¹ Ino zany gne hozakaintsika? tokony hanohy amin'e fahotagny zany Itsika mba hitomboan'e fahasoavagny ? ² Tsy hisy mihintsy anie izany. Itsika izay maty gne amin'e ota, amin'e fomba akognaia sa gne mbola hiaignatsika amizany koa? ³ Tsy lalanareo me fa indreo rehetra nanigny batisa tao amin'i Kristy Jesosy da nanigny batisa tao amin'e fahafatesagny? ⁴ Koa, voalevigny, niaraky taminazy tamign'alalan'e batisa ho amin'e fahafatesagny Itsika .Nitranga izany mba ho ako gne nananganagny an'i Kristy tamin'e maty tamin'e voninahitry gne Ray, gne andeanantsika amin'e fiainagny vaovao avakoa. ⁵ Fa raha mikambagny Amin'azy amign'endriky gne fahafatesagny Itsika ,da hikambagny amin'e fitsanganagny avakoa. ⁶ Lalantsika izany , fa gne tegnantsika taloha da nofantsihagny niaraky taminazy, mba hamotehagny gne tegnan'e ota. Nitranga izany mba tsy ho andevozin' e ota sanaky Itsika. ⁷ Izy efa maty da nambara fa marigny sady afaky amin'e fahotagny . ⁸ Fa raha maty niaraky tamin'i Kristy Itsika, da mino fa hiara_belogny Aminazy avakoa. ⁹ Itsika da mahalala fa nitsangagny tamin'e maty Kristy , sady tsy maty sanaky Izy . Tsy manjaka Aminazy sanaky gne fahafatesagny. ¹⁰ Fa raha gne momba gne fahafatesagny da maty noho gne amin' e fahotagny Izy , maty indraiky avao ho an'e rehetra Izy. Kanefa, gne fiainagny izay hiainagny da iainagny ho an'Andriamanitry . ¹¹ Da ako izany , tsy maintsy mihevitry gne tegnanareo ho efa maty amin'e fahotagny avakoa anareo, fa velogny ho an'Andriamanitry ao amin'i Kristy Jesosy . ¹² Noho izany k'avela hanjaka ao amin'e tegnanareo mety maty gne ota mba hagnarahanareo gne filàn-dratsy. ¹³ K'atolotry ho an'e fahotagny gne ratsam-batanareo, ho fitaovagny ampiasaigny amin'e tsy fahamarinagny. Fa atolory ho an'Andriamanitry gne tegnanareo, ako gne nitsangagny tamin'e maty izay velogny amin'izao. Da atolory ho an'Andriamanitry gne ratsam-batanareo mba ho fitaovagny ampiasaigny amin'e fahamarinagny. ¹⁴ K'avela hanjaka aminareo gne ota. Satria tsy ambanin'e lalàgny anareo, fa ambanin'e fahasoavagny. ¹⁵ Da ino zany sa ? Tokony hanota zany Itsika satria tsy ambanin' e lalàgny , fa ambanin'e fahasoavagny? Tsy hisy mihintsy anie izay. ¹⁶ Tsy lalanareo me fa e raiky izay anoloranareo gne tegnanareo ho mpanompo da e raiky izay ho ekenareo, izay hany tsy maintsy ekenareo? Marigny izany ndre mpanompon' e fahotagny izay mitariky agny amin'e fahafatesagny anareo, ndre mpanompon'e fankatoavagny izay mitariky agny amin'e fahamarinagny . ¹⁷ Fa isaoragny Andriamanitry! Satria efa mpanompon'e fahotagny anareo, kanefa nankato tao am-ponareo gne fomba fampianaragny izay nomegny anareo . ¹⁸ Nafahagny tamin'e ota anareo, sady nanigny mpanompon'e fahamarinagny . . ¹⁹ Mizaka ako gn'olo iao noho gne fahalemen' e nofotrinareo. Satria vantany vao nanolotry gne ratsam-batanareo ho andevon'e fahalotoagny izy ame ratsy anareo, da ako izany koa izao , atolory ho andevon' e fahamarinagny ho amin'e fahamasinagny gne ratsam-batanareo. ²⁰ Fa fony anareo andevon'e ota, da afaky tamin' e fahamarinagny. ²¹ Amin'izao , ino zany gne vokatry azonareo tamin'e raha izay mahamegnatry anareo amin'izao? satria gne vokatrin'io raha io da gne fahafatesagny . ²² Fa amin'izao refa nahafagny tamin'e ota anareo sady lasa mpanompon'Andriamanitry, da mijinja gne fahamasinagny. Gne vokatry da gne fiainagny mandrakizay. ²³ Fa gne tambin'e ota da fahafatesagny, fa gne fagnomezan'Andriamanitry kosa da gne fiainagny mandrakizay ao amin'i kristy Jesosy Tompotsika.