Mihavagna amin'ny tegnanareo. ¹⁴ Magnanatre anareo ahay, ry rahalahy: mampitandrema ny fikorotagnana, hampaherejo ireo kivy, ampio ireo malemy, mahareta amin'ny abiaby. ¹⁵ Indro tsisy olo mamaly ratsy ny ratsy na amin'ija na ija. Fa koja, mitadiava ijay tsara ho an'ny tsirairaike sy ho an'ny abiaby. ¹⁶ Mifalia mandrakariva. ¹⁷ Aja mitsahatre mivavaka. ¹⁸ Misaora amin'ny raha abiaby. Fa ijany no sitrapon'Andriamanitra ao amin'ny Kristy Jesôsy ho anareo. ¹⁹ Aja mamono ny Fagnahy. ²⁰ Aja manao tsinontsinona ireo faminaniana. ²¹ Andramo ny raha abiaby. Mifikira amin'ijay tsara. ²² fadio ireo fisehoan'ny ratsy abiaby. ²³ Andriamanitry ny fiadagnana anie hampahamasina anao tanterake. Öka ny fagnahinareo manontolo, ny aigna, ary ny vatagna, die ho tehirijina tsy hanan-tsiny ho amin'ny fahatongavan'i Jesôsy Kristy Tompontsena. ²⁴ Mahatoky ijy ilay nangaike anao, ilay raike ijay hagnano ijany mandy koa. ²⁵ Ry rahalahy, mivavaha mandy koa ho anay. ²⁶ Arahabao amin'ny fagnorohana masina ny rahalahy abiaby. ²⁷ Mangataka aminareo amin'ny Tompo aho mba ho vakiana amin'ny rahalahy abiaby itoy taratasy itoy. ²⁸ Ho aminareo anie ny fahasoavan'ny Jesôsy Kristy Tompontsena.