¹ Noho izany da tsy misy fagnamelohagny sanaky amin'izao fotoagny izao ho an'e ao amin'i Kristy Jesosy. ² Fa gne fitsipik'e Fagnahin'e fiainagny ao amin'i Jesosy Kristy gne nagnafaky anà tame fitsipiky gne fahotagny izy ame fahafatesagny. ³ Fa gne tsy afaky nanin'e lalàgny nohon'e fahalemen'izany tame nofo, da nanin'Andriamanitry. . Nandefa gne zanany lahy tokagny Izy tamin'endriky nofo feno fahotagny mba ho fagnatitry ho an'e ota, da nagnameloky gn'ota tame nofo izy. ⁴ Naniny izany mba ho tanteraky amintsika gne raha takin'e lalàgny, itsika izay mandeha tsy arak'e nofo, fa arak'e fagnahy. ⁵ Indreo miaigny arak'e nofo da mifantoky ame rahan'e nofo, fa gne velogny arake fagnahy da mifantoky ame rahan'e fagnahy. ⁶ Satria gne fisaignagny miorigny ame nofo da fahafatesagny, fa gne fisaignagny miorigny ame fagnahy kosa da fiainagny izy ame fiadanagny. ⁷ Gne fisaignagny miorigny ame nofo da fandrafiagny eo anatrehan'Andriamanitry, fa tsy mifagnaraky ame lalàgnan'Andriamanitry izany, sady tsy hainy agnaby gne magnano an'izany. ⁸ Indreo izay ao ame nofo da tsy ho afaky ho ankasitrahan'Andriamanitry. ⁹ Kanefa, anareo da tsy ao ame nofo fa ao ame fagnahy, raha marina fa miaigny ao aminareo e Fagnahin'Andriamanitry. Fa raha misy olo tsy managny gne Fagnahin'i Kristy, da tsy Anazy Izy. ¹⁰ Raha ao aminareo i Kristy, da maty nohon'e fahotagny e vatagny, fa gne fagnahy da velogny nohon'e fahamarinagny. ¹¹ Raha gne fagnahan'e nanangagny an'i Jesosy tame maty gne velogny agnatinareo, da Izy izay nanangagny an'i Kristy tame maty gne hagnome fiainagny avakoa ho an'e tegnanareo izay mety maty ame gn'alalan'e Fagnahiny, izay velogny agnatinareo. ¹² Noho izany sa rahalà, da mpitrosa itsika, fa tsy ame nofo mba hiaigny arak'e nofo. ¹³ Fa raha miaigny arak'e nofo anareo, da ho faty, fa raha ame fagnahy izay amonoanareo gne asan'e tegna, da ho velogny anareo. ¹⁴ Fa akò gne maro votarik'e Fagnahin'Andriamanitry, indreo gne zanak'Andriamanitry. ¹⁵ Fa tsy mandray gne fagnahin'e fagnandevozagny sanaky anareo ka halia. F'izy, nandray gne Fagnahin'e fananganagn'anaky anareo, izay hangiangiantsika hoe: "Aba, Aba ah!" ¹⁶ Gne fagnahy mihitsy gne vavolombelogny ame fagnahintsika fa zanak'Andriamanitry itsika. ¹⁷ Raha zanaky itsika, da mpandova avakoa, mpandova an' Andriamanitry. Sady mpiray lova ao am'i Kristy itsika, raha tena mijaly miaraky Aminazy marina itsika da omegny voninahitry miaraky Aminazy avakoa. ¹⁸ Fa aniko fa gne fijaliagny amizao fotoagny izao da tsy mendriky ampitahaigny am'e voninahitry izay ho hambarany amintsika. ¹⁹ Fa gne voahary agnaby izay magnantegna zakabe da mandigny e fampisehoagny e zanak'Andriamanitry. ²⁰ Fa gne voahary da nanigny ho zava-pôagny, tsy nohon'e sitrapony manokagny, fa nohon'e nambotry anazy. Izany da ame toky nomegny ²¹ fa gne voahary mihintsy gne ho alaigny ame fagnandevozan'e fahalòvany, da hitondra ame fahafahagny ame