¹ Tonga takaigne ampitan-dranomasina zareo, takao amin'ny faritr'i Garasena. ² Rafa niala avy takao ami'le sambokely Jesosy ava hatraigny de nisy leila raika vôn'ny fagna ratsy nagnatogna anazy avy takaigny ami'le fasana ³ Nentotra takagny ami'le fasagna le leila. Tsisy afaka nitana an'azy tsony, na de tamina rojo vy aza. ⁴ Vôfatotra im-betsaka tamigna gadra vy sy rojo vy notapagny le rojo vy ary potika reo gadra vy. Tsisy nanagna hery nife anazy. ⁵ Isan'alina sy isan'andro takaigny amireo fasagna sy takaigny an-tanety, de mikikika izy ary nandratra ny tegnany tamina vato varangitra. ⁶ Rafa natazagna an' Jesosy avy talavitra izy de niazakazaka nankeo amin'Azy ary nenkoka takeo alôny. ⁷ Ary nika tamina feo mahery izy hoe: "Inona ma ny ifandraisako Aminao, ry Jesosy zanak'Andriamanitra Agnabo be? Mengavy An'nao amin'ny anaran'Andriamanitra raika za, aza mampijaly ana". ⁸ Fa izy niteny tamin'azy hoe: "Mivoa amin'io leila io, ry fagna maloto". ⁹ Ary Izy nagnotany an'azy hoe: "Iza ny agnaranao?" Ka nivaleny hoe: "Legiona ny agnarako, satria betsaka be zahay." ¹⁰ Ary nengavy mafy tamin'Azy hatraigny hatraigny izy tsy handrôka an'anazy reo avelan'ny faritra. ¹¹ Ary nisy andenan'kisoa niraotra takaigny an-tanety, ¹² ary nengavy tamin'azy zareo, nagnano hoe: "Alefaso ami'reo kisoa zahay; avelao zahay iditra ami'reo. Avelao zahay hiditra akao ami'reo". ¹³ Ka de navelany zareo; ary nivôka reo fagna maloto ka niditra tami'reo kisoa ary avy de nirifatra takaigny amina antsagna ho aigny an-dranomasina reo, ary kisoa takeo amina roa arivo takeo no maty tan-dranomasina. ¹⁴ Nitsoka nilefa reo nampinana ny kisoa ary nitatitra ny ra niseo takao an-tanàna sy takaigny ambanivotra, ary ôla betsaka no nivôka niza ny ra niseo. ¹⁵ Avy takeo zareo nakeo amin'i Jesosy ary itan'jareo le leila nitoran'le demonia, le raika ze nitôran'ny legiona, nipetraka takeo, nitafy ary ampy saigna, ka de natatra 'zareo ¹⁶ Reo ze naita ny ra nitranga tami'le leila nitôran'le demonia de nitantara tamin'jareo ny momban'izany tamin'ny atsipiriny, ary kô nitantara momba an'reo kisoa tami'jareo. ¹⁷ De netomboka nengavy an'jareo mba helany akeo amin'ny faritry zareo. ¹⁸ Rafa hiakatra takao amin'le sambokely Izy, de nengavy tamin'Azy le leila nitôran'le demonia mba hiaraka amin'Azy. ¹⁹ Saigy tsy namela tsy namela an'azy anefa Jesosy, fa nagnano tamin'azy hoe: "Mandiana mody akaigny amin'ny tragnonao sy ny fenakavenao ary tantarao amin'jareo ze nataon'ny Tompo taminao, sy namindrany fo taminao". ²⁰ De lasana nody izy ary nanomboka nagnambara ze ra gedabe ze nataon'i Jesosy tamin'anjy takaigny Dekapolisy, ary gaga ny daôly. ²¹ Ary refa nande takaigny ampita ndre Jesosy, tamin'ny sambo kely, de 'ndreo nisy vahôka betsaka be niangona nagnodidigna an'Azy, ra takeo amorogna ranomasina igny Izy. ²² Avy takeo tonga ny raika mpitarika ny Synagoga, atao hoe Jairo, ka ra vô naita an'Azy, de nentoraka takeo an-tongony. ²³ Nitalao hatraigny hatraigny izy, nagnano hoe: "Marary mafy efa ho foaty ny zanako vevavy. Mitalao aminao za, ave ary apitrao amin'azy ny tagnanao de ho velona izy." ²⁴ De lasana niaraka tamin'azy Izy, ary vahôka betsaka be no nagnaraka sy naniry nagnodidigna anazy. ²⁵ Ary nisy vevavy raika takeo vôn'ny faverezan-drà robefolo taona. ²⁶ Nijaly be tokô izy ary nitety mpitsabo maro sy nandany ny fanagnany daôly, nefa tsy nety sitragna fa vô maika ne ratsy. ²⁷ Rafa naregny reo tatitra momban'i Jesosy izy, de nakao afarany agnaty vahôka izy ary nikasika ny fitafiny. ²⁸ Satria ozy izy hoe: "Ra makasika ny lambany fôgna za, de sitragna". ²⁹ Rafa nikasika an'Azy izy, de nijanona ny faverezan-drà, ary tsapany hatraigny agnatiny fa sitragna izy. ³⁰ Fantatr'i Jesosy niaraka tamin'zay fa nisy hery niala tamin'Azy. Nitodika takaigny amin'ny vahôka Izy ary niteny hoe: "Iza no nikasika ny fitafeko?" ³¹ De namaly an'Azy reo mpianany nagnano hoe: "Itanao reo vahôka marobe mifanisika aminao reo, ka ozy anao hoe: "Iza no nikasika Ana. ³² Fa nijery ny magnodidigna an"Azy Jesosy mba ahitany ze nagnano an'zany. ³³ Le vevavy, nafantatra ze nitranga tamin'anjy, de natatra sy nangitakitaka. Nande izy ary nentoraka takeo agnolônan'i Jesosy ka nilaza tamin'Azy ny marina daôly. ³⁴ De ozy Jesosy tamin'azy hoe: "Anaka, ny finônao no nahasitragna an'nao. Madiana amin'ny fiadanana ary sitragna amin'ny aretinao." ³⁵ Ra mbôla niteny izy, de tonga ny ôla sasagny avy taigny amin'ny mpitarika ny Synagoga, nagnano hoe: "Efa maty ny zanakao. Nahôna no mbôla magnairana ny mpampianatra iany." ³⁶ Fa rafa naregny ny ze nolazain'jareo Jesosy, de ozy izy tamin'le mpitarika ny Synagoga: "Aza matatra.Minoa fôgna iany". ³⁷ Ary tsisy navela niaraka amin'Azy, afa-tsy Petera,Jakoba,ary Jaona ralan'i Jakoba. ³⁸ Tonga taigny an-dragnon'le mpitarika ny Synagoga zareo ary naita ôla nitabataba be takeo izy, nitomagny sy nidradradradra mafy zareo. ³⁹ Rafa niditra ny trano izy, de ozy izy tamin'jareo hoe: "Nagnino anareo no mitabataba sy mitomagny? Tsy maty ny zaza fa matory". ⁴⁰ Nimeme an'Azy zaeo. Nefa navôkany taigny ambelagny zareo daôly ary naka ny ray sy ny renin'ilay zaza sy reo ze niaraka taminazy, ary niditra tamin'le efitra nisy an'le zaza izy. ⁴¹ Noraisiny ny tagnan'le zaza ary niteny tamin'azy hoe: "Talita, Komy!" izay ra adika de hoe: "ragaombavy, miteny aminao za, mitsangàna!" ⁴² Ary avy hatraigny de nitsangana ragaombavy ary nande (satria roa ambefola taona izy) . Talanjogna avy hatraigny izy ereo. ⁴³ Noraràny mafy izy reo mba tsisy na iza na iza afantatra ny momba an'zao. Avekeo de nasainy namena ahanina ra gonbavy.