¹ Da antsika izay matanjaky da tokony hahalefitry e fahalemen'e malemy, sady tsy tokony hagnano e raha mahafinaritry e tegnatsika itsika. ² Aoka atsika tsiraidraiky mba hagnano e raha mahafaly e mpiarabelogny amintsika fa izany e tsara, mba hanandratagny anazy. ³ Fa ndre da i Kristy ary tsy nagnano izay nahafinaritry e tegnany. F'izy, izany moa da arak'e voasoratry hoe: Gne faniratsiran'e olo izay naniratsira anareo da nitreky taminà." ⁴ Fa ndre ino ndre ino voasoratry taloha tagny da voasoratry ho fampianaragny antsika, mba amin'e alalan'e faharetagny izy ame fampaherezan'e Soratry Masigny e anagnantsika toky. ⁵ Da Andriamanitry faharetagny izy ame fankaherezagny anie hagnome saigny mitovy ho ane tsiraidraiky aby araky an'i Kristy Jesosy. ⁶ Izy anie hagnano an'izany mba ho ame fisaignagny raiky sady ame vava raiky avao e hideranareo an'Andriamanitry izy am'i Aban'e Tompontsika Kristy Jesosy. ⁷ Noho izany mifandraisa, ako e nandraisan'i Kristy anareo avakoa, ho fideragny an'Andriamanitry. ⁸ Fa zakaiko fa i Kristy da efa lasa mpamompon'e voafora ho an'e fahamarinan'Andriamanitry, mba ahafahagny magnamarigny e fampagnantegnagny izay nomegny e Ray, ⁹ da e jentilisa mba hagnomezam-boninahitry an'Andriamanitry nohon'e famindram-pony. Izany da arak'e efa voasoratry hoe: "Noho izany da hagnome fideragny Anao eo amin'e jentilisa iao sady hihira fideragny gne agnaranao." ¹⁰ Da mbola voazaka avakoa hoe: "Miravoravoa, miaraky amin'e fokonolo maro be, ry Jentilisa." ¹¹ Sady koa hoe: "Ô Jentilisa! Deray e Tompo, apetray e olo agnaby hidera Anazy." ¹² Da hoy koa i Isaia se: "Hisy taranak'i Jese, da e olo hanapaky eo amin'ny Jentilisa. Hanagny fahatokisagny aminazy indreo Jentilisa." ¹³ Da e Andriamanitr'e fahatokisagny anie hameno anareo fifaliagny da fiadanagny agnaby amin'e finoagny, mba ho feno fahatokisagny anareo, avy amin'e herin'e Fagnahy Masigny. ¹⁴ Ô rahalà! Iao toa avakoa da resy lahatry ame momba anareo. Da resy lahatry iao fa anareo io avakoa da feno fahatsaragny, feno e fahalalagny agnaby. Da resy lahatry avakoa iao fa anareo io avakoa da afaky mifagnanatry. ¹⁵ Fa manoratry am-pahasahiagny aminareo iao mikasiky e raha sasany mba hampitadidiagny anareo indraiky, nohon'e fagnomezam-pahasoavagny izay nomen'Andriamanitry anà. ¹⁶ Izany fagnomezam-pahasoavagny izany da tokony hanompoako an'i Kristy Jesosy nalefa tagny ame Jentilisa, mba hanolotry ako e sorogny e Filazantsaran'Andriamanitry. Tokony haniko izany mba ho azo ekegny e fagnatitr'ireo Jentilisa, voatokan'e Fagnahy Masigny. ¹⁷ Noho izany e hafaliako da amin'i Kristy Jesosy izy ame rahan'Andriamanitry. ¹⁸ Fa tsy ho sahy hizaka ndre ino ndre ino afa-ts'e raha vitan'i Kristy tame alalako ho an'e fagneken'e jentilisa iao. Io raha aby io da vita tame zaka izy ame asa, ¹⁹ tame herin'e famantaragny izy ame fahagagagny, sady tame herin'e Fagnahy Masigny. Amin'izay da mba avy a Jerosalema, ame lavidavitry ako Ilyrikioma, e hahafahako magnatanteraky e Filazantsaran'i Kristy. ²⁰ Amin'izany, e fagniriako da e hitory Filazantsara, fa tsy amin'izay ahalalagny an'i Kristy ame agnara, mba tsy hagnoregnako ame efa nagnoregnan'olo. ²¹ Izany da arak'e efa voasoratry hoe: "Tamin'izay tsy nizakagny Anazy e ahita Anazy, da izay tsy naharegny e ahazo." ²² Noho izany avakoa da voasakagny matetiky tsy ho avy aminareo agny Iao. ²³ Fa amin'izao fotoagny izao, da tsy managny toeragny amin'io faritry io sanaky Iao, sady da efa taogny maro e nagniriako e ho avy aminareo agny. ²⁴ Noho izany, ndre ovia ndre ovia handianako agny Espana, da magnantegna iao fa hahita anareo refa mandalo, sady haterinareo ame hombako, refa avy mankafy e fiarahanareo tselatsela Iao. ²⁵ F'izy amin'izao fotoagny izao eky sa, da ho agny Jerosalema eky Iao hanompo e mpino. ²⁶ Fa fifalian'i Makedonia izy amin'i Akaia e hagnano fandraisagny anjara ho ane mahantra agn'isan'izany e mpino a Jerosalema. ²⁷ Eka, hafaliagny ho andreo izany, sady mpitrosa aminazy moa indreo io. Fa raha e Jentilisa e nizara tame raha masignindreo, da tokony hanompo andreo avakoa indreo ame raha ara-materialy. ²⁸ Noho izany, rehefa naniko izao asa izao sady nagnamafy fa voaraindreo e vokatry izay nalagno, da handeha agny Espaina iao da hitsidiky anareo ame lalako. ²⁹ Fantako fa refa mande aminareo agny iao da hiditry ame fahafenoan'e fitahian'i Kristy. ³⁰ Amin'izao fotoagny izao da mandrisiky anareo amin'i Jesosy Kristy Tompontsika sady ame fitiavan'e Fagnahy Masigny iao rahalà, mba hiaraky hiady aminà anareo ame vavaky aninareo amin'Andriamanitry ho anà. ³¹ Mivavaha mba ho avotry amin'io olo izay tsy magneky agny Jodia io iao, sady mba ho eken'io mpino io e fanompoako ho an'i Jerosalema. ³² Mivavaha mba hifaliako aminareo amin-kafaliagny ame sitrapon'Andriamanitry, sady mba hahafahako mahita fijanognagny, miaraky aminareo. ³³ Andriamanitry nge fiadanagny anie homba anareo agnaby. Amena.