voninahitr'e zanak'Andriamanitry izany. ²² Fa fantantsika fa gne voahary marobe da miaraky misento sady miaraky miasa agnatin'e fanaintaignagny ndre da amin'izao fotoana izao aza. ²³ Tsy izany avao, fa ndre gne tegnatsika, izay managny voaloham-bokatr'e Fagnahy_ ndre gne tegnatsika da misento agnatitsika, mandigny gne fananganagny antsika ho zanany, da gne fagnavotagny gne tegnatsika. ²⁴ Fa tamin'izany toky izany gne namonjegny antsika. Fa izay atokisantsika fa hibôky da mbola tsy hita, fa ia gne mandigny am-patokisagny izay efa hitany? ²⁵ Fa raha matoky ame mbola tsy hitantsika itsika, da mandigny izany am-paharetagny. ²⁶ Akoizany avakoa, gne fagnahy da magnampy ame fahalementsika. Fa itsika tsy mahafantatry gne vavaky tokony ho anintsika, fa gne Fagnahy mihintsy gne mifona ho antsika ame fisentoagny tsy hay zakaigny. ²⁷ Izy izay mandiniky e fo gne mahafantatry gne hevitr'e fagnahy, satria Izy e mifona ho ane mpino arak'e sitrapon'Andriamanitry. ²⁸ Fantantsika ho an'e tia an'Andriamanitry, da miaraky ampesaigny ame tsara aby gne raha marobe,([Fanamarihagny: Raha tokony hoe: "Miaraky ampesaigny ame tsara aby gne raha marobe," da gne fandikagny teny sasany taloha magnano hoe: "Gne raha marobe da miaraky miasa ame tsara."]) ho an'e voaantso arak'e fandaharagny. ²⁹ Satria izay fantany mialoha, da notendreny mialoha avakoa mba hitovy endriky ame Zanany, mba ho anaky lahy voalohany eo agnivon'e mpirahalà maro izy. ³⁰ Gne notendregny mialoha, da nangiagny avakoa. Indreo nangiagny, da nohamarigniny avakoa. Indreo nohamarigniny, da nomeny voninahitry avakoa. ³¹ Ino izany e tokony ho zakaintsika momba anio raha io? Raha momba antsika gn'Andriamanitry, ia gne mahatohitry antsika? ³² Izy izay tsy miaro gne zanany lahy tokagny fa nanolotry Anazy ho antsika marobe, akoignaia gne tsy agnomezany antsika maimaimpoagny miaraky Aminazy gne raha marobe avakoa? ³³ Ia gne hinday fitoriagny hanohitry gne olom-boafidin'Andriamanitry? Andriamanitry raiky avao e magnamarigny an'izany. ³⁴ Ia gne raiky hagnameloky? Kristy raiky gne maty ho antsika, sady mihoatry an'izany, natsangagny avakoa Izy. Manapaky miaraky amin'Andriamanitry ame fitoeram-boninahitry Izy, sady Izy gne mifona ho antsika. ³⁵ Ia gne hagnasaraky antsika ame fitiavan'i Kristy? Fahoriagny, sa fijaliagny, sa fagnenjehagny, sa hanoanagny, sa fikoziagny, sa loza, sa sabatry? ³⁶ Araky gne voasoratry hoe: "Noho gn'aminao da voavono andro lava ahay. Noresigny akô ondry ho vonoigny iay." ³⁷ Agnatin'izany raha marobe izany da mihoatry gne mpandresy iay ame gn'alalan'e raiky tia anay. ³⁸ Fa iao da resy lahatry fa ndre gne fahafatesagny, ndre gne fiaignany, ndre indreo anjely, ndre indreo fanjakagny, na e raha amin'izao fotoagny izao, na e raha ho avy, na gne hery, ³⁹ na gne avo, na gne laligny, na gne zavaboary hafa, da tsy ahasaraky antsika ame fitiavan'Andriamanitry, izay ao am'i Kristy Jesosy Tompontsika.