¹ Satria nohamarinigny tamin'e finoagny Itsika, da managny fiadanagny miaraky amin'Andriamanitra amign'alalan'ny tompontsika Jesosy Kristy. ² Amign'alalany avakoa gnanantsika lalagny amin'e finoagny mandeha amin'izany fahasoavagny izay itsanganantsika izany. Miravoravo amin'e fatokiagny omen'Andriamanitra anay ame ho avy iay.Fahatokiagny izay ho zaraintsika amin'e voninahitr'Andriamanitry. ³ Tsy izany avao , fa Itsika avakoa da mifaly amign'alahelontsika. Lalantsika fa gne alahelo da mamokatry faharetagny. ⁴ E faharetagny miteraky fagnekegny, da gne fagnekegny miteraky fahatokiagny ho amin'e ho avy. ⁵ Izany toky izany da tsy mandiso fagnantenagny, satria gne fitiavan'Andriamanitry da efa narotsaky tao am-pontsika tamign'alalan'e Fanahy Masina, izay nomegny antsika. ⁶ Fa ra mbola nalemy Itsika, da maty ara-potoagny ho an'e ratsy fagnà Kristy. ⁷ Fa sarotry ho an'olo raiky gne ho faty ho an'olo-marigny. Fa, angamba mety misy olo raiky ho sahy ho faty ho an'olo tsara. ⁸ Fa Andriamanitry magnaboaky fitiavagny manokagny ho antsika, satria ra mbola mpanota Itsika da maty ho antsika Kristy. ⁹ Mihoatry noho izany aza, amin'zao andro zao. Refa nohamarinigny tamin'e ràny Itsika, da ho voavonjin'izany amin'e fahavigniran'Andriamanitry. ¹⁰ Fa raha, mbola fahavalo Itsika, da nihavagny tamin' Andriamanitry tamign'alalan'e fahafatesan'e Zanany, sady mihoatry noho izany, refa avy nampihavagnigny, da voavonjy amign'alalan'e ainy Itsika. ¹¹ Da tsy zany avao, fa Itsika avakoa da mifaly amin'Andriamanitry amign'alalan'i Tompontsika Jesosy Kristy, izay nazahoantsika izany fihavanagny izany amizao. ¹² Noho izany da, ako gne nidiran'e ota tamign'olo raiky tamizao tontolo izao, da ako izany avakoa gne nidiran'e fahafatesagny tamign'alalan'e ota. Sady gne fahafatesagny da niely tamign'olo agnaby, satria samy nanota agnaby gne rehetra. ¹³ Nandrapisian'e lalàgny, da tetoa amin'izao tontolo izao gne ota, fa tsy misy fagnisan-keloka ra tsy misy lalàgny. ¹⁴ Ndre da izany aza, gne fahafatesagny da nanjaka nanomboky tamin'i Adama ka hatramin'i Mosesy, ndre da tamindreo tsy nanota ako gne tsy fagneken'i Adama aza, da tandindon'Izay ho avy. ¹⁵ Ndre da izany aza, gne fagnomezagny da tsy ako gne fahadisoagny. Fa raha tamign'alalan'e fahadisoan'e raiky gne nahafaty gne maro, da mihoatry lavitry gne nanin'e fahasoavan'Andriamanitry Izy ame fagnomezagny avy amin'e fahasoavan'olo raiky, Jesosy Kristy, nomegny zakabe ho an'e maro. ¹⁶ Gne fagnomezagny da tsy ako gne vokatry avy amin'e raiky izay nanota. Fa amin'e lafiny raiky, avy gne fitsaragny ho fagnameloagny nohon'e fahadisoan'olo raiky. Fa amin'e lafiny raiky hafa, gne fagnomezagny miafara amin'e fagnamarinagny da avy tafaran'e fahadisoagny maro. ¹⁷ Fa raha, tamign'alalan'e fahadisoan'e raiky, gne hanjakan'e fahafatesagny amin'e raiky, da mihoatry lavitry noho izany gne hanjakandreo izay mandray gnaben'e fahasoavagny Izy ame fagnomezan'e fahamarinagny amign'alalan'e fiainagn'e raiky, da i Jesosy Kristy. ¹⁸ noho izany da, satria tamign'alalan'e fahadisoan'e raiky gne nahavy gn'olo ho amin'e fagnamelohagny, da amign'alalan'e asan'e fahamarinan'e raiky avakoa gn'evian'e fagnamarinagny gne fiainagny ho an'olo agnaby. ¹⁹ Fa satria avy amin'e tsy fagneken'olo raiky gne nahavy gne maro ho mpanota, da amign'alalan'e fagneken'e raiky avakoa gne hahavy gne maro ho marigny. ²⁰ Fa avy tao amin'izany gne lalàgny, mba ho zakabe gne fahadisoagny. Nefa raha nihazakabe gne fahotagny, da vao maiky nihazakabe gne fahasoavagny. ²¹ Niboaky izany mba, ako gne nanjakan'e fahotagny tamin'e fahafatesagny, da ako izany koa e hanjakan'e fahasoavagny amign'alalan'e fahamarinagny ho amin'e fiainagny mandrakizay amign'alalan'i Jesosy Kristy Tompontsika.