¹ Mizaka gne marigny ao ame Kristy iao. Tsy mivandy iao, ary gne eritreritro gne vavolombelogny miaraky aminà ao ame Fanahy Masina, ² raha iao da tsy misy alahelo zakabe sy fahoriagne tsy mijanogny agnatin'e foko. ³ Da afaky nagniry iao fa noho gne aminareo rahalàko,raiky karazagny aminà da ho voaozogny ka hisitaky amin'i Kristy gne tegnako. ⁴ Indreo da Israelita. Indreo da managny fananganagny, gne voninahitry, gne fankatoavagny, gne fagnomezan'e lalàna, gne fideragny an'Andriamanitry, ary ireo fampanatenagny. ⁵ Gnandreo da ireo razagny izay nahatonga an'i kristy ho tonga nofo, Izy izay Andriamanitra ambonin'e rehetra. Ho deraigny mandrakizay anie Izy. Amena. ⁶ Fa tsy fôgny zay nampanantegnain' Andriamanitry. Fa tsy zay rehetra avy agny Israely no tegna Iasraely. ⁷ Na ireo taranak'i Abrahama agnaby tsy voatery io avao gne zanany. Fa: "Ame alalan'Isaka gne hiantsoagny gne taranakao." ⁸ Izany hoe, gne zanaky gne nofotry da tsy zanak'Andriamanitry. Fa gne zanaky gne fampanantenagny gne raisigny ho taranaky. ⁹ Fa akoizao gne zakan'e fampanantenagny: "Amin'izany fotoagny zany da ho avy iao, da omegny zazalà Saraha." ¹⁰ Tsy izany avao, fa aveo koa Rebeka hanagn'anaky ame lelà raiky, Isaka raintsika_ fa mbola tsy teraky anefa io zaza io sady tsy ¹¹ mbola nisy raha tsara na ratsy namboariny, mba ho tanteraky gne tanjon'Andriamanitry araky gne fisafidianagny, tsy noho gne asa, fa noho Izy izay miasa_ ¹² Nozakaingy tamin-draviavy hoe: "Gne zokiny da hanompo gne zandriny." ¹³ Akoragn'e voasoratry hoe: "Tiako Jakoba, fa halako Esao." ¹⁴ Ino zany gne hozakaintsika? Misy tsy fahamarinagny me gne miaraky amin'Andriamanitry? ¹⁵ Raha tsy hisy izany. Fa hoy Izy tamin'i Mosesy hoe: "Hamindra fo amin'e tiako hamindragny fo Iao, ary hahafiragny gne tiako firaignesigny Iao." ¹⁶ Noho izany da tsy noho izy mikasa an'izany, na noho izy izay miazakazaky, fa noho Andriamanitry nagnabôky gne famindra-po. ¹⁷ Fa gne Soratry Masina nagnambara tamin'i Farao hoe: "Izany gn'antony gne nagnandratako anao, mba hagnaboako aminao gne heriko, sady mba hagnambaragny gne agnarako eran-tany." ¹⁸ Noho izany, Andriamanitry da mamindra fo amin'zay tiany, ary zay tiany gne ho hamafisigny fo. ¹⁹ Aveo hizaka aminà anareo hoe: "Nagnino da mbola mahita tsigny fezay Izy?" Ia gne mahasakagny gne sitrapony?" ²⁰ Mifanohitra amin'izany, ralehilà, ia lôtry anao mamaly manohitry an'Andriamanitry? Moa gne novolavolaigny afaky hizaka ame mpamolavola hoe: "Nagnino sa naninao ako ity iao?" ²¹ Sa gne mpagnano vilagny tsy managny zo amigne tanimanga ka gne vongagny raiky igny avao gne agnamboragny fitoeragny amign'andro voatokagny, ary fitoeragny raiky hafa koa amign'isan'andro? ²² Akognaia raha Andriamanitry, tagnamboatry gne havignirany sy hampahafantry gne fahefagny, gne niaritry tamim-paharetagny gne fipetrahan'e fahavignirany nomagniny ho ame fahasimbaigny? ²³ Akognaia raha nagnano an'izany Izy mba hampahafantariny gne haren'e voninahiny eo amign'e fipetrahan'e famindram-po, ze efa nomagniny lateo ho amin'e voninahitry? ²⁴ Akognaia raha namboariny ho antsika koa izany, zay natsovany avakoa, tsy hoe ame Jiosy avao, fa ho ame Jentilisa avakoa? ²⁵ Arak'izay nozakainy tao amin'i Hosea avakoa hoe: "Hantsovako hoe oloko zay tsy oloko, sady hoe malalany izay tsy malala. ²⁶ Aveo da agny amin'izay nizakàny andreo hoe: 'tsy oloko anareo,' agny gne agnatsovagny andreo hoe: 'Zanak'Andriamanitry velogny.'" ²⁷ Isaia nagnetso mafy gne ame Israely hoe: "Raha akogn'e fasiky egny ame ranomasigny gne isan'e zanak'Israely, da ho voavonjy zay sisa ambiny, ²⁸ fa gne Tompo hinday gne zakany eto ambony gne tany, feno sady tsy ho ela." ²⁹ Araky gne nozakain' Isaia meloha hoe: "Raha gne Tompo tompon'e maro gne tsy nametraky taranaky ho antsika, da ho ako i Sodoma isika, sady ho lasa ako i Gomora." ³⁰ Ino zany gn'hozakaintsika? Fa ireo Jentilisa, zay tsy nitady gne fahamarinagny, gne nahazo fahamarinagny avy tame finoagny. ³¹ Fa Israely, zay nitady gne lalàgn'e fahamarinagny, da tsy tonga tamin'izany. ³² Nagnino me? Satria indreo tsy nitady izany tame finoagny, fa tame asa. Tafatoin'e vaton'e fanafintohinagny indreo, ³³ araky gne voasoratry hoe: "Hiteo, ao Ziona gne ametrahako gne vaton'e fanafitohinagny sy vatolampin'e fandikan-dalàgny. Zay mino izany da tsy ho megnatry